Biblia Todo Logo
Bib sou entènèt

- Piblisite -




JEREMIAH 31:12 - Cho Bible Common Language 2016

12 Ngami cu Zion m’htung ah law ne yei ne ng’äi m’cu khai gui, kei ah m’cümhnah awn lünlawi khai gui — Cun ah m’cümhnah cu htang, sapyit tui olive situi la Htome, seipat gui ah kyak ci. Ngami cu tui shawk akni ah mäih ah kyak ci. Ngami cu tui awn akni ah shawi ah dum ah mäih ah kyak khai gui; Ngami naw ami ng’ yak phung gah khai gui.

Gade chapit la Kopi




JEREMIAH 31:12
35 Referans Kwoze  

Ngami cu yeikyai nak awn Jerusalem ah gawk khai gui, Ng’äi m’cu ne, yei ne m’lau khai gui. Ngami cu angtäi sei yeikyai khai gui, Thüisei omdam nak phiawn nak khai gui.


Cun ah khin ung khomhtung gui cu sapyit shun naw küm khai, khogui päng ung sei gui lum sei hmuh vai; Judah khaw avan ah phäh ah tui gui da khai. Bawipa ah Taigüim ungka tui khawng ne long khai, acun naw Akacia khaw nawi yuk m’shawi khai.


Cun ung kei naw angtäi sei lam ning m’shüm gui ne, akni gui awn ka ning büh bei sak gui khai. Kei naw ning khüighat sak gui ne ka ning gai sak gui khai. Nangmi cu tui akda awn sawi ah duin ah mäih ah nami kyak khai, kä ket hlawt ciah tuilawng ah mäih ah nami kyak khai.


Nangmi tuhbäi nami thüisei ci, cun ung phi kei awn mi ng’hmu ba mä khai kyasei nami m’lung cu yeikyai nak awn be khai, cun ah yeikyai nak cu hnicim chang naw kä m’shet hlawt khai.


Israel gui ah hlüng pikbäih ciah khomthung ung ka geit khai. Cun cu akda ah ng’ban ne, m’theih ne ui ne bä ciah cedar sing ah kya lawk khai. Kha nü nü cu a cun ung ng’yii u ne ami ng’bu nak vai ah ng’zi nak cu hmuk khai gui.


Kei ka mät phi Jerusalem la ak chang gui ah phäh ah yeikyai nak awn ka be khai nei. A cun ung kyah nak kä om khai, M’htei vai ah ng’hui nak kä am khai.


Nang ah thüi sei nak ah khohnüüp gui cu ng’pyi khai nei. Kei, Bawipa cu ng’täi ciah na k’dei ah kyak khai nei. Khohni la chapa ah mä khäng shou pi khai nei.


Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.


A i ah kyasei ci ung mangkiaang ah lai ung om ciah Htomehta naw, ngami cu ngung gui ne, ghin nak tui k’gei ah khawng nak ah khah püi gui khai. Khanpughi naw phi ngami ah mik ungka ng’phli tui phung cu ghu pe gui khai” cine pyein ci.


Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.


Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.


Cun ung phi na na m’geinsei gui ah akyak ung, nang ung kami m’chang m’sui khai nei.


Acun ah khaw, kei ah khomhtung theing ung, Israel khomhtung hlüng ung, nangmi Israel chang avan naw kei nami na khawihnah vai nei. Kei naw nangmi cu ka ning yei na gui khai, nami khawihnah nak gui, aknipi nami douthak gui, theingcim ciah nami m’cümhnah gui cu kei naw ka ngaih u khai.


Nang naw na gun gui ah chang gui cu yeikyai u ne, ng’äi m’cu u ne, yei ne m’lau u ne, Jerasalem ung gawk lawk ci gui nei. Ngami cu angtäi sei yei kiai khai gui nei. Azä nak la thüi sei nak ung angtäi sei luat khai gui nei.


Nangmi cu si law hlük ciah oak sing ghing ah mäih, a u naw tui awn kä a shawi ah dum ah mäih ah nami ng’zai khai.


Hnü ät mä kei naw ka ning cokyang ba gui mä khai. Hnü ät mä nangmi naw nami thing sheei tum ne yeikyai ne nami ng’lamba mä khai.


“Kä bekhüt ciah chang gui, law ba vä, kei cu nami na ka nak ci nei. Kei naw gawnun päng ungka, tumat ci, pahta päng ung ka hnih ci ning la gui neta kei naw Zion m’htung ah ka ning hteit püi ba gui khai nei.


Ngäng ciah Chang gui naw Ephraim m’htung ung om ne, “BAWIPA, mi khanpughi ah, Zion m’htung ah mi hang kai nei” cine ng’khü khai gui nei.”


Bawipa naw pyen ci, “Pakhui gui ung akdäm pi ah kyak ciah Israel ah phäh ah yei ne ng’äi m’cu vä. M’hlüng tai nak ah ng’äi cu m’cu vä, Bawipa naw a chang gui cu hun pyi ci nei; ‘Pawih ba ci gui ami van cu gung gui pyi ci nei.


Chang gui cu Judah khaw la gaw nu gui avan ung om khai gui, lo k’bi gui la htome ng’bum ung htomeshäm gui om khai gui.


Cümbawng ci gui cu kei naw hüizang sak gui ne, ei ah cawi ne aktha ken ci phung cu phü khai ah ka m’bei gui khai.


M’gäi ciah Bawipa, Israel khanpughi naw im gui, lo gui la sapyit lo gui cu shin ah khaw ung hleih bam ä vai nei, cine pyen ci.


M’gäi ciah Bawipa naw pyen ci, ‘Bunghmu ah mäih ah kya ne, chang la khisa gui ah kä om nak ah shin ah khaw cu htoshäm gui naw ami htome gui ami chah nak vai ah khulim khaw ah kya ba khai.


Khaw gui yung ah gaw nu gui, m’htung nawi gui, Judah khaw a htum täng, Benjamin khopäng, Jerusalem ah pei yung ah pi gaw gui la Judah gawnu gui ung htoshäm gui naw ami htome gui cu khei ba khai gui nei kei, Bawipa naw ka pyen nei.”


Kei naw ngami cu khomhtung gui la khongnawi gui khu ah lim nak ung phyawng sei om sak gui ne, Israel khaw khu m’kim nak avan ung ka hteh püi gui khai.


Paan ung htang kä om ci, Sapyit, thei he, olive sing kä m’theih phak ci. Cun ung phi tuhbäi ung tün ne, hrilham ka ning pe gui khai” cik ci.


Mang gaw ngäng ci gui cu m’lau ci gui, atäng ah yei ne m’lau ci gui! Zion ung Bawipa a law ba cu ngami naw ami mät ah mik awn hmuk ci gui nei!


Kei naw sing theih gui geitkaw gui cu ka dämda sak khai, cun ung changpakhui gui ah ng’lung ah ning thui ng’aa sak gui ciah ei cawinak cu kä om ba khai.


Ngami cu ding gei sei ami m’shi geit khai gui, ami sapyit gui cu m’theih khai gui, khomdek naw akda vauipai sak khai, khawtui phi nik khai. Kei naw shin ah hriham gui cu k’pawih shut ciah ka changpakhui am ka pek khai.


Swiv nou:

Piblisite


Piblisite