JEREMIAH 3:9 - Cho Bible Common Language 2016

⁹ ani cu kä ng’aa oang ci. Ani naw khongleo lelawi sak ne, lung gui sing gui khawihnah ne, shemshai shetkat nak bik ci.

JEREMIAH 3:9 Referans Kwoze

JEREMIAH 2:27

Nangmi nami van nami thüi khai, sing ghing cu nami pa, lungkheng cu nami nu ah nami pyen khai. Cun ah akiak cu a i kyak sei ci ung kei ah nami ng’hlah law ba nak vaisü ung, kei nami na ng’hlah tak ah phäh ah kyak ci. Cun ung phi khüikha nak ung nami gawk law ung law ne ka ning hun gui vai ah nami na k’thäh ci.

JEREMIAH 3:2

Khaw m’htun gui cä teng vä. Pawzam ciah mäih ah nami hnünthawh nak ah kä kyak ciah hmun om ne ang? Arab naw khaw ng’gau khaw ung a guttep vai ah ngäng ah mäih ah nang naw lampei pum ung na m’hni gui cu na ngäng ci nei. Nangmi naw nami pawmya nak awn kho avan nami pawmya sak ci.

ISAIAH 57:6

Nangmi naw ng’mi ciah lung gui cu a cun ung ka la neta, khanpughi cine nami khawihnah ci. Nangmi naw sapyit tui cu k’phyuh ne nami douthak ci, htang-douthak phi nami lawpüi ci. Shin gui avan cu kei naw ka yei nak ciah nami ngai ne ang?

JEREMIAH 10:8

Ngami ami van cu awng ang gu k’taak ci gui nei. Sing ami pyan ah agup gui ung ami ng’thei thang vai a i om khai ang?

JEREMIAH 2:7

Kei naw anglei ni ah kho ung ka law püi gui ci, Acun ung geit ko gui la ahei nik ci gui awn ami yeikyai vai ah kyak ci. Cun ung phi ngami naw ka khaw m’di u ne, kei naw ka pek gui ah khopäng cu Shesham sak ci gui.

HABAKKUK 2:19

Nangmi cu nami ng’yiin ci! Sing akpii am, “Tho vä!” nami cik ci. Lung shep ne pyan am, “Ng’düi ä!” nami cik ci. Cun ah agup naw ng’thu ning m’than ba gui hning ne ang? Ani cu ghui la ngui awn hluk ah kyak ci, cun ung phi akyong ah ghin nak kä om ci.

HOSEA 4:12

Ngami naw na lam ah mawng sing k’pi ng’shik ci gui. Ngami naw ami hmat hlü cu htung phe naw m’thein gui ci. Ngami naw kei na hteh tak ci gui. Pawmyau ciah hnumi ah mäih ah ngami naw ahei khanpughi am ami mät cu ap ci gui.

EZEKIEL 23:10

Ngami naw ani cu k’plui khai ah a sui sak suh pe u neta, a hta pami a hta hnumi gui cu pha gui ci gui, cun kawn ah ani cu khim awn ngawn ci gui. Kho ng’nü ah hnumi gui naw ani ah mawng cu pyen sak ci gui.

EZEKIEL 16:17

Nang naw kei naw ka ning pek ah ngui la ghui pyülung gui cu la ne, pami ah agup gui pyang neta acun awn name cheishoh ci.

MATTHE 5:32

Cun ung phi chang tumat naw akchu cu, a hei awn akat nak kä om ciah ang chaa püi ah a kyak ung akchu ah khan ah katnak bik ciah kyak ci. Acun ah hnumi chu na tu ba ci cun phi, chang ah chu kat püi ciah kyak ci’ cicu ka ning m’thein gui ci.

JEREMIAH 16:18

Ami katnak la ami cheishoh nak ah phäh ah kei naw a goi ah ka pe gui khai, a i ah kyasei ci ung ngami naw ka chaw cu agup gui awn lelawi sak ci gui, cun gui cu gook ah mäih ah ami ghin nak kä om ci, cun gui cu ngami naw kä hman ciah ami khanpughi gui awn be sak ci gui.”

EZEKIEL 23:3

Ngani ani hmaw yah ung Egypt ah om ci goi, ngani cu ani hta ah ani kyak nak shum ni ne pawm zau Chang ah kya lawk ci goi.

EZEKIEL 23:21

(Oholibah, nang cu Egypt khaw ah hnumi hta ah kya ne na om yah ung pami gui naw na suuk ning k’düüp u sei na hnumi hta nak cu shum ci, nang naw acun ah ng’yaw ng’pawn nak cu na ng’ya ba hlük ci nei.)

HOSEA 2:2

Ka hta nau gui, nami nu cu pyen ah vä — ani cu kei ah chu ah kä kya ba ci, kei cu ani ah cei ah kä ka kya ba ci. Pletbeng nak la pawmyau nak cu kä a bi ba vai ah pyen ah vä.

ISAIAH 57:3

Nangmi kakciah chang gui, ng’thumcha vai shin ung law vä! Nangmi cu, cuun u ni, chang ah chuhta kat püi ci ni, pletbeng ci ni ah ta kä nami bä tuba ci nei.

JOEL 1:19

Kyap ne ka ng’pa ci nei, Bawipa, a i ah kyasei ci ung khu lim gui la sing gui cu chawng yawp ci, cun gui cu mei naw ui yawp ci nei.