JEREMIAH 31:5 - Cho Bible Common Language 2016

⁵ Nangmi naw Samaria m’htung ah Sapyit nami geit ba khai, cun ah sapyit ah m’theih pai cu geit ci gui naw ei khai gui.

JEREMIAH 31:5 Referans Kwoze

AMOS 9:14

Kei naw ka chang gui cu ami khaw ah ka law püi ba gui khai. Ngami naw di ciah ami mang gaw gui co ba u ne, om ba khai gui. Ngami naw sapyit gui geit u ne, sapyit tui awk khai gui; Ngami naw dum bi u ne a cun ung ami geit ei khai gui.

THULÄÄN NAK 28:30

“Nang naw htangla na be tuk khai. Cun ung phi a hei naw chu nak khai. Nang naw im na co khai, cun ung phi kä na om nak khai. Nang naw sapyit na geit khai, cun ung phi ak theih kä na ei khai.

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

ZEKHARIAH 3:10

Cun ah hnüüp a gawk law ung, nami im ng’phei gui nami khü vai, law u ne, yeikyai ding gei ngaih gep u sei, nami sapyit shun la thei ghing gui naw ning koi gui khai.”

OBADIAH 1:19

“Judah a htum täng ah chang gui naw Edom cu khäm khai gui; akhei lam m’htung nawi ungka gui naw Philistia cu khäm khai gui. Ephraim la Samaria khopäng gui cu Israel gui naw kaa nak khai gui. Benjamin chang gui naw Kilead khaw cu lak khai gui.

EZEKIEL 36:8

Cun ung phi Israel khomhtung gui ah khan ah, ka chang gui Israel gui, nangmi ah phäh ah sing ghing gui cu a hnah lim ne m’theih khai gui nei. Nangmi nami im ah nami law ba ge khai nei.

1 SAMUEL 21:5

“Ä, a u awn kä ng’yaw ci gui nei” cine David naw m’hlan ci. Bi düt bi vai kami hteh pang ung phi ka chang gui cu ak phiit ah ami mät theing cim ne om ci gui; kei mi ak tung ah bi kami bik ci, ka chang gui a i güt theing khai gui ang?”

THULÄÄN NAK 20:6

Shin ung sapyit ghing geit ghet ne, am theih kä bit phak ciah chang om naw? A om ah a kyak ung a im ah hteit ba sä. Kä cun ung ani cu ng’tuk nak ung ami ngawn tu ah a kyak ung, chang tumat mat naw sapyit ah phäh ah yeikyai khai nei.

SAM 107:37

Ngami naw m’shi phu u ne, sapyit geit u ne, am theih pai cu akda ah khäm ci gui.

JEREMIAH 32:15

M’gäi ciah Bawipa, Israel khanpughi naw im gui, lo gui la sapyit lo gui cu shin ah khaw ung hleih bam ä vai nei, cine pyen ci.

EZEKIEL 28:26

Ngami acu ah phyawng m’hteim ne om khai gui. Ngami im gui co u ne sapyit gui geit khai gui. Ngami shedam na gui ciah ami peileng ah ka gui man cu kei naw ka m’kyuk gui khai, Israel gui cu phyawng htein ne om khai gui. Cun kawn ah ngami naw kei cu Bawipa ami na Khanpughi ah na hmat khai gui.

MIKHAH 1:6

Cun ah kyasei Bawipa naw, “Samaria cu ng’leido ung m’dek ng’plum ah mäih ah shek khai, Sapyit geit nak ah khomdek ah mäih ah ka kyak sak khai. Mang gaw im ng’ki gui cu khaw nawi ah ng’dawn sak gui ne, mang gaw lungtung cu ka auh sak khai nei.