JEREMIAH 31:2 - Cho Bible Common Language 2016

² Sih nak ungka phyawng lawk ciah cun ah chang gui am bang gui am bang hmu ah kei naw Chimgein nak ka m’dang gui ci. Israel chang gui ami ng’düm hlü yah ung,

JEREMIAH 31:2 Referans Kwoze

SAM 95:11

Kei naw m’lungshe neta, küikyang ciah ka shaitak cu: ‘Nami ng’düm nak vai ah ka ning pek gui ah kho ung, nangmi kä nami lut phung khai nei’” ciah kyak ci.

KHEI NAK 10:33

Chang gui naw khomhtung theing Sinai ami hteh tak awn ah hnüüp thum ung hteit ci gui. Bawipa ah Thumkhän M’küm cu ma ne hteit ne shaum pigaw ami cawh nak vai ah hmun cu hmuk ci gui.

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

THULÄÄN NAK 1:33

Ani cu angtäi sei nami ma ung hteit ne, nangmi hmawk ah shaum pigaw nami co nak vai ana shui ci. Lam ning m’shüm gui khai ah khawmü ah mei däi ah kya ne, khaw hnüüp ung mei von ah kya ne nami ma ung hteit ci.

JEREMIAH 2:2

Jerusalem ung chang nü am shin ah ng’thu ka ng’shäu vai ah pyen ci. “Nangmi nami hmaw yah ung a i hlawt ah nami bekhüt cu, Kei naw ka shüm ba ci, Mikmi mi ng’chungla htük yah ung a i hlawk ah nami na m’hni ci ang; Nangmi naw bung nu ah, kä geit kaw nak man ah khaw ung nami na läk ci.

SAM 78:52

Cun kawn ah ani naw akchang gui cu, htoshäm ah mäih ah khah püi gui ne, bungpuk phlan ne hteh püi gui ci.

THULÄÄN NAK 12:9

A i ah kyasei ci ung Bawipa nami Khanpughi naw a ning pek gui ah khaw ung kä nami lut phak ci. Acu ah nang mi cu ding gei sei nami om khai.

THULÄÄN NAK 8:16

Cun ah bung ung ani naw nami ei vai mana m’htut ning pe gui ci, Cun cu nami pupa gui naw kä ami ei man ah kyak ci. Ani naw khüikha nak gui tüi law ne ning m’nüm gui ci. Cun ah kyasei ak hnu ah ani naw akni gui awn hriham ning pe gui ci.

THULÄÄN NAK 2:7

“Nami bi nak päng ung Bawipa nami Khanpughi naw a i hlawk ah hriham a ning pek gui cu nami shüm ba vai. Shin ah ng’shawng ciah bung ung nami ng’vah yah ung ani naw ning m’htei gui ci. Shin ah khawkum phlikip ung ani naw ning om püi gui ci, nangmi naw nami ng’yak hlü päng nami gah ci.

THULÄÄN NAK 1:30

Bawipa nami Khanpughi naw ning chuisaw gui khai, ani naw nangmi ah phäh ah ng’tuk bik khai. Egypt la

KHEI NAK 14:20

Bawipa naw m’hlan ne, “Nang naw nak thäh ah mäih ah kei naw ka m’geinsei gui khai.

PHYAWN NAK 33:14

Bawipa naw, “Kei cu nangmi awn a täng ah ka hteit khai, nang am näng nak ka ning pek khai” cik ci.

PHYAWN NAK 1:22

Ak hnu ah ghangpughang naw a chang gui am, “Ng’thumkhän ne a pek gui cu, “Hebru chang gui ami hta ung pami phung cu, Nile tuinu ung nami shum vai, hnumi hta gui cu nami ghin sak gui vai” ciah kyak ci.

PHYAWN NAK 1:16

Ani naw, “Hebru hnumi gui nami m’hta tu ah a kyak ung, pami ah ami hta ung nami ngawn vai, hnumi ah ami hta ung nami ghin sak vai” cik ci.

PHYAWN NAK 12:37

Israel chang gui cu Ramese ungka naw Sukkoth hmun ung khüt sei ami khaw awn hteit ci gui. Ngami cu hnumi la a hmaw kä khei tu ung tämkäp phia chuk lawk ci gui.

PHYAWN NAK 5:21

Ngami naw Moses la Aaron am, “A i nani bi cu Bawipa naw hmuk ci nei, ghangpughang la bawi gui naw ami na gen gui vai ah nani bi ah hmawk ah ning m’kyuk goi khai nei. Ngami naw ami na ngawn nak gui vai ah, nangni naw a mawng akni nani bik ci nei” cik ci gui.

PHYAWN NAK 2:23

Khokum api sho hta khäta, Egypt ghangpughang cu sik ci. Cun ung phi Israel chang gui cu ami khleihtein ah kya ne geinvai lä u ne, m’gein gui vai ah kyap m’lau lä ci gui. Ngami ah kyah cu Khanpughi ah gawk ci.

JOSHUA 1:13

“Nami shüm ba vai, Moses, Bawipa ah changshäm naw, a ning pyen nak gui cu, Bawipa nami Khanpughi naw shin ah khaw, Jordan ah a ktyangtäng cu nami im vai ah ning pe gui ci nei.

HOSEA 11:4

Kei naw ngami cu yum nak la m’hni nak awn ka kaih gui ci. Kei naw ngami cu kaw gui ne ka ng’being pha khai ah ka chang gui ci. Kei naw ngami ah ma ah kawp ne ka m’bei gui ci.

EZEKIEL 20:35

Kei naw nangmi cu changpakhui gui ah bung hmu ah ka ning law püi gui khai. A cu ah nami hmai ung ka ning m’kyuk gui khai.