JEREMIAH 30:2 - Cho Bible Common Language 2016

² na pyen nak ci: “Kei naw ka ning m’thein phung cu ca u kung na huk vai nei,

JEREMIAH 30:2 Referans Kwoze

JEREMIAH 36:32

Cun kawn ah kei naw ahei ca k’chaw cu la ne ka secretary Baruk am ka pek ci, ani naw kei naw ka m’cu nü cu guk ci. Akhtük ah ca k’chaw ungka gui nü phi ani naw guk ci, awn ah mäih gui kei naw ka m’cu pek gui phi ani naw guk ci.

ISAIAH 30:8

Khanpughi naw, chang gui a i ah mäih ami kyak cu ca uk ung ka guk vai ah na m’thein ci, cun ah kyasei ngami a i hlawk ah ami shetkat cu ngawizä om khai kyak ci.

THU PHLAAN 1:19

Tuhbäi kaa gui la ngawi ah gawk lawk khai gui na hmuh phung avan cu, na guk vai nei.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

2 PETER 1:21

A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

1 KORIN 10:11

Ngahmi ung cun ah a kyak gui cu a hei gui ah ng’shümhmuh nak vai ah kyak ci. Mikmi cu kho ah khüt law nak vai ah khin ung mi ghing om ciah kyasei, ami na khäntam nak gui ah shin gui cu ami guk ah kyak ci.

ROMAN 15:4

Cacim ung ami guk phung cu mikmi ami nam theithang nak gui ah kyak ci. Cun ah ami guk ah mawng cu, mikmi naw cacim ah na peit gui ah hnimgei nak la k’thamah nak awn m’lung üp ngaih gep nak a om vai ah hmawk ah kyak ci.

DANIEL 12:4

Ani naw na pyen nak ci, “Tuhbäi, Daniela, ca-uk na m’khüp vai. Khaw kä a khüt pha ah chuih cun ah khan ah m’hnüt nak na k’daih vai. Cun yah ung a i ah kya lawk ci, cicu ami hmat vai ah chang akda naw a kholä ah tha nak khai gui.

ISAIAH 8:1

Bawipa naw ana pyen nak cu, “ca guk nak vaiah ang kawmnu la neta, a cun ah khan ah ca ng’lung ang kawm gui awn na guk vai cu: ‘Ak yaang ah gutä, ang ghit ah gutä!

THULÄÄN NAK 31:19

“Tuhbäi shin ah ng’äi na guk vai. Shin cu Israel chang gui na m’thein gui vai, cun ung shin cu ngami hnu ng’tuk püi gui ciah saksi ah ng’düi khai.

PHYAWN NAK 17:14

Cun kawn ah Bawipa naw Moses am, “Shin ah näng nak ah mawng cu gu ne na m’hnüt vai, cun ung shüm ba lä vai, Joshua am m’thein ä, Amalekit gui avan ka m’di gui khai nei” cik ci.

JEREMIAH 25:13

Kei naw Jeremiah ung ng’thu ka pyen yah ung, changpakhui gui am ka law püi khai cine ka m’kyih nak gui ah leigai gui avan awn Babilonia cu ka m’kyuk khai — cun ah leigai gui avan cu shin ah ca-uk ung guk ah kyak ci.

JEREMIAH 30:1

Bawipa, Israel Khanpughi naw,

JEREMIAH 36:28

ahei ca k’chaw la ba ne, akhtük ah ca k’chaw ung om ci gui cu gu ä,