JEREMIAH 31:10 - Cho Bible Common Language 2016

¹⁰ Bawipa naw pyen ci, “Pakhui gui, na ngai vä, kei ah ng’thu gui cu ashou nak khaw yung ah shäu vä. Kei ah ng’thu gui cu ka püi sak gui ci, Cun ung phi ka k’bum ba gui khai, Htoshäm naw htome gui a ngäng ah mäih ah ka ngäng gui khai.

JEREMIAH 31:10 Referans Kwoze

ISAIAH 40:11

Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.

EZEKIEL 34:12

Cun cu htome shäm naw püipiang ciah a htome gui cu m’htei htang gui ne, atäng ah a law pü ba gui ah mäih ah kyak ci. Hmüp khui ah a kyak nak ah hnüüp ung, ngami ami püipiang nak ah hmun avan ungka kei naw ka law püi ba gui khai.

ISAIAH 66:19

Cun khawn ah ngami m’kyuk gui cicu kei ah kyak phi hmat khai gui nei. “Cun ung phi kei naw amshah k’pai gui ne, kei ah ka huham la ka dämduh nak kä hmu man i gui la keiah ka mingthang nak kä ng’ya man ci gui ah pakhui gui la asho nak kho gui ah ka gui cu ka tüi gui khai: cun gui cu Sapin, Libia, la lidia-li kap akni gui ah om nak, Tubal la Kreece ah kyak ci. Shin ah pakhni gui ah ng’lung ah ngami naw kei ah dämduh nak cu shän kahi gui.

THULÄÄN NAK 30:4

Nangmi cu shou pikbäih ciah khomdek ah cawi ah gawk ne nami püipyang ung phiBawipa nami Khanpughi naw a täng ah ning m’cut ba gui ne ning law püi ba gui khai.

JOHAN 11:52

akho hei hei ah püipawng ci gui ah Khanpughi ah chang gui, ami bum ba vai ah hmawk ah Bawipa Jesuh asih vai ah mawng cu ng’dawt ne a pyein ah kyak ci.)

JOHAN 10:27

Ka htome gui cu kang thu ngai ci gui, kei naw ngami ka hmat gui ci, ngami naw phi kei na läk ci gui.

ZEPHANIAH 3:19

Akhin gawk law pyi ci nei! Ning yawshe na gui ci cu ka m’kyuk gui khai nei. A khaw hnget ci gui gai sak gui ne, Omktu ah om ci gui cu im ah ka law püi ba gui khai nei. Ami thui ng’aa nak cu chang m’sui nak ah ka lat pe gui khai, M’dek chang avan naw m’tamkhah gui khai nei.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

ZEKHARIAH 9:16

Cun ah hnüüp a gawk law ung, Bawipa naw a chang gui cu, Htoshäm naw htome gui kyihkyawk nak ung a hun gui ah mäih ah hun gui khai. Ngami cu ani ah khaw ung pyülung lukhu ah mäih ah ng’shü khai gui.

ZEPHANIAH 2:11

Ngami cu Bawipa naw kyih sak gui khai, ani naw khomdek khanpughi gui cu akholä ah kyak sak gui khai. Chang pakhui pang naw ami mät ah khaw phäh phäh ung Khanpughi cu khawihnah khai gui.

MIKHAH 5:4

Ani a law ung a chang gui cu Bawipa ungka lawk ciah thagui la amät Bawipa Khanpughi ah m’gäi nak awn uk khai. A chang gui cu phiawng ne om khai gui, m’dek khanchang van naw an ah dämduh nak cu m’taam khai gui.

MIKHAH 4:6

Bawipa naw, “Akhin gawk lawk ci nei, ka m’kyuk ah ka chang gui, ka k’bum ba gui khai, ngami cu omktu khaw ah geinvai ci gui.

MIKHAH 2:12

“Cun ung phi pawih ba ciah Israel chang avan cu ka ning bum sak gui khai. Kei naw nangmi cu ami ng’bu ah law ba ciah htome gui ah mäih ah ka ning bum ba sak gui khai. Nami khaw ci chang akda awn be ba khai.”

EZEKIEL 37:24

Ka changshäm David ghangpughang ah mäih cu ghangpughang nak khai gui. Ngami cu uktu tumat ah ka ah om u ne, kei ah thukhän gui cu bekhüt ne läk khai gui.

EZEKIEL 20:34

Kei naw nangmi ka ning k’bum ba gui ung, na mi püipiang nak ah khopäng gui avan ungka ka ning law püi ba gui ung, kei naw ka huham la ka m’lungshe nak ka ning m’dang gui khai.

EZEKIEL 11:16

“Tuhbäi kei nae pyen gui cu name paw gui omktu gui am m’thein tu gui vä. Kei cu ngami ashou nak ah khaw ah om khai gui ah tüi gui ne khopäng ahei yung ah püi sak gui ciah ka kyak ci nei. Cun ung phi, akhin a gawk law ung, ngami ami gawk nak ah khaw ung kei naw atäng ah ka om püi gui khai nei.

EZEKIEL 5:10

Ak hnu ah Jerusalem ung nupa gui naw ami hta gui ei khai gui, ami hta gui naw ami nupa gui ei khai gui. Kei naw nangmi cu ning m’kyuk gui ne, ghin ne om ba ci gui cu alam pän gung ka n ing püi pyang sak gui khai.

EZEKIEL 5:2

Mang gaw ami khaai ang pyi nak ung k’pai ät cu mang gaw kyong ah na m’khih vai. K’pai ät cu mang gaw k’pung ah khüt sei na khim sem awn at pit pit ne na ci vai. K’pawih ba ciah k’pai ät cu khokhi ung na m’shon vai kei naw ka khimsem awn k’täm ne ka tuk khai.

