Biblia Todo Logo
Bib sou entènèt

- Piblisite -




JEREMIAH 31:6 - Cho Bible Common Language 2016

6 Ngäng ciah Chang gui naw Ephraim m’htung ung om ne, “BAWIPA, mi khanpughi ah, Zion m’htung ah mi hang kai nei” cine ng’khü khai gui nei.”

Gade chapit la Kopi




JEREMIAH 31:6
23 Referans Kwoze  

Kei naw Israel chang gui cu ami khaw ung ka m’thou ba gui khai. Ngami naw kmmel m’htung la Bashan khawung ami geit cu eikhai gui, Ngami naw Ephraim la kilead khopäng ung thou ci avan cu ami ng’yak hlü ah ei khai gui.


Khanpughi naw kei cu prophet ah na tha ne a chang Israel gui phi nangmi naw kha ah mäih ah nami na pha vai ah nami k’thu prophet gui ah ga ah kyak ci gui nei.


Judah chang gui la Israel chang gui cukawng ät ba khai gui. Ngami naw ami mät ah phäh ah ng’vaihta tumat ghü khai gui. Ngami cu ami khaw ung geit kaw u ne, bühmang ba khai gui. Ä! Jezreela ah hnüüp cu dämduh ciah hnüüp ah kyak khai!


ani naw pyen ci, “Hnicim chang kei naw shin ah khaw ung ng’tuk nak ka law püi ung a i ah kya lawk khai, cicu na chang gui am m’thein gui ä. Cun ah khaw ung chang gui naw ami mät ungka tumat cu gawkngäng ghü ci gui nei.


Ani naw pyen ci, “Hnicim Chang kei naw nang cu Israel pakhui khaw na ngäng khai ah ka ning pyang ci nei kei naw ka ning pekah thuk bäi gui cu ngami am na pyen nak ba gui vai.


Phyung heng tum ngäng ne ngai khai ah chang tumat cu Bawipa naw m’düih ci. Cun ung phi ngami naw, “kä kami ngai khai nei” cik ci gui.


Jerusalem, na ng’vongpang ung ngäng ci gi cu tha gui nei; Ngami cu amü a hnüüp kä om düt khai gui nei. Ngami naw Bawipa am a shaitak cu m’thein tu ba ci gui, Ngami kä a m’hnih gui vai ah shüm sak gui khai.


Jerusalem, m’htung hlüng ah hang kai ne, thuni cu ng’shäu ä! Zion, ak’aw ng’shan awn ng’khü ä; thuni cu ng’shäu ä! Ng’thu ä, kä kyi en ä. Judah khaw ung ami gawnu gui m’thein gui vä, ami khanpughi law sang ci nei!


Gakap gui cu Ephraim khawgui ung ng’hmuk ci gui. Ghangpughang Abijah cu Zemariah m’htung ah hang kai neta, Jeroboam la Israel chang gui cu khü gui ci, ani naw, na ngai vä! cik ci.


Cun kawn ah Judah la Benjamin pakhui ung ami pahta ng’vai gui, Taigü gui, Levit gui la Khanpughi naw ami m’lungkyong ung ang dang na gui cu hteit ge u ne, Bawipa ah Taigüim cu Jerusalem ung co khai gui.


Nang ung thamah ci gui cu yeikyai aih ci gui nei, Ngami cu Zion m’htung ah hteh vai ah khüighat ci gui nei.


“Kä bekhüt ciah chang gui, law ba vä, kei cu nami na ka nak ci nei. Kei naw gawnun päng ungka, tumat ci, pahta päng ung ka hnih ci ning la gui neta kei naw Zion m’htung ah ka ning hteit püi ba gui khai nei.


Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.


Cun ah hnüüp a gawk law ung, Assiria la Egypt kho ah amktu ah om tuk ciah Israel gui avan cu khünak ba gui ah k’phyung puuk cu tum vai nei. Ngami cu law u ne, theing ciah m’htung, Jerusalem ung Bawipa cu khawihnah khai gui nei.


Swiv nou:

Piblisite


Piblisite