JEREMIAH 30:8 - Cho Bible Common Language 2016

⁸ M’gäi ciah Bawipa naw pyen ci; “Cun ah hnüüp a gawk law ung ami hnü ung ami phuih nak ah sing cu cheiuh ne, gui gui cu ka heen pe gui khai, ngami cu Khohei Chang gui ah Khlei htein ah kä kya ba khai gui.

JEREMIAH 30:8 Referans Kwoze

EZEKIEL 34:27

Sing ghing gui cu m’theih khai gui, lolai gui ung geitkaw m’thawk khai, chang nü cu amät ah khaw geingbawi sei om khai. Kei naw ka chang gui ami khih nak gui cu cipit ne, ngami khlei htein na gui ciah chang gui ah kut ungka ka m’hlawt gui ung, ngami naw kei cu Bawipa ah na hmat khai gui.

NAHUM 1:13

Nangmi ah khan ah Assirian gui ah huham mah Nak cu, tuhbäi ka ng’pyi sak khai, Ning khit gui ciah gui phi ka pit sak khai.”

JEREMIAH 27:2

Mehvun gui la phuih nak ah sing phe gui cu la neta na k’hngü ah khan ah taih ä.

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

JEREMIAH 28:10

Cun kawn ah Hananiah naw ka hnü ungka phuih htung cu la neta am ton ton ah ci hnget ci,

JEREMIAH 28:13

hteit ne Hananiah cu pyen na ä: “Bawipa naw pyen ci, nangmi naw sing awn pyan ah phuih nak cu namicihnget hning khai, cun ung phi ani naw m’siiawn pyan ah phuih nak awn m’thong ba khai.

JEREMIAH 27:7

Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

JEREMIAH 25:14

Kei naw Babilonia gui am ami mät ah bi ah phäh ah ka pe ba gui khai, changpakhui akda la dämduh ciah ghangpughang gui naw ngami cu k’hleihtein nah gui khai gui.”

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

ISAIAH 14:25

Kei naw ka khaw Israel ung Assirian gui cu ka m’di gui khai, ka khomhtung gui ah khan ah ngamicu ka kai na gui khai. Kei naw ka chang gui cu phuih gih ah kyak ciah Assirian la phuih la phuih gih gui ung ka, ka k’phiawn gui khai.

ISAIAH 10:27

Cun ah khin a gawk law ung, kei naw nangmi cu Assiria ah huham ungka, ka ning m’hlawt gui khai, ngami ah phuih gih cu nangmi ah phleing ung kä ng’taih ba khai.”

JEREMIAH 28:4

Kei naw Judah ghangpughang, Jehoiakim ah hta Jehoiachin phi, Babilonia ah omktu ah ami hteh püi gui ah chang gui awn atäng ah ka law püi ba gui khai nei. Ä ya, kei naw Babilonia ghangpughang ah huham cu ka cheiuh khai nei. Kei, Bawipa naw ka pyen nei.”

SAM 107:14

Ani naw amü, a hmüp nak ungka k’plawk ba gui ne, ami khih nak gui cu ci pit yawp ci.

EZEKIEL 30:18

Kei naw Egypt ah huham ka m’shet law ung Tahpanhes ah khan ah kho hmüp nak gawk lawk khai, ngami naw ami khähghah nak aih ah k’thagui cu ng’pyi khai. Egypt cu khongmei naw shung khai, mang gaw avan ung chang gui cu thanwg ung kium khai gui.

ISAIAH 14:1

Bawipa naw a chang Israel gui cu m’gein ba gui mä ne, amät ah chang ah ghü ba gui ci. Aui naw ami mät ah khaw ung om ba sat gui mä khai, akhawhei chang gui cu a cu ah law u ne ngami awn atäng ah om khai gui.

ISAIAH 14:3

Bawipa naw Israel chang gui cu ami m’neh m’awh nak la ami yaica nak, ling ne bi ami sak nak gui ung ka zu chang gui khai.