JEREMIAH 3:6 - Cho Bible Common Language 2016

⁶ Josiah ghangpughang ah a kyak sangung Bawipa naw kei cu na pyen nak ci, “kä bekhüt ciah hnumi Israel ah bi cu nang naw na hmuk ci ang? Ani naw kei cu na ng’hlah ta ne, khimhtung hlüngpäng la sung ghing ka päng ung ani cu pawm za ciah mäih ah hnüntho ci nei.

JEREMIAH 3:6 Referans Kwoze

EZEKIEL 23:11

Apai ohalibah naw cun cu hmu pang ne phi, ani cu Oholah ah mä nu tuba ne, ka tuba ciah pawm zau Chang ah kya zawk ci.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

EZEKIEL 16:31

Nang naw lam ah khan päng ung a gup khawihnah nak ah hnun cu na co ci, pletbanng nak cu na bik ci. Cun ung phi ahei pletbeng gui ah mäih ah ngui kä na lak ci.

JEREMIAH 17:2

Na chang gui naw sonkiang gui ung khawihnah ci gui, khanpughi nu Ashenah ah müigup cu m’kim ciah sing ghing päng ung, khomhtung lai

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

JEREMIAH 3:8

Judah naw phi hmuk ci, kei naw Israel cu ng’cha püi ne, ahei ah ka k’täm ci, a i ah kyasei ci ung ani naw kei na ng’hla ta ne pawmya chang ah ani cu kya lawk ci, cun ung phi Judah, Israel ah kä bekhüt ciah abe, ani cu kä kyik ci, ani phi pawmya ah kyak ci,

ISAIAH 57:7

Nangmi cu khawihnah douthak vai ah m’htung ah kai neta nami ng’tawng pawm ci.

1 GHANGPUGHANG GUI 14:23

Ngami naw khanpughishe gui khawihnah nak vai ah hmun gui co ci gui. Ngami naw lungtung gui la Asherah ah gup gui cu khawihnah vai ah khomhtung gui la sing ghing hniim gui ah ka ah tha ci gui.

2 SHONTÄP NAK 34:1

Josiah cu Judah ghangpughang ah a kyak law yah ung a kho kum, kum cheit lawk ci, acun naw Jerusalem ung om ne kum thum kip lei ät ung uk ci.

JEREMIAH 1:2

Amon ah hta Josiah, Judah ghangpughang ah a kyak nak, akum gha lei thum nak ung Bawipa naw Jeremiah am ng’thu pyen ci.

JEREMIAH 5:11

Israel la Judah chang gui naw kei cu na ap ci gui nei, kei Bawipa naw ka pyen nei.

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

JEREMIAH 31:22

Nangmi a i güt nami awng aa khai ang, yum nak kä om ciah chang gui? Hnumi naw pami a shung vong cu a küikaa ah mäih ah, kei naw küikaa ci la akthai cu ka tüipiang ci nei.

EZEKIEL 23:4

Ang vaipi ah ming cu Oholah ah kyak ci (ani naw Samaria m’dang ci), ak hmawba ah ming cu. Oholibah ah kyak ci (ani naw Jerusalem m’dang ci.) Kei naw ani nik hnih chu na goi ngä sei, nga ni cu hta nau ci goi.

HOSEA 4:13

M’htung lai ah atheing nak ah hmun gui ung, khawihnah nak douthak u ne, khomhtung gui ung sing ghing ang shäi gui, akdäm gui ang hnim nik ci gui ah kaa ah ngami naw tui ng’ui m’khih ci gui. Ai ah kyasei ci ung ang hnim gui cu yei nak vai kyak ci. “Ak hnu ah nami hta hnumi gui naw, pawmyau ciah bii bi u ne, nami hta gui ah chu gui cu pletbeng ci gui.

HOSEA 11:7

Ngami naw kei nahlawi u ne na ng’hlah tak ci gui. Ami khan ah thapo ang taih ah phäh ah ngami cu kyap khai gui. Cun ung phi a u naw phi ami khan ungka kä chaan pe ba gui khai.

SUKI GUI 2:17

Cun ung phi Israel gui cu ami ng’vai gui ah bek kä ngai ci gui. Israel cu Bawipa ung kä bekhüt ne, a hei khanpughi gui cu khawihnah ci. Ami pupa gui naw Bawipa ah thumkhän cu läk ci gui, cun ung phi shin ah ng’shon k’thai naw cun ah kä bi ba ci gui.

SAM 106:39

Ngami cu ami mät ah bi awn ami mät kä ng’ciim sak u ne, Khanpughi ung kä bekhüt ci gui.

ISAIAH 57:3

Nangmi kakciah chang gui, ng’thumcha vai shin ung law vä! Nangmi cu, cuun u ni, chang ah chuhta kat püi ci ni, pletbeng ci ni ah ta kä nami bä tuba ci nei.

EZEKIEL 16:35

Tuhbäi, Jerusalem, nang Chang plet!