Biblia Todo Logo
Bib sou entènèt

- Piblisite -




JEREMIAH 30:17 - Cho Bible Common Language 2016

17 Kei naw nangmi cu ka ning gai ba sak gui khai; nami hmaleim cu ka m’tui khai, Cun ung phi nami ga gui naw, “Zion cu nawng ci gui nei, ani m’htei khai a u kä om ci nei” cik khai gui. Kei, Bawipa naw ka pyen nei.”

Gade chapit la Kopi




JEREMIAH 30:17
36 Referans Kwoze  

Ani naw a thukän awn gai sak gui ne, ng’cim hmun ungka hun gui ci.


Cun ung phi shin ah mang gaw la lun chang gui cu kei naw m’tui m’seih gui khai, ami gai vai ah ka m’tho ba gui khai. Kei ah bä aik ciah deeih nak la ngain gep nak ka m’dang gui khai.


Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.


Ani naw ka katnak gui avan cu na m’gein sei ne, ka nat nak gui avan cu na gai sak ci.


Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.


Ani naw thagui akthai na pek ci. A shaitak ah mäih ah düng ciah lam phi na m’shüm ci.


Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?


Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.


Kei naw maih ci ka shui ba gui khai, ng’väivam ci gui ka pawpüi ba gui khai, leim ci gui ka hlawp gui khai, gaw ci gui ka gai sak gui khai, cun ung phi plan ne gaigawng ci gui cu kei naw ka m’di gui khai, a i ah kyasei ci ung, kei cu dü ci bik ciah htome shäm ah ka kyak ci.


Cun ah tuinu ah tuikam vang veing ung ghin nak ah sing ghing om ci. Cun ah sing cu cha ät ung hnü ät m’theih ne, kum ät ung gha lei-goi vei m’theih ci. Cun ah hnah gui cu chang avan ah gai nak vai ah kyak ci.


Cha cu hni ah mäih ah ng’shü khai, hni cu ang shü man ah ak chih ah pyü ne ng’shü khai, hnüüp chih ung ang shü vaisü hnüüp ät ung ang shü ah mäih ah kyak khai. Bawipa naw achang gui am a pek gui ah hmaleim gui halwp ne, am tui pek gui kawn ah shin gui avan cu kya lawk khai nei.


Nangmi ning m’htei gui khai a u kä om ci, Nami khei hlik ah a khan nak vai sei phi kä om ci, Nami gai nak vai ah ngaih u nak kä om ci nei.


Kilead ah shei kä om ne ma? Acu ah shei bawi kä om ne ma? A i ah kyasei ka chang gui gai nak kä ami gah ang?


Bawipa ng’hlah tak ciah chang gui avan ng’hlat law ba vä; ani naw ning gai sak gui ne ning bekhüt sak gui khai. Nangmi naw nami pyen ci, “ä, kei mi Bawipa ah kami law ba ci nei, a i ah kyasei ci ung ani cu kami Khanpughi ah kyak ci.


Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.


Püipyang ciah Israel la Judah chang gui, khomdek khan khawkit phli ung ka, a law püi ba gui, atäng ah akbum ba gui amdang nak ah, Bawipa naw m’hnüt nak alan cu m’tho khai nei.


“Kei naw ka ghü ah Israel la Judah kyong khui goi cu, kei naw ka hnungtuk püi gui ciah chang gui naw ami pyen cu nah mu ng’ya man naw? Cun ah kyasei ngami naw ka chang gui cu a i ah kä sui une, changpakhui ah phi kä ngai law ka ci gui,


Israel khomhtung gui cu shiu ci, cun gui cu nangmi ah guttep nak ah kyak ci, cine khokätä ne nami pyen cu kei, Bawipa naw ka ng’yak ciah nangmi naw nami hmat khai.


Ngami ami hteh nak päng ah kei ah theingcim ciah ka ming ah thui ng’aa nak vai cu hteh püi ci gui, a i ah kyasei ci ung, chang gui naw pyen u ne “Shin gui cu Bawipa ah chang gui ah kyak ci, cun ung phi ngami naw a khaw cu hteh tak ci gui” cik ci gui.


Chang gui naw mang gaw ami kan yah ung, nangmi cu päipih ne ning teng gui ci gui, ngami cu ami lu tum ne, dishum ciah Jerusalem cu ngai tuk ci gui. Shin cu m’hni vai ah mang gaw ang? Shin cu khomdek khan ah yei nak vai ah kya ne ang?


Ka pei yum ah ka teng ung, kei na m’htei khai kä ka hmuk ci, na shungvong ci a u kä om ci.


Mi khaw ung om ciah chang tumat naw phi, gawpyam ciah pyen ne ng’thu kä m’da ba phung khai, katnak avan cu m’gein sei nak om khai.


Lik ciah Bawipa, a chang Israel gui omktu kho ak ka law püi ba gui ci naw, shai tak ci, a hei chang gui phi ngami ung ng’dawn law tuk khai gui ah law püi gui khai.


“Cun ung kei ah bämang nak cu ngawi thaih hni pyü ah mäih ah na khan ah ng’shü sei, na nat nak gui a van cu ang ghit ah khan khai nei. Kei naw ungtäi sei ning om püi gui ne ka ning hungui ci; kei ah ka naw apäng avan ung ning shungvong gui khai.


Nang cu nawng ne ami thüi nak, chang ah kä om nak, shiu ciah mang gaw ah kä na kya ba khai. Kei naw nang cu dämduh ne kyom khai ah ka ning pyang khai, khonglän ung yeikyai nak ah hmun ah na kyak khai.


Bawipa, na k’pün ä, kei akcang ah ka gai khai nei; na gung ä, kei akbe ah ka phyawng khai nei. Nang cu kei ah ning m’hlüngtai tumat ah na kyak ci nei!


Cun ung phi kei naw Israel gui cu hteit thei khai gui ah ka m’thei gui ci, Ka chang gui cu ka kut ung ka pawm gui ci, Cun ung phi kei naw ka m’htei gui cu ngami naw kä hmuhmat ci gui.


Khanpughi naw abi ah leim cu hlawp pek ci, a kut awn ning nat sak ne, a kut awn ning khan sak ci.


Israel, nang cu a cei naw hteh ta sei thüi aih ciah chu hmaw ah mäih ah na kyak ci nei. Cun ung phi Bawipa naw m’hni nak ak thuuk awn ning khü ba ci.


“Ngami ah hnün thawh cu kei naw ka hmu gui ci, cun ung phi kei naw ka gai sak gui khai. Kei naw lam ka shüm gui khai, ka m’htei htang gui khai, thüi sei ci gui ka m’shuun gui khai.


Kei naw dimdeeih nak avan am ka pek ci nei, ang et nak la a shon nak avan ung! Kei naw ka chang gui cu ka gai sak gui khai.


Mi k’pyu gui cu she yawp ci nei; k’pawn nak ah gui gui phi pit ci nei. Mi htanau gui cu hteit yawp ci gui; mi phung gui co ba khai a u kä k’pawih ba ci nei; yih dung gui bat ba khai phi a u kä om ba ci nei.”


Swiv nou:

Piblisite


Piblisite