JEREMIAH 30:3 - Cho Bible Common Language 2016

³ a i ah kyasei ci ung kei naw ka Chang gui Israel la Judah gui ka m’thawk nak ba gui vai ah akhin cu gawk lawk ci nei. Kei naw ngami cu ami pupa gui am ka pek gui ah khaw ung ka law püi ba gui khai, ngami naw cun ah khaw cu kaa na ba khai gui. Kei, Bawipa naw ka pyen nei.”

JEREMIAH 30:3 Referans Kwoze

JEREMIAH 29:14

Ä, kei naw ka pyen ci, nangmi naw nami na hmuk khai, kei naw nami khaw ung ka ning chah ba gui khai. Kei naw ka ning püi pyang sak nak gui ah khopäing nü, khohmun nü ungka ka ning bum ba sak gui khai, cun kawn ah kei naw omktu ah ak ning tüih nak gui ungka nami khaw ung ka ning law püi ba gui khai. Kei, Bawipa naw ka pyen ci.’

JEREMIAH 16:15

Acun nak vaisü ung Israel chang gui cu a siiptäng khaw la kei naw ka püi pyang sak nak gui ah akhopäng hei gui ung ka ka law püi ba gui ciah ghing ciah khanpughi ah ka kyak nak ung guntaan khai gui nei. Kei naw ami pupa gui am ka pek gui ah ami mät ah khaw ung kei naw ka hteh püi ba gui khai. Kei, Bawipa naw ka pyen ci nei.

EZEKIEL 20:42

Kei naw nami pupa gui am ka pek gui vai ah ka shaitak ah khaw Israel ungka ning law püi ba gui ung, kei cu Bawipa ah nangmi naw nami hmat khai.

JEREMIAH 30:18

Bawipa naw pyen ci, “kei naw ka chang gui cu ami khaw ung ka ka m’tho ba gui khai, kyong khui päng ah khan ah Chimgein nak om khai; Jerusalem cu cawh ba vai, amang im cu m’thawh ba vai.

ZEPHANIAH 3:20

Akhin gawk law pyi ci nei! Püi ciah ka chang gui im ah ka law püi ba gui khai, Khomdek khan avan ung na ming ka ning thang sak khai. Ka ning bühmang ba sak khai,” cine, Bawipa naw ng’thu pyen ci.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

JEREMIAH 32:44

Chang gui naw khleih khai gui, cun gui cu ming guk vai, m’hnüt vai, saksi om khai. Cun gui cu Bangamin khopäng, Jerusalem ah pei yung ah pigaw gui, Judah ung gawnu gui, khomhtung yung ah gawnu gui m’htung nawi gui la Judah khaw a htum täng yung ah kyak khai. Kei naw chang gui cu ami khaw ung ka m’tho ba gui khai. Kei, Bawipa, naw ka pyen nei.”

HEBRU 8:8

Cun ung phi Khanpughi naw ak chang gui ah cheishoh nak hmuh netah; “Judah chang gui la Israel chang gui ung, thukhän thai ka bi vai ah a khin cu gawk lawk ci nei.

JOEL 3:1

Bawipa naw pyen ci, “A cun ah khin ung kei naw Judah la Jerusalem ah bühmang nak cu ka m’tho ba khai.

EZEKIEL 36:24

Kei naw nangmi am m’lung akthai, ngaih akthai ka ning pe gui khai. Kei naw lung ah liu ciah nami m’lung liing cu ning lak pe gui ne, beik ng’yak nak ah m’lung cu ka ning pe gui khai.

SAM 53:6

Israel gui ah näng nak cu Zion khaw ungka gawk lawk khai nei. Khanpughi naw a bä mang ba sak gui ung, Israel chang gui cu a i hlawk ah yeikyai khai gui aw!

LUKA 21:6

Bawipa Jesuh naw, “Shin ah nami hmuh gui cu avan she ne maih khai nei. Lung k’pei tumat phi a hnün ung kä ng’taih ba shüt sei she ne a maih nak ah a khin gawk lawk khai nei,” cik ci.

LUKA 19:43

Gaa gui naw nang cu, am kawt päng ung ning mah u ne, ami ning koi nak ah khin gawk lawk khai nei.

LUKA 17:22

Cun kawn ah Bawipa Jesuh naw ang düihpüi gui-am, “Chang ah Htapa ah kho hnüüp ät la nangmi ah ng’yak hlü ah kho hnüüp cu gawk lawk khai. Cun ung phi cun goi cu, kä ng’bui khai.

EZEKIEL 47:14

Kei naw shin ah khaw cu nami pupa gui naw ami kaa nak vai ah ka pek gui khai ah ak bäi ah shai ka tak ci; cun ah kyasei tuhbäi atäng täng ah nami ng’pai vai nei.

JEREMIAH 32:37

Kei naw ka m’lungshe nak la ka nget ngawn nak awn ka püi pyang sak nak gui ah khopäing aran ungka chang gui cu ka k’bum ba gui khai nei. Cun kawn ah kei naw dimdeeih nak awn law püi ba gui ne shin ah khaw ung phyawng ne ka om sak gui khai.

JEREMIAH 31:38

Bawipa naw pyen ci nei, “Jerusalem mang gaw cu akhei täng Hananela Tänghän ung ka naw Akit m’kawt ung khüt sei Jerusalem avan cu kei ah mang gaw ah cawh ba nak vai ah akhin cu gawk lawk ci nei.

