JEREMIAH 3:16 - Cho Bible Common Language 2016

¹⁶ Nangmi cun ah khaw ung nami da law ah a kyak ung chang gui naw kei ah thu khän m’küm ah mawng kä pyen ba khai gui nei. Nangmi naw cun ah mawng kä ngaih-tüh ba khai gui, kä shüm ba khai gui; ngami naw kä ng’ya hlü ba khai gui, ahei tumat pyang ba khai gui.

JEREMIAH 3:16 Referans Kwoze

EZEKIEL 37:26

Kei naw ngami awn thukhän ka bik khai, acun naw ngami cu khan gui sei ngawizä ngaih gep ne om khai gui. Kei naw cokyang ba gui ne, ami chang ka da sak gui khai, ami khaw ung ka Taigüim ka tha khai, cun cu ngawi yä a cu ah om khai.

ISAIAH 65:17

Bawipa naw pyen ci, “Kei naw khomdek thai la khankho thai cuka pyang ci nei. Azan kya man ciah amawng gui phung cu m’hnih yawp vai nei.

MATTHE 3:9

Abraham cu kami pa ah kyak ci nami ci nak düt awn, nangmi cu katnak ung nami phyawng khai ah kä nami ngaih-en vai nei. Khanpughi naw shin ah lung gui cu la ne, Abraham ah hta gui ah tüi pyang hning ci, cicu ka ning m’thein gui ci nei.

JEREMIAH 31:8

Kei naw ngami cu a siiptäng ah ka ka law püi ba gui khai, khomdek ah akcawi ah kaa ka k’bum ba gui khai. Amik m’dauh gui la akshum gui phi ngami awn atäng ah law ba khai gui, käumah ciah hnumi gui phi ngami awn a täng ah law ba khai gui, Ngami cu dämduh ciah pakhui ah kya ne law ba khai gui.

JEREMIAH 30:19

A cun ung om ciah Chang gui naw m’hlüngtai nak ng’äi m’cu khai gui; Ngami cu yei ne m’lau khai gui. Kei ah hriham awn ngami cu da u ne, kei ah hriham naw ngami m’tam khak nak cu law püi khai.

ISAIAH 61:4

Ngami naw ak shou didam lawk ciah mang gaw gui cu co ba khai gui.

ISAIAH 60:22

Ak zaw pikboüh la angneim pikbäih ah na kyong chang pang phi, Huham mah ciah pakhui hlawk ah dämduh lawk khai nei. Akhin a gawk law ah a kyak ung, shin gui ang ghit ah kya lawk khai ah ka bik khai nei. Kei cu Bawipa nei!”

MATTHE 1:11

Josiah naw Babilon ah pha ne ami hteh püi gui yah ung a hta nak gui cu Jehoiachin la anua gui ah kyak ci.

ZEPHANIAH 3:11

Cun sangung nang ka chang gui cu kei nami na hnungtuk püi ah phäh ah kä nami ng’aa ba khai. Chang ah ng’shei ne m’ghämce ci phung cu ka k’täm khai. Nangmi naw Ka m’htung theing ung kä nami na hnungtuk ba püi khai.

AMOS 9:9

“Kei naw thumkhän pe ne, Israel chang gui cu chüdawn ung htang chü ah mäih ah ka chü gui khai. Kä chang nak ci phung vai yawp vai ah changpakhui gui ah ng’lung ah ka chü gui khai.

JEREMIAH 31:27

Kei, Bawipa naw ka pyen ci, kei naw Israel khaw la Judah khaw cu chang la khisa awn kabe sak nak vai ah akhin cu gawk lawk ci nei.

JEREMIAH 7:4

Keimi na hun gui pyi ci! Shin cu Bawipa ah Taigüim nei, shin cu Bawipa ah Taigüim nei, shin cu Bawipa ah Taigüim nei! cine hleehlak ciah ng’thu yum nak cu nami ng’düm vai!

JEREMIAH 3:17

Cun ah khun a gawk law ung Jerusalem cu, “Bawipa ah mangkiang” ah khü khai gui, changpakhui avan cu kei na khawihnah khai gui ah a cu ah ng’bum khai gui. Ami m’lung ah ling nak la ami m’lung kyong akshe ah m’thein gui cu ngami naw kä bi ba khai gui.

EZEKIEL 15:5

Cun cu mei naw kä a uih pha ung phi mang vai ah kä kyak ci. Tuhbäi mei naw ui ci, m’vut ah kyak ci, cun ah kyasei kä mang phya law pi ktäi ci.