JEREMIAH 3:17 - Cho Bible Common Language 2016

¹⁷ Cun ah khun a gawk law ung Jerusalem cu, “Bawipa ah mangkiang” ah khü khai gui, changpakhui avan cu kei na khawihnah khai gui ah a cu ah ng’bum khai gui. Ami m’lung ah ling nak la ami m’lung kyong akshe ah m’thein gui cu ngami naw kä bi ba khai gui.

JEREMIAH 3:17 Referans Kwoze

EZEKIEL 43:7

“Hnicim chang, shin cu kei ah mangkiang nei. Kei cu shin ung Israel chang gui ah ng’lung ah ka om khai, angtäi sei ka uk gui khai. Israel chang gui, käcung ami ghangpughang gui naw a hei khanpughi gui ami khawihnah nak la shin ah hmun ung ami ghangpughang gui ah gook gui ami phuh nak awn, kei ah theingcim ciah ming cu ka thui aa ba sak khai gui.

JEREMIAH 17:12

Mikmi ah Taigüim cu akhtük ge ung khomhtung hlüng ung om ne, bämang ciah mang kiang ah mäih ah kyak ci.

ZEKHARIAH 2:11

Cun sangung changpakhui akda cu Bawipa ah law u ne, ani ah chang ah kya lawk khai gui. Ani cu nangmi ah ng’lung ah om khai, nangmi ah om nak ah kei ana tüih law cu nangmi naw nami hmat lawk khai.

JEREMIAH 11:8

Cun ung phi ngami naw kä ngai ci gui, kä läk ci gui. Cun nak vaisü ung chang nü cu ami m’lung ling ne shekha lä ne om ci gui. Kei naw thukhän ami k’paan vai ah ka ng’thumkhän gui ci, cun ung phi ngami naw mak ci gui. Cun ah kyasei cun ung ami guk ah m’kyuk nak avan cu ngami ah khan ah ka gawk sak ci.”

ISAIAH 66:20

Ngami naw chang pakhui gui ung ka, nami khochang avan cu m’cümhnak nak ah kei ah law püi ba khai gui. Israel gui naw htang-douthak nak cu theingcim nak vai Taigüim ah ami law püi ah mäih ah, ngami naw cun gui cu ng’se gui, la gui, kala uk gui la yatha gui la ng’hle gui aw thingcim ciah kei m’htung Jerusalem ung law püi khai gui.

ISAIAH 56:6

Bawipa naw a khohei chang gui cu pyen hah gui ci, ngami cu a chang gui ung ka tumat ah kya pyi ci gui, ngami naw ani cu m’hni ci gui, akhut bik ci gui, pumnak hnüüp cu aküi kyang ah tha ci gui, bekhüt ne a thukhän cu k’pang ci gui:

KALATIAN 4:26

Cun ung phi Khanmawpi ah Jerusalem cu, ng’päiye nak ah kya ne, mi nu ah kyak ci.

ROMAN 1:21

Ngami cu Khanpughi hmat ci gui, cun ung phi Khanpughi ah bäkhäk nak m’hlüngtai khin ah kä m’hlüngtai ci gui. Ami m’hlüngtai nak vai sü ung a kholä ah kyak khai gui düt ngaih tüh ci gui, ngami ah ghawng ciah m’lung kyong cu hmüp nak naw küp yawp ci.

JEREMIAH 31:23

M’gäi ciah Bawipa, Israel khanpughi naw pyen ci, “kei naw chang gui cu ami khaw ung ka m’thawh ba gui ung, Judah khaw la gaw nu gui ung ngami naw pyen bam ä khai gui, ‘Theingthap ciah khomhtung Jerusalem, Theingcim ciah hmun a om nak cu Bawipa naw hriham pe sä!’

JEREMIAH 18:12

Ngami naw pyen tuba u ne, “Ka nei, a i ah kyasei kami ng’thawng vai? Keimi cu kami kyak hlü ah m’lung liing ne, akshe bi ne kami om khai nei.”

JEREMIAH 16:12

Cun ung phi nangmi naw nami pupa gui ah ta kapi khai ah nami bik ci nei. Nangmi nami van cu nami m’lung ling ne nami shekhak ci, kei kä na mi na ngai ci.

JEREMIAH 14:21

Na shaitak shüm ba ä, kä na päi pih en gui ä; Bä ciah na mang kiang ah hmun ah kyak ciah Jerusalem ah khan ah Thui ng’aa nak cu kä law en püi ä. Keimi awn na bi ah thukhän cu kä m’shet en ä.

JEREMIAH 9:14

Cunnak vaisü ung ami m’lung ling sei, ami pupa gui naw ami bi vai ah ami m’thei gui ah mäih ah ngami naw Baala ah gup gui cu khawihnah ci gui.

JEREMIAH 7:24

Cun ung phi ngami naw ng’thu kä ngai u ne, a i phi i ah kä sui ci gui. Cun ak vaisü ung, ling ne shekak ciah ami m’lung naw ami bi vai ah a pyen nak gui cu bik ci gui, ami ni nak vaisü ung shelaw pi ci gui.

ISAIAH 66:1

Bawipa naw pyen ci, “Khan kho cu ka mang kiang ah kya ne khomdek cu ka kho ne’leh nak ah kyak ci. Kei ah phäh ah a i ah mäih im nami co khai ang, a i ah mäih hmun ung kei ka om khai ang?

