JEREMIAH 30:9 - Cho Bible Common Language 2016

⁹ Cunnak vaisü ung ngami naw Bawipa ami Khanpughi la David ah htangshon, kei naw ghangpughang ah ka hmoh law vai ah abii cu loik khai gui.

JEREMIAH 30:9 Referans Kwoze

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

LUKA 1:69

Ak changshäm David ah hta ng’shon ung, hlüngtai ciah Hunbawi cu dang sak pyi ci nei.

LAMKTU 13:34

Sih nak ungka a thawh ba ah mawng la ng’cim hmun ung kä a gawk ba phung vai ah mawng cu, Khanpughi naw; “David ah ma ah shai ka taak ah mäih ah, Nang mi am phi A theing la hriham cu ka ning pe gui khai, ci ne pyein ci.

LAMKTU 13:23

Khanpughi naw a shaitaak ah mäih ah Israel chang gui ah hmawk ah Hunbawi cu David ah hta ng’shon ung ng’tüi law sak ci. Cun cu Bawipa Jesuh ah kya ci.

LAMKTU 2:30

Ani cu prophet ah kiah neh amät ah hta ng’shawn ung ka, ghangpughang ah kiah ba khai ciah Khanpughi ah shai tak cu hmat ci.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

MATTHE 2:2

“Tuhbäi ng’tüi lawk ciah Jew chang gui ah ghangpughang cu a hawi ang? Hnilaw lam ah ani ah aisi dang sei hmu u ne, ani cu khawihnah vai ah kami lawk ci nei,” cine ng’shi gui ci gui.

SAM 89:49

Bawipa, zan ä dang ciah na m’hni nak cu a hawi ang? David ah ma ah na shaitak cu a hawi ang?

JEREMIAH 29:11

Nangmi ah phäh ah ka m’hnüt bäi cu ka mät bäng naw ka hmat ci, Cun ah m’hnüt bäi cu nami bühmang nak vai ah kyak ci, leigai ah kä kyak ci, ngawi ah nami ngaih u rai law püi ciah m’hnüt bäi ah kyak ci.

JEREMIAH 30:21

Ami uktu cu ami mät ah pakhui ungka lawk khai, Ami manghta cu ami mät ah Chang ungka lawk khai. Kei naw ani ka khü ung ani naw kei nak et lawk khai, Kei naw kä ka khü ung a u cu ng’et lawk khai ang? Ngami cu kei ah Chang ah kyak khai gui, kei cu ngami ah khanpughi ah ka kyak khai. Kei, Bawipa naw ka pyen nei.”

JEREMIAH 33:15

Cun ah akhin ung kei naw David ah düng ciah htangshon cu ghangpughang ah ka ghü khai nei. Cun ah ghangpughang naw düng ci la taga cicu khaw avan ung bik khai nei.