JEREMIAH 30:12 - Cho Bible Common Language 2016

¹² Bawipa naw a chang gui pyen na gui ci, Nami leim gui cu kä khan hlawt ci, Nami nat nak gui cu m’tui ne kä gah nei.

JEREMIAH 30:12 Referans Kwoze

JEREMIAH 15:18

A i ah kyasei kei ka yaica tu lä ang? A i ah kyasei a hmaleim gui kä m’tui m’seih ang? A i ah kyasei cun gui kä akhan ang? Khocha ah kawi ne ket ciah tui hta lawng ah mäih ah nang naw kei cu nana thüisei sak hlü ne ma?”

JEREMIAH 30:15

Nami m’neh ah phäh ah a i kä nami pyen vai; Nami gai nak vai a i kä om ci. Kei naw shin ah ka ning m’kyuk gui cu a i ah kyasei ci ung Nami katnak da ne nami shetkat nak a dämduk ah phäh ah kyak ci.

JEREMIAH 14:17

Ka azä nak ah mawng chang gui am ka m’thein gui vai ah Bawipa naw na ng’thum khan ci: “Amü a hnüüp ka mi kung ng’phli tui long sä, ka thüi kyah nak cu kä ng’düm phung sä. Cun cu ka chang gui ak nui ah leim ne, ana ah ami m’neh ah phäh ah kyak ci nei.

2 SHONTÄP NAK 36:16

Cun ung phi ngami naw Khanpughi ah ng’shächang gui cu päipih u ne, ang thu cu a i ah kä ngai u ne, a prophet gui cu gaih tuk ci gui, ak hnu ah Bawipa ah m’lungshe nak ak chang gui hnungtuk püi cicu dämduh aih sei, phyawn nak kä om ba ci.

EZEKIEL 37:11

Khanpughi naw na pyen nak ci, “Hnicim chang, Israel chang gui cu shin ah guh gui ah mäih ah kyak ci gui. Ngami naw, ngami cu chawng pyi ci gui, ngaih u vai kä om ci, ma lam ah ka vai kä om ciah pyen ci gui.

JEREMIAH 6:7

Tuiton naw tuini a khäm ah mäih ah Jerusalem naw akshe gui khäm khai nei. Mang gaw kyong ah ngon sih nak la didap nak cu ka ng’yak ne; lembai nak la gopyam nak bäng ka hmuk ci.

NG’ÄI KYAH 2:13

O Jerusalem, m’hni aih ah Jerusalem, kei naw a i ka pyen hning khai aw? Kei naw a i cha ah ka ning shungvong hning khai aw? A u phi shin ah mäih ah kä yai ca khai nei. Nang ah leigai cu khogi kä om ciah tuinu ah mäih ah kyak ci. Ngaih u vai ai phi kä om ci.

HOSEA 5:13

“Israel naw a i hlawk ah a gawpyam cu hmu ne, Judah naw amät ah leim cu ahmuh ah a kyak ung Israel naw Assiria ah hteit ne dämduh ciah uktu bawi naw am htei tu gui vai ah thäh khai gui. Cun ung phi ani naw kä m’gai gui hlawt khai, ami leim kä khan sak gui hlawt khai.

MIKHAH 1:9

Samaria cu a leim kä khan hlawt ci, Judah phi a cun ah mäih ah geinvai ci. Di nak naw ka chang gui ah om nak Jerusalem m’kawt cu pha lawk ci nei.”

NAHUM 3:19

Na khei m’tui nak vai a i kä om ci, na hmaleim phi kä khan hlawt ci. Nang ah di ah mawng ng’yak ciah chang avan naw, ami m’ya k’phyawk ne yeikyai ci gui. Kä ng’pyi hlawt ciah nang ah shetkat nak k’phyawn hning khai a u kä om ne ang?

JEREMIAH 8:22

Kilead ah shei kä om ne ma? Acu ah shei bawi kä om ne ma? A i ah kyasei ka chang gui gai nak kä ami gah ang?

JEREMIAH 14:19

Bawipa, Judah cu akbe ah na hnungtuk püi ne ma? Zion chang gui cu na thüi na gui ne ma? Keimi kä kami gai ba hlawt khai ah a i ah kyasei akshe ah na na nat sak gui ang? Keimi naw dimdeeih nak kami shui ci, cun ung phi akni kä kya lawk ci; Keimi naw gai gawng vai kami ngaih u ci, cun ung phi kyih vai düt gawk lawk ci.