JEREMIAH 3:24 - Cho Bible Common Language 2016

²⁴ Cun ung phi Baala, lümg aa nak ah khanpughi khawihnah nak naw cau pui tün ne kami pupa gui naw ami bilawh law gui nü-htome nak, seipat mak gui, hta pami, hta hnumi gui avan shum sak yawp ci nei.

JEREMIAH 3:24 Referans Kwoze

HOSEA 9:10

Bawipa naw pyen ci, “Kei Israel gui ka hmuh gui htük yah ung khonggau kho ah sapyit ghing gui hmuh a mäih ah kyak ci. Kei naw nami pupa gui ka hmuh htük yah ung kho aa ung up law ma ciah thei ah mäih ah kyak ci. Cun ung phi ngami Peor m’htung ung mi gawk law yah ung ngaminaw tün ne Baala cu khawihnah ci gui. A cun vai am ami m’hni ah khanpughi gui ah mäih ah shemshai ci gui.

HOSEA 10:6

Cun ah agup cu dämduh ciah uktu bawi am m’cümhnah ne pek vai ah Assiria ah hteh püi ci gui. Israel cu thuihmai ng’aca khai, a i ah kyasei ci ung, acun ah m’shümthein nak ami läk ah phäh ah kyak ci.

HOSEA 2:8

Ani naw Baala khawihnah nak ung amang ah htang ni, sapyit tui ni, olive situi ni, ngui la ghui ni avan cu kei ka pek ah kä pyen phung ci nei.

EZEKIEL 16:63

Nang naw na bi ah cheishoh nak avan cu kei naw ka ning geinsei khai. Cun ung phi cun gui cu nang naw shüm ba neta, na shai kä na m’aan ah phi nang aa aih khai.” Uktu Bawipa naw a pyen nei.

EZEKIEL 16:61

Na be ang vaiba la na be a hmaw ba nai law ba ung nang a i Cha ah na hnün thawh cu na shüm ba khai, na lü ng’aa khai. Shin cu nangmi awn thukhän ung kä a om ung phi, ngami cu nangmi ah hta hnumi gui ah mäih ah ka kyak sak gui khai.

JEREMIAH 11:13

Judah chang gui ung ami mang gaw gui chü, ami khanpughi gui lawk ci, Jerusalem ung om ci gui naw, mang gaw ung ami lam gui chü ah shemshai ciah Baala Khanpughi ami khawihnah nak sonkiang gui cu pyan ci gui.

JEREMIAH 8:16

Mi ga gui cu Dan mang gaw ung gawk law pyi cu gui; mikmi ngaw ami se gui ah ami gin cu mi ng’yak ci. Ami ng’se gui a viik law ung khi avan cu ng’thüng ci. Mi ga gui aw law u ne, mi khaw la cun ung om ciah ang nü, mi mang gaw gui la chang gui avan cu m’du cu gui.”

JEREMIAH 22:21

Nami bühmang yah ung Bawipa naw ning thu püi gui ci, cun ung phi nangmi naw ma ne kä nami ngai ci. Nangmi cu nami ghin ah chuih acun ah nami kyak ci; Bawipa cu kä nami läk phung ci.

JEREMIAH 44:7

“Cun ah kyasei kei, Bawipa, Israel khanpughi naw tuhbäi ka ning shi gui ci, a i ah kyasei nangmi naw shin ah akshe gui cu nami mät naw nami bi ang. Hnumi gui, pami gui, ak hmaw gui la naesen guiah Khan ah dishum nad nami law püi hlü ne ma, cun ung nami chang gui a u kä pawih ba khai nei?

JEREMIAH 9:18

Chang gui naw pyen ci gui, kami mik ng’phli tui awn be ne, Kami mik vun kyah ah ng’phli tui awn ang shüih güt ang ghit ah gook kyah ng’äi vai ah m’thein gui vä.”

EZEKIEL 16:19

Kei naw ei ka ning pek ci-m’htut den akni pi, oliv-situi, khoitui-cun ung phi, agup gui näng nak ming mah nak vai ah nang naw la ne khawihnah nak ah na douthak ci.” Shin cu Uktu Bawipa naw a pyen ah kyak ci.

EZEKIEL 16:20

“Nang naw kei awn mi gah ah hta pami hta hnumi gui la ne agup gui om khawihnah nak ah na douthak ci. Kei ung kä na bekhüt nak ah a shet nak cu kä ng’büh sei ang,