ISAIAH 59:19

Akhei ung ka naw ak kyang ung khüt khai ah chang päng naw ani la a huham cu kyih kyawk khai. Ani cu ng’güüt ciah tuilawng mäih, ng’pheet ciah khokhi ah mäih ah lawk khai.

ISAIAH 26:8

Nang ah ng’yak hlü cu kami läk ci nei, nang ung ngaih u nak kami tak ci nei; keimi ah ng’yak hlü avan cu nang ah kyak ci nei.

ISAIAH 6:1

Ghangpughang Uzziah asih kum ung, kei naw Bawipa ka hmuk ci. Ani cu hlüngtai ciah amang kiang ung ngok ci. Ani ah suinu naw Taigüim avan be sak ci.

SAM 87:3

Ngai ä, Khanpughi ah mang gaw oi, Nang ah mawng cäicat vai gui cu ani naw pyen ci nei:

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

SUKI GUI 2:19

Cun ung phi ami ng’vai gui a sih ah a kyak ung, chang gui cu cau ami om man ah ng’hlat ba ci gui. A yanä ng’shon ah ta sheka pi ci gui. Ngami cu a hei khanpughi gui khawihnah ne abi bi u ne, ami om k’she ami nawng vai ah mak ci gui.

THULÄÄN NAK 29:29

“Bawipa mi Khanpughi naw adüm ah shum ne ak pan amshah om ci. Cung phi ani naw ang thukhän cu m’than ci. Mikmi la mi htangshon gui naw khonglän ung mi läk vai kyak ci.

KHEI NAK 15:39

Cun ah cheipai cüiche gui cu shüm nak tu ah kyak khai gui. Cun gui nami hmuh päng ung nangmi naw ka thumkhän avan nami shüm ba khai, nami läk khai. Cun ung nangmi cu kei ungka kä nami dawng khai. Nami mät ah m’hni nami mät ah ng’yak hlü kä nami läk khai.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

ROMAN 6:14

Kat nak cu nami bawimang ah kä kya en sä; nang mi cu thukhän ah kaa ah kä nami om ci, Khanpughi ah m’gein nak ah kaa ah nami om ci nei.

EZEKIEL 1:26

Shang im ah khan ah senlung awn pyan ah mang kiang ah mäih lawk ci om ci, cun ah mangkiang ah khan ah chang ah mäih lawk ci tumat ngok ci.

ISAIAH 66:18

Ngami ah m’lung ngaih, om ih cu kei naw ka hmat ci nei. Pakhui avan ung chang gui m’cut gui vai ah kei ka lawk ci nei. Ngami a täng ah ami gawk law ung kei ah huham naw a i a bi hning cu hmuk khai gui nei,

JEREMIAH 3:19

Bawipa naw pyen ci, “Israel, Kei naw nang cu ka htanau ah ning dou hlü ne, om nak ah nik ciah khaw cu ka ning pek khai, cun cu khomdek khan ung akiom pikbäih ah kyak ci. Pa ah na na khü vai kei naw ka ng’ya hlük ci, kei kä nami na ng’hlah tak en ba phung vai.

JEREMIAH 4:2

Cun cu kei ah ming ung nami ng’khän nak vai ah nangmi ah hmawk ah ng’düng ciah kyak khai nei. Cun kawn ah changpakhui avan naw hriham pek vai ah na k’thäh khai gui, ngami naw na m’taam khai gui.”

JEREMIAH 12:15

Cun ung phi kei naw ngami ahei ah ka lak gui kawn ah, ngami cu ka chimgein ba gui khai; kei naw a pakhui päng cu ami mät ah khaw, ami khopäng phäh ung ka law püi ba gui khai.

JEREMIAH 12:16

Ngami naw ami m’lung kyong avan awn kei ah ka chang gui ah yum nak cu dou u ne, shin cha ah ng’tam u ne, “Bawipa a ghin ah mäih ah” — cine, zan ä Baal ung ng’tam ne ka chang gui ami m’thei thang ah mäih ah ami ng’tam ah a kyak ung, — ngami cu kei ah chang amshah ah kya u ne, bühmang khai gui.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

JEREMIAH 33:9

Jerusalem cu kei ah phäh ah yeikyai nak, m’tamkhah nak la ng’häh leh nak ah a phung ak kyak ci; Jerusalem chang gui ah phäh ah akni ka bi nak ah mawng cu, khomdek khan ah pakhui päng naw ami ng’yak ung kyi ne ng’hlet khai gui.”

EZEKIEL 48:35

Mang gaw ah akit phli ah paang avan ah ng’dawn ang ng’shäi cu, metre phia kaw-kip lawk ci. Tuhbäi ungka naw ngawi yä mang gaw ah ming cu, “Shin ung Bawipa om ci” ciah kyak ci.

ZEKHARIAH 8:8

Jerusalem ung om ba khai gui ah akhei, ak kyang ung ah ka law püi ba gui khai nei. Ngami cu ka chang ah kyak khai gui, kei cu ngami ah Khanpughi ah ka kyak khai, Bekhüt nak la taga nak awn ka uk gui khai.

1 GHANGPUGHANG GUI 8:41

“A shou nak ah khaw ah om ciah a khaw hei chang naw nang mingthangnak la na chang gui ah phäh ah dämduh ci na bi gui cu ng’ya u neta, nang ning khawihnah vai ah law ne, shin ah Taigüim ung a k’taigü law ung,

SAM 102:23

Bawipa naw ka nong yah ge ung ka thagui na ken sak ci; ka ghin nak phi na tawi sak ci.