JEREMIAH 31:31

Bawipa naw pyen ci, “Israel chang gui la Judah chang gui awn ng’thukhän thai ka bi nak vai ah akhin cu gawk lawk ci nei.

JEREMIAH 31:27

Kei, Bawipa naw ka pyen ci, kei naw Israel khaw la Judah khaw cu chang la khisa awn kabe sak nak vai ah akhin cu gawk lawk ci nei.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

JEREMIAH 27:22

Cun gui cu Babilon ah hteh püi gui khai gui, cun gui cu kei naw ka m’htei güt ung acu ah om khai gui. Cun kawn ah ashi ah law püi ba gui ne, ashin ah hmun ung ka gim ba gui khai, kei, Bawipa naw ka pyen nei.”

JEREMIAH 27:11

Cun ung phi pakhui tumat mat cu Babilonia Ghangpughang ah ng’kiaa ne abii abi ah a kyak ung, kei naw ani cu amät ah khaw ung nei sak ne, vook kyan sak ne, acung ka om sak khai. Kei, Bawipa naw ka pyan ci.”

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

EZRA 3:12

A htük ung Taigüim hmu man ci gui ah taigügham gui, Levit gui la pahta ung ami ng’vai gui akda naw Taigüim ang nei m’düih law cu hmu u neta, kyap ne m’lau ci gui. Cun ung phi cun ung om tuk ciah ahei chang gui cu yei ne m’lau ci gui.

EZRA 3:8

Ngami cu Jerusalem Taigüim hmun ung ami gawk law nak ba kum, a cha goi nak ung Taigüim cawh vai cu tün ci gui. Jerubabel, Joshua la ami paw chang guitaigü gui, Levit gui, omktu khaw ah ka Jerusalem ah law ba ci gui, ami van naw law ne bi tuk ci gui. Levit gui ami van akho kum kum m’ku lawk ci la kum m’ku ah däm ci phung cu Taigüim cawh ba nak bi lawh nak ung tängpang ci gui.

EZRA 3:1

A cha chih nak ung Israel chang gui ami vancu ami gawnu gui ung om ba yawp ci gui. Cun kawn ah ami van Jerusalem ung ng’bum ci gui.

THULÄÄN NAK 30:3

Bawipa nami Khanpughi naw ning chimgein gui khai. Ani naw a ning püipyang sak nak gui ah chang gui ah khaw ungka naw ning law püi ba gui khai. Cun kawn ah ning bühmang sak ba gui khai.

JEREMIAH 31:23

M’gäi ciah Bawipa, Israel khanpughi naw pyen ci, “kei naw chang gui cu ami khaw ung ka m’thawh ba gui ung, Judah khaw la gaw nu gui ung ngami naw pyen bam ä khai gui, ‘Theingthap ciah khomhtung Jerusalem, Theingcim ciah hmun a om nak cu Bawipa naw hriham pe sä!’

THULÄÄN NAK 30:5

Cun ung nami pupa gui naw ami om nak man ah khaw ung khawh cu nangmi naw nami la ba khai. Cun kawn ah nami pupa gui man ah ta nami bühmang law pi khai. Nami da law pi khai ah ani naw ning pyang gui khai.

JEREMIAH 3:18

Israel cu Judah awn ng’dawn ne, khaw ah a siiptäng om k’tu khaw ah ka law u ne, nami pupa gui am angtäi sei ami kaa nak vai ah ka pek gui ah khaw ung lawk khau gui.

JEREMIAH 29:10

“Bawipa naw pyen ci, ‘Babilonia ah khpkum chih kip an gang pyi ah a kyak ung, kei naw ka ning tengkhen ba gui khai, nami im ah ka ning hteh püi ba gui khai ciah ka Shaitak cu ka k’pang khal.

JEREMIAH 30:4

Bawipa naw Israel la Judah Chang gui a pyen nak gui cu.

JEREMIAH 31:16

Na kyah ng’düm ne na ng’philitui cu ghu ä. Na hta nau gui ah phäh ah na bi gui avan cu akholä ah kä kyak khai; Ngami cu ga gui ah khaw ah kaa law ba khai gui.

JEREMIAH 51:60

Kei naw ca-uk tumat ung Babilonia ah khan ah gawk lawk khai ah dishum nak gui avan la Babilonia ah amawng shei gui cu ka guk ci.

SAM 126:4

Tuiket ciah lawng ung kho k’aa naw tui a law püi ah mäih ah, Bawipa, na bämang ba sak gui ä.

EZEKIEL 34:13

Kei naw a khohei khopäng ungka la ba gui ne, atäng ah ka bum ba gui khai, ami mät ah khaw ung ka law püi ba gui khai. Kei naw ngami cu Israel khomhtung gui la tuilawng gui ah khah püi gui ne, khu akni ah alim nak ung ka m’bei gui khai.

ZEPHANIAH 2:7

Pawih ba ciah Judah chang gui naw nami khaw cu khäm khai gui. Acun ung ami htaw shäm u ne, Ashkelon khaw im gui ung ip khai gui. Bawipa ami Khanpughi naw om püi gui ne bämang ba sak gui khai.