JEREMIAH 50:19

Kei naw Israel chang gui cu ami khaw ung ka m’thou ba gui khai. Ngami naw kmmel m’htung la Bashan khawung ami geit cu eikhai gui, Ngami naw Ephraim la kilead khopäng ung thou ci avan cu ami ng’yak hlü ah ei khai gui.

JEREMIAH 50:17

Bawipa naw pyen ci, “Israel chang gui cu phongkawng naw gawt ne ak püi gui ah htome ah mäih ah kyak ci gui. Ak htük ung Assiria Uktubawi naw a tuk gui, cun kawn ah Babilonia ghangpughang Nebukhadnezzar naw ami guh adep gui.

ISAIAH 60:9

Ngami cu a shou nak ah ka lawk ciah htinpaw gui nei, khanpughi ah chang gui cu im ah law püi gui ci gui nei. Ngami naw ghui la ngui law püi ci gui, cun cu theingcim ciah Israel khanpughi, Bawipa ah aming m’tamkhah nak vai ah kyak ci nei. Chang pakhui avan naw a chang gui ami m’tam khah vai ah ani naw abi ah kyak ci nei.

ISAIAH 54:7

“Kei naw a shäng hta ka ning hteh tak ci cun ung phi m’hni nak ak thuk awn ka ning la ba ci.

ISAIAH 42:10

Bawipa ah ma ah ng’äi ak thai m’cu vä; Khomdek khan avan naw ani m’tham nak ng’äi m’cu vä! Tuinu ung hteit ci gui, ani cu m’tam vä; Tuinu ung om ciah atuisho avan naw, ani cu m’tam vä! Asho nak khaw la a cu ah om ci gui avan naw ng’äi m’cu vä!

ISAIAH 42:4

Ani ung ngaih u nak la thamah nak kä maih khai; Ani naw khomdek khan ung taga nak cu khänhtek sak khai. Akhoshou nak ah ka gui naw ani ah m’theithang nak cu ng’ya hlü leng ne ngäng khai gui.”

ISAIAH 41:1

Khanpughi naw pyen ci, “Düm ah, kei cu na ngai vä, nangmi kho asho khaw ah ka gui! Nami mawngma cu yung ah m’kai vai ah pawng püi ge vä; Nangmi nami ng’thu nak hning vai om khai nei.

ISAIAH 27:12

Cun ah hnüüp ung, chang tumat naw htang ang shii ng’tak am chaa ah mäih ah, Euphratis tuinu ung ka naw Egypt khogii ung khüt khai ah Bawipa naw a chang gui cu tumat täi ah m’cut gui khai.

ISAIAH 24:14

K’pawih ci gui naw yei nak ng’äi m’cu khai gui. Akhei tang ah om ci gui naw Bawipa a i hlawk ah adämduh cu pyen khai gui nei.

SAM 72:10

Spain la khohmun ghangpughang gui naw m’cümhnah nak pe lawk khai gui. Sheba la Seba ghangpughang gui naw khawihnah nak pe lawk khai gui.

THULÄÄN NAK 32:26

Kei naw htin khai ah kam di gui khai. Cun ung a u naw ngami kä shüm ba gui khai.

ATÜNNAK 10:5

Ngami cu tui lawng pei ah ng’lei khan ung om ci gui ah kyak ci. Ngami cu Japheth ah htangshon gui, ami mät ah khaw hnga hnga ung ami pakhui phäh phäh ah om ci gui ah kyak ci. Ami mät ah phakhui phäh phäh ung ami ng’thu phi om phäh phäh ci.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

SAM 23:1

Bawipa cu ka htoshäm ah kyak ci; Kei cu kä ka dukhaih ci.

NG'THU K'THUUK~ 27:23

Na sei la na me cu na m’khüt hning hlawk ah na m’htei vai,

ISAIAH 40:1

Nami khanpughi naw pyen ci, “Ka chang gui m’lung üp sak gui ä,” “M’lung üp sak gui ä!

ISAIAH 48:20

Babilon ung ka hteit vä, phyawng vä! “Bawipa naw a changshäm Israel cu hun pyi ci nei” ci ne, yei ne m’lau vä, kho ng’nü ung hmat sak vä!”

JEREMIAH 3:15

Kei naw, kei ah thu ngai ciah uktu ka ning pe gui khai, ngami naw cüivai nak la hmuhmat nak awn uk khai gui.

JEREMIAH 23:4

Nangmi ning m’htei gui khai ah uktu gui cu kei naw ka m’düih gui khai. Kei ah ka chang gui cu kä kyihkyawk ba khai gui, kä cäicat ba khai gui, kei naw kä ka m’kyuk ba gui khai. Kei, Bawipa naw ka pyen ci.”

DANIEL 11:18

Cun kawn ah ani naw tuinu kem ung om ciah pakhui khaw gui cu tu gui ne akda näng gui khai. Cun ung phi a khaw hei ang vaihta naw ani cu hnim ne, ani ah m’gäi nak cu ng’pyi sak khai. Akcang ah Siria ghangpughang cu ani naw shum sak khai.

ZEKHARIAH 2:6

Bawipa naw a hang gui am, “Kei naw khaw ng’nü ung ka ning püi sak gui ci, cun ung phi tuhbäi nang chang k’dawng gui, Babilonia ah ka gawt law ne, Jerusalem ah nami law ba ci.

SAM 147:2

Khanpughi naw Jerusalem mang gaw cu co ba ci; akho hei ah ami k’täm gui cu law püi ba gui ci.

ZEKHARIAH 10:8

“Kei naw ka chang gui cu khü ne, Atäng ah ka ng’bum sak gui khai, Kei naw ka gung gui khai, acau ami da man ah mäih ah ka da ba sak gui khai.