JEREMIAH 31:4 - Cho Bible Common Language 2016

⁴ Hnü ät mä kei naw ka ning cokyang ba gui mä khai. Hnü ät mä nangmi naw nami thing sheei tum ne yeikyai ne nami ng’lamba mä khai.

JEREMIAH 31:4 Referans Kwoze

JEREMIAH 33:7

Kei naw Judah la Israel cu ka bühmang sak gui khai, a zan kaa ah mäih ah ka cokyan ba gui khai.

JEREMIAH 31:13

Hnumi nong gui cu ng’tam ne yei khai gui, pami gui a ghi a hmaw cu yeikyai khai gui. Kei naw ngami cu ngäng m’bom gui ne, ami thuikyah nak cu yeikyai nak ah, ami ayä nak cu yeikyai nak ah ka m’hlah pe gui khai

AMOS 5:2

Lamihta Israel cu kyu ne ng’yän ci nei. Kä tho law ba hlawt ci! Ani cu khomdek ung amät bäng ng’yän ci, a u naw kä m’tho tuba ci.

LAMKTU 15:16

Bawipa naw, “Cun kawn ah kei law ba ne, David ah uknak kho cu ka m’düng ba khai, Shekak ci phi ka co kyang ba khai,

SAM 149:3

Ng’laam ne ang ming cu m’tam vä; k’hting la k’bei tum ne Bawipa cu m’tam vä.

LUKA 15:23

Ak plan pi bäih ah seipat ngawn vä, ei aw ne mi yeikyai khai nei.

NG’ÄI KYAH 2:13

O Jerusalem, m’hni aih ah Jerusalem, kei naw a i ka pyen hning khai aw? Kei naw a i cha ah ka ning shungvong hning khai aw? A u phi shin ah mäih ah kä yai ca khai nei. Nang ah leigai cu khogi kä om ciah tuinu ah mäih ah kyak ci. Ngaih u vai ai phi kä om ci.

2 GHANGPUGHANG GUI 19:21

Bawipa naw pyen ci, “Sennacherib, Jerusalem mang gaw naw nang cu ning gaih tuk ci nei, ning päipih ci nei.

NG’ÄI KYAH 1:15

Bawipa naw gaigawng pikbäih ciah ka gakap avan cu gaih tuk ci. Ani naw ka chang nong gui m’di gui khai ah ga bum tüi lawk ci. Sapyit theih gui neen nak ungka ah mäih ah ani naw ka chang gui güüt gui ci.

JEREMIAH 31:21

M’hnüt nak ng’ling ne lam cu m’hnüt ä; na hteh nak te ah lam cu shui teng ba ä. Law ba vä, Israel chang gui, nami hteh tak ah gawnu Im ah law ba vä.

JEREMIAH 18:13

Bawipa naw pyen ci, “Shin ah mäih cu a cau kya man ne ang ci ne changpakhui päng cu ng’shi vä. Israel chang gui naw kyihkyawk vai cu bi pyi ci gui nei!

JEREMIAH 1:10

Tuhngawi kei naw nang am changpakhui gui la uk nak kho gui cu angzung ah mawi ne, phu ne, m’di ne ghawt ne, cokyang ne geitkaw ne kyak ah huham cu ka ning pek ci nei.

SAM 69:35

Ani naw Jerusalem cu hun ne, Judah kho gawnu gui phi sa ba khai. A chang gui cu acun ah khaw ung om u ne, cun ah khaw cu khäm khai gui;

SAM 51:18

O Khanpughi, Zion mang gaw cu m’gein ne m’hteihtang ä; Jerusalem mang gaw pang cu tah ne thong ba ä.

SUKI GUI 11:34

Jephthah cu Mizpah a im ah law ba khäta, ahtahnumi cu ani hmu lawk khai ah thing tum ne ng’lam ne lawk ci. Ani cu a hta tumat bang ah kyak ci.

AMOS 9:11

Bawipa naw, “Kei naw David ah uknak khaw ka cawh kyan ba nak vai ah akhin cu gawk lawk ci nei, cun cu ng’phyek ciah im ah mäih ah kyak ci nei. Akpaang gui cu piang ba ne, ka bum gui khai. Cun cu kei naw co ba ne, acau kaa ah mäih ah ka pyang ba khai nei.

JEREMIAH 14:17

Ka azä nak ah mawng chang gui am ka m’thein gui vai ah Bawipa naw na ng’thum khan ci: “Amü a hnüüp ka mi kung ng’phli tui long sä, ka thüi kyah nak cu kä ng’düm phung sä. Cun cu ka chang gui ak nui ah leim ne, ana ah ami m’neh ah phäh ah kyak ci nei.

ISAIAH 37:22

Bawipa naw pyen ci, “Sennacherib aw, Jerusalem mang gaw naw ning gaih tuk ci nei, ning päipih ci nei.

SAM 30:11

Kei ah thüi nak cu yei ne ng’lam nak awn na na m’thawng pek ci; Nang naw ka thüi nak avan cu la yawp ne, yeikyai nak awn na na kiung ci.

ISAIAH 30:32

Bawipa naw ngami cu leng ba ba ne a thah gui yah ung, ani ah achang gui cu tingtäng htikbei tum ne akhin pyi sak khai gui. Khanpughi amät naw Assirian gui cu ng’tuk püi gui khai.

JEREMIAH 24:6

Kei naw ngäng bou gui ne shin ah khaw ah ka law püi ba gui khai. Kei naw ka co kyang gui khai, kä ka plawh sheh gui khai. Kei naw ka geit kaw gui khai, kä ka mawi gui khai.

JEREMIAH 31:38

Bawipa naw pyen ci nei, “Jerusalem mang gaw cu akhei täng Hananela Tänghän ung ka naw Akit m’kawt ung khüt sei Jerusalem avan cu kei ah mang gaw ah cawh ba nak vai ah akhin cu gawk lawk ci nei.

JEREMIAH 46:11

Egypt chang gui, Kilead ah hteit ne shei gui shui vä! Nami shei gui avan cu mang vai kä kyak ci, a u phi kä gai sak ci nei.

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.