JEREMIAH 3:19 - Cho Bible Common Language 2016

¹⁹ Bawipa naw pyen ci, “Israel, Kei naw nang cu ka htanau ah ning dou hlü ne, om nak ah nik ciah khaw cu ka ning pek khai, cun cu khomdek khan ung akiom pikbäih ah kyak ci. Pa ah na na khü vai kei naw ka ng’ya hlük ci, kei kä nami na ng’hlah tak en ba phung vai.

JEREMIAH 3:19 Referans Kwoze

JEREMIAH 3:4

“Tuhbäi nang naw kei na na pyen nak ci,” Nang cu ka ning pa nei, kei ka hmaw yah ge ung nang naw na na m’hni ci.

JEREMIAH 31:9

Kei ah ka Chang gui cu kyap u ne, taigü u ne, kei naw lam ka m’shüm gui nak awn law ba khai gui. Kei naw tuihta gui ah om nak ung khah püi gui ne, kä ami kiuk ng’täät vai ah lam k’ni ung ka khah püi gui khai.” Kei cu Israel ah pa ah mäih ah ka kyak ci, Epharaim cu ka hta ng’vaipi ah kyak ci.

ISAIAH 63:16

Nang cu kami pa ah na kyak ci. Kami pupa gui Abraham la Jakob naw phi chang ah kä na tha gui ci gui, cun ung phi nang, Bawipa cu kami pa, angtäi sei na gung gui ciah na kyak ci.

HEBRU 10:39

Mikmi cu hnu ah ng’hlat ba ne chükmaih ciah chang ah kä mi kiak ci, yum ne hun nak gah ciah mi kyak ci.

EPHESIAN 1:5

Khanpughi naw mikmi cu, am’hni nak awn Bawi Khrit ung a hta gui ah mi kyak khai ah a na k’bäi gui pyi ah kyak ci. Cun cu Khanpughi ah ng’bü nak la ang yak hlü ah kyak ci.

KALATIAN 3:26

Nangmi cu yum nak awn Bawi Khrit Jesuh ung kawng ät ne Khanpughi ah hta ah nami kyak ci.

HOSEA 11:8

“A i hawkcha ah ka ning m’lungsi gui vai ang, Israel gui? A i hawkcha ah ka ning nawng gui vai ang? Kei naw admah ka m’di ah mäih ah, Zeboiim ah khan ah ka bi ah mäih ah? Ka m’lung naw cun ah kä na bi sak khai nei, Kei naw ka ning m’hni nak gui cu khüighat aih ci.

DANIEL 11:45

Ani naw tuinu la Taigüim ah om nak ah khomhtung ah ng’lak ung mang im gui co khai. Cun ung phi ani cu m’htei tuk khai a u kä om sei, a cun ung sik khai.

DANIEL 11:41

Ani naw shaitak ah khaw phi tuk khai, chang tämkäp phia khak ngawn gui khai, cun ung phi Edom, Moab, la Ammon ah ak eng täng khaw gui cu phyawng khai gui.

DANIEL 11:16

Tu law gui ciah Siria gui naw ami m’hni ah bii bik khai gui, a u naw kä hnungtuk püi gui khai. Ani cu shaitak ah khaw ung düi ne, cun ah khaw avan cu amät ah huham kyong ung chum khai.

DANIEL 8:9

Cun ah phli ungka tumat ung a ki hta tumat law law ba ci, Cun ah huham cu a htum täng, a khei täng la shaitaak khaw güt ah gawk ci.

EZEKIEL 20:6

Acun ah khin ung kei naw Egypt ungka ka la ba gui khai ah shaitak ne, ngami ah phäh ah ka ghü ah khaw ung ka hteh püi ba gui khai ah ka pyen ci, cun cu ng’büh mang ne ang lei nik ci, khaw avan ung aknipi ah kyak ci.

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

JEREMIAH 12:10

Akhohei uktu gui akda naw kei ah sapyit lo cu m’di ci gui nei; kei ah ka lolai gui cu ngami naw cawt cap gui nei, ngami naw kei ah ka m’hni ah khaw ng’lei cu khong gau khaw ah lat ci gui nei.

JEREMIAH 5:7

Bawipa naw ng’shi gui ci, “Ka chang gui ah katnak a i ah kiasei ka m’geinsei gui vai ang? Ngami naw kei na nawng u ne Khanpughi akcang ah kä kyak ci gui cu khawihnah ci gui nei. Kei naw ka chang gui cu ami phü ah ka m’bei gui ci. Cun ung phi ngami cu chang ah chu hta kat püi u ne pawmya chang gui awn akhin ng’pyi sak ci gui.

ISAIAH 64:8

Cun ung phi Bawipa, nang cu kami ning pa nei. Keimi cu k’am m’dek ah mäih ah kami kyak ci, nang cu k’am sheh ciah mäih ah na kyak ci. Nang naw na na tüisho gui ci,

NG'THU K'THUUK~ 3:35

Cüivai ciah chang naw m’tam khah nak ah pakhui cu m’düng khai, cun ung phi chang shekha naw amät ah thui ng’aa nak hteh püi khai.

SAM 106:24

Cun kawn ah ngami cu Khanpughi ah shaitak kä yum ci gui ah kya ne, khoding kho cu hnu nak ci gui.

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

SAM 16:6

A i hlawk ah cäicat vai ang, nang ah na m’cümhnah cu; Ni aih ci gui nei!

SAM 89:26

Ani naw kei ah ma ah, ‘Nang cu ka pa la ka Khanpughi; ka ng’zi nak la ka hunbawi ah na kyak ci’ cik khai nei.

JEREMIAH 3:17

Cun ah khun a gawk law ung Jerusalem cu, “Bawipa ah mangkiang” ah khü khai gui, changpakhui avan cu kei na khawihnah khai gui ah a cu ah ng’bum khai gui. Ami m’lung ah ling nak la ami m’lung kyong akshe ah m’thein gui cu ngami naw kä bi ba khai gui.

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

THULÄÄN NAK 14:1

“Nangmi cu Bawipa nami Khanpughi ah chang ah nami kyak ci. Cun ah kyasei aksi ah phäh ah nami thüi kyah ung nami mät kä nami plawh kheih en vai, chang hei gui ah mäih ah nami lu hmai kä nami k’teiu vai.