JEREMIAH 3:8 - Cho Bible Common Language 2016

⁸ Judah naw phi hmuk ci, kei naw Israel cu ng’cha püi ne, ahei ah ka k’täm ci, a i ah kyasei ci ung ani naw kei na ng’hla ta ne pawmya chang ah ani cu kya lawk ci, cun ung phi Judah, Israel ah kä bekhüt ciah abe, ani cu kä kyik ci, ani phi pawmya ah kyak ci,

JEREMIAH 3:8 Referans Kwoze

THULÄÄN NAK 24:1

“Chang tumat naw hnumi tumat chu na neta, shou hta khäta, kä ka ng’ya ba hlük ci ciah akbäi ah a kyak ung ani naw cun ah hnumi ung kä am hni a i baw hmuk ciah kyak khai. Cun ah kyasei ani naw ng’cha nak gu ne, ani am pe ne a im ungka naw k’täm khai.

HOSEA 3:4

Acun ah mäih ah Israel chang gui phi ghangpughang gui ang vai gui kä om sei khawihnah la theingcim ciah lungtung gui kä om sei, agup gui amüi gui khawihnah vai kä om sei, akshou nu om khai gui.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

EZEKIEL 23:9

Cun ah kyasei kei naw ani cu, ang yak hlü gui aih ah Assiria am hni gui am ka ap ci.

EZEKIEL 16:47

Nang cu ngami läk gui ne ami khaw ne hung kai ne, shemshai ciah ami hnun thawh cu na theitu nak awn na ng’büh ne ang? Kä na ng’büh ci, akhin api hta ah kyong ung ngami naw ami bi gui nü ngata kaa pi khai ah nang naw na bik ci nei.

JEREMIAH 3:1

Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

THULÄÄN NAK 24:3

Ani naw phi ani kä ka ng’ya ba hlük ciah k’bäi ne ani naw ng’cha nak ah ca gu ne ani am pek ci, a im ungka naw k’täm ci, Kä cun ung a cei ba cu sik ciah kyak khai.

JEREMIAH 2:19

Nami mät ah akshe naw ning m’kyuk gui khai, kei nami na ng’hlah tak nak naw ning m’kat gui khai. Bawipa nami na khanpughi nami na nawng cu a i hlawk ah kha ne a chei cu nangmi naw nami hmat lawk khai. Nangmi cu kei ung kä nami bekhüt ba ci. Kei, uk ciah Bawipa m’gäi ci naw ka pyen nei.”

JEREMIAH 33:24

“Kei naw ka ghü ah Israel la Judah kyong khui goi cu, kei naw ka hnungtuk püi gui ciah chang gui naw ami pyen cu nah mu ng’ya man naw? Cun ah kyasei ngami naw ka chang gui cu a i ah kä sui une, changpakhui ah phi kä ngai law ka ci gui,

EZEKIEL 16:46

“Nang ah na pai ang vaipi cu Samaria ah kyak ci, a siiptäng ah a gaw hta gui awn om ci. Nang ah na be ak hmaw ba cu, Sodom ah kyak ci, a htumtäng ah a gawhta gui awn om ci.

EZEKIEL 16:51

“Nangmi ah katnak a teih hlawk phi Samaria naw katnak kä bik ci. Ani ah bi ah ta däm pi ne shemshai khai ah nangmi name hnün tho ci. Nang ah hma katnak gui awn m’täng ung nang ah be gui cu Chang ni ah mäih ah kyak ci gui.

2 SHONTÄP NAK 21:11

Ani naw Judean khawgui hlüng ung kho she khawihnah nak hmun gui phi co ne, Judah la Jerusalem chang gui am Bawipa hnungtuk ne katnak bi sak gui ci.

JEREMIAH 5:7

Bawipa naw ng’shi gui ci, “Ka chang gui ah katnak a i ah kiasei ka m’geinsei gui vai ang? Ngami naw kei na nawng u ne Khanpughi akcang ah kä kyak ci gui cu khawihnah ci gui nei. Kei naw ka chang gui cu ami phü ah ka m’bei gui ci. Cun ung phi ngami cu chang ah chu hta kat püi u ne pawmya chang gui awn akhin ng’pyi sak ci gui.

EZEKIEL 23:44

Ngami cu shin ah pawm zam hnumi ah hteit laih laih ci gui. Ngami cu ani om shek ciah hnumi Oholah la Oholibah ah hteit ba ci gui.