JEREMIAH 3:7 - Cho Bible Common Language 2016

⁷ Ani naw shin gui avan abi kawn ah ani cu akang ah kei ah law ba khai nei. Cung ung phi ani kä ng’hlat law ba ci, ani ah kä bekhüt ciah abe Judah naw avan cu hmuk ci nei,

JEREMIAH 3:7 Referans Kwoze

EZEKIEL 16:46

“Nang ah na pai ang vaipi cu Samaria ah kyak ci, a siiptäng ah a gaw hta gui awn om ci. Nang ah na be ak hmaw ba cu, Sodom ah kyak ci, a htumtäng ah a gawhta gui awn om ci.

HOSEA 14:1

Israel chang gui, Bawipa, nami Khanpughi ah ng’hlat ba vä, Nami katnak naw ning vawn sak gui ne ning kyuk sak gui ci nei.

JEREMIAH 5:11

Israel la Judah chang gui naw kei cu na ap ci gui nei, kei Bawipa naw ka pyen nei.

JEREMIAH 12:1

“Kei ah ka mawngma cu nang ung ka pyen law ah a kyak ung nang naw düng khai ah na bik khai nei. Cun ung phi taga nak ah mawng cu kei naw ka ning shik ci nei. A i ah kyasei changshe kha gui ami büh mang aih ang? A i ah kyasei kä düng ciah chang gui naw ami m’khüt näng ang?

JEREMIAH 33:24

“Kei naw ka ghü ah Israel la Judah kyong khui goi cu, kei naw ka hnungtuk püi gui ciah chang gui naw ami pyen cu nah mu ng’ya man naw? Cun ah kyasei ngami naw ka chang gui cu a i ah kä sui une, changpakhui ah phi kä ngai law ka ci gui,

EZEKIEL 16:47

Nang cu ngami läk gui ne ami khaw ne hung kai ne, shemshai ciah ami hnun thawh cu na theitu nak awn na ng’büh ne ang? Kä na ng’büh ci, akhin api hta ah kyong ung ngami naw ami bi gui nü ngata kaa pi khai ah nang naw na bik ci nei.

HOSEA 11:7

Ngami naw kei nahlawi u ne na ng’hlah tak ci gui. Ami khan ah thapo ang taih ah phäh ah ngami cu kyap khai gui. Cun ung phi a u naw phi ami khan ungka kä chaan pe ba gui khai.

AMOS 4:8

Tui ah gha ci gui, mang gaw akda ung chang gui cu, tui om khai ah ami ngaih nak ah mang gaw ah hteit ci gui. Cun ung phi awk ng’büh vai tui kä om ci. Cun güt ung nangmi kei ah kä nami law ba ci.

MALAKHI 2:11

Judah chang gui cu Khanpughi awn ami shaitak m’shet u neta, Jerusalem la khaw avan ung akshekha cu bik ci gui nei. Bawipa naw am hni ah Taigüim cu lelawi sak ci gui nei. Pami gui naw a khaw hei khanpughi gui khawihnah ci gui cu chu nak ci gui.

2 SHONTÄP NAK 17:4

Ani naw apa ah Khanpughi ah bii bi ne Khanpughi ah thumkhän läk ci, Israel ghangpughang gui ah mäih ah kä hnüntho ci.