JEREMIAH 31:3 - Cho Bible Common Language 2016

³ ashou nak ah ka naw ngami ung ka ng’dang ci. Israel chang gui, kei naw angtäi sei ka ning m’hni gui ci, Cun ah kyasei kei naw ng’täi ciah ka m’hni nak cu k’täi ne ka ning m’dang gui ci.

JEREMIAH 31:3 Referans Kwoze

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

HOSEA 11:4

Kei naw ngami cu yum nak la m’hni nak awn ka kaih gui ci. Kei naw ngami cu kaw gui ne ka ng’being pha khai ah ka chang gui ci. Kei naw ngami ah ma ah kawp ne ka m’bei gui ci.

THULÄÄN NAK 33:3

Bawipa naw a chang gui m’hni gui ci, Amät ah prophet gui cu m’hni gui ci. Cun ah kyasei a khaw ka ah mi kawp ne, Ang thumkhän gui mi läk khai.

1 JOHAN 4:19

Khanpughi naw nam hni gui ma sei, mikmi naw ani cu mi m’hni ci.

2 TIMOTHI 1:9

Na hun gui ne amät ah chang ah anam hnüt gui cu, mi mät ah bilawh nikiom nak awn ah kä kyak ci, amät ah ng’bü nak la m’gein nak awn ah kyak ci nei. Khanpughi naw kho kä ang tün pha ge ung cun ah m’gein nak cu, Bawi Khrit Jesuh ung na pe gui ci.

ROMAN 8:30

Cun ah kya sei Khanpughi naw ghü ne ak pai gui cu khü gui ci; a khü gui ah chang gui cu amät ung chang düng ah k’bäi gui netah, amät ah bäkhäk nak cun phi gah sak gui ci.

ISAIAH 45:17

Cun ung phi Israel cu Bawipa naw hun ci nei, ani ah näng nak cu ngawi yä om khai nei; ani ah chang gui cu kä thui hmai phung khai gui nei.”

MALAKHI 1:2

Bawipa naw a chang gui am, “Kei naw angtäi sei ka ning m’hni gui ci nei” cik ci. Cun ung phi ngami naw, “Na na m’hni nak gui cu a i hawkcha ah na m’dang khai ang?” cik ci gui. Bawipa naw, “Esau la Jakob cu ng’phäi nau goi ah kyak ci, cun ung phi Jakob la a hta ng’shon cu kei naw ka m’hni ci.

THULÄÄN NAK 10:15

Cun ung phi Bawipa naw nami pupa gui, am hni nak cu ghaat aih ci kya ne a hei chang gui ah hnün ung ani naw a ning ghü gui ah kyak ci. Nangmi cu tuh ä ani ah ghü ah chang ah nami kyak ci.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

SOLOMON NG’Ä~ 1:4

Na la law ä, ni dawng kawm ni; ka ning ghangpughang nak khai nei, na im kyong ah na hteh püi ä. Atäng ah ni yeikyai khai nei, Hlim sei ei aw ne yumhni nak ung ning len khai nei. Hnumi avan naw ami ning m’hni cu cäi vai ah kä kyak ci.

HOSEA 11:1

Bawipa naw pyen ci, “Israel cu a hmaw sangung kei naw ka m’hni ci. Ka hta ah tha ne Egypt khaw ah ka, ka khü law ba ci.

THULÄÄN NAK 33:26

Israel chang gui, nangmi ah Khanpughi ah mäih ah a i khanpughi phi kä om ci. Aktung khak ng’cuum ne khomik kaan ci, Khongmei ung cuum ne nang ning bawm khai ah lawk ci.

THULÄÄN NAK 4:37

Ani naw nami pupa gui m’hni gui ci, Ning ghü gui ci, dämduh ciah a huham awn amät naw Egypt khaw ungka ning law püi ba gui ci.

JAMES 1:18

Khanpughi naw amät ah ng’yak hlü ah, ang thudüng awn chang ghing ah nang dang sak gui ci, cun ah kyasei mikmi cu a tüisho gui nüng ung ak bä pi ah mi kyak ci.

ROMAN 9:13

Cacim theing ung; “Kei naw Jakob cu ka m’hni ci, Cun ung phi Esau cu ka gen ci,” ciah om ci.

SAM 25:6

Na shüm ä, O Bawipa, Cau püi nam dang ah na chimgein nak la ng’täi ciah nam hni nak awn na shü ä.

1 GHANGPUGHANG GUI 10:9

Bawipa na khanpughi cu m’tamkhah ä! Ani naw Israel ghangpughang ah ning pyang ne, nang awn a täng ah a om ah phäh ah a i hlawk ah a yeikyai cu m’dang ci nei. A i ah kyasei ci ung ani naw Israel am hni nak cu angtäi ah kyak ci, ani naw nang cu ami ghangpughang ah ning pyang ci, nang naw thukhän la taga nak cu na bi hning ci.”

ISAIAH 43:4

Kei naw nami hnungui ning hun gui vai ah pakhui avan cu ka m’lungsi khai, A i ah kyasei ci ung nangmi cu kei ah hmawk ah a phu küi ah nami kyak ci, kei naw ka ning m’hni gui ka ning m’tamkhah gui ci.

ISAIAH 49:14

Cun ung phi Jerusalem chang gui naw pyen ci gui, “Bawipa naw na nawng gui ci nei! Ani naw na m’hnih gui ci nei.”