JEREMIAH 3:12 - Cho Bible Common Language 2016

¹² Israel ah hteit ne ka pyen nak vai ah ani naw na m’thein ci, “Kä bekhüt ciah Israel, kei ah law ba ä. Kei cu ka chimgein ci, kä ka m’lungshe khai; angawi ah phi nang kä ka ning m’lung she nak khai.

JEREMIAH 3:12 Referans Kwoze

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

JEREMIAH 31:20

“Israel, nang cu ka yum pi k’bäihah ka hta, ka m’hni pi k’bäih ah a hmaw ah na kyak ci. Kei naw nang ah ming ka m’dang yah phung ung, na m’hni nak cu ka ngaih-tüh ci. Kei ah ka m’lung cu nang ung gawk sei, kei ung chimgein nak om ci.

JEREMIAH 3:22

Bawipa ng’hlah tak ciah chang gui avan ng’hlat law ba vä; ani naw ning gai sak gui ne ning bekhüt sak gui khai. Nangmi naw nami pyen ci, “ä, kei mi Bawipa ah kami law ba ci nei, a i ah kyasei ci ung ani cu kami Khanpughi ah kyak ci.

JEREMIAH 3:18

Israel cu Judah awn ng’dawn ne, khaw ah a siiptäng om k’tu khaw ah ka law u ne, nami pupa gui am angtäi sei ami kaa nak vai ah ka pek gui ah khaw ung lawk khau gui.

JEREMIAH 30:11

Kei cu nangmi ah law ne ka ning hun gui khai. Kei naw ka ning püi piang sak nak gui ah pakhui gui avan kei naw ka m’di khai, cun ung phi nangmi kä ka ning m’di gui khai. Nangmi cu kä m’kyuk ah kä ka ning m’di gui khai. Cun ung phi nangmi ka ning m’kyuk gui ung Kei cu ka citheing khai. Kei, Bawipa naw a pyen nei.”

JEREMIAH 23:8

Cun nak vai sä ung, a siiptäng khaw la kei naw ka püipiang sak nak gui ah ahei khawpäng avan ungka Israel chang gui law püi ba gui ciah ghing ciah khanpughi ah pyen ne ng’khäntaam khai gui nei. Cun kawn ah ngami cu ami mät ah khaw ung om khai gui.”

JEREMIAH 4:1

Bawipa naw pyen ci, “Israel chang gui, nami ng’hlah law ba hlü ah a kyak ung, kei ah ng’hlat law ba vä. Nangmi cu kei ung bekhüt ne, kei naw ka thüi nak ah a gup gui nami plon ah a kyak ung,

JEREMIAH 3:5

Nang cu akphlüt sei kä na m’lungshe ci; nang naw khonglän ung kä na na thüi nak ci. Israel, cun cu nang naw na pyen ak kyak ci, cung ung phi nang naw akshe cu na bi hnign ah na bik ci.”

SAM 145:8

Bawipa cu m’hni nak la chimgein nak ah kyak ci, kä m’lungshe yäi ci, ng’täi ciah m’hni nak awn be ci.

SAM 86:5

Nang cu na nik ci, na na m’gein sei gui ci, nang ah taigü ci van ah khan ah na m’hni nak akbe om ci.

2 GHANGPUGHANG GUI 18:1

Elah ah hta Hoshea Israel ghangpughang ah a kyak nak a kum thum nak ung, Ahaz ah hta Hezekiah cu Judah ghangpughang ah kya lawk ci,

2 GHANGPUGHANG GUI 17:23

cun cu ak hnu ah Bawipa naw ama ungka naw ak täm gui güt acun ah bik khai ah a changshäm gui la a prophet gui ung ani naw thukbäi a pek gui pyi ah kyak ci. Cun ah kyasei Israel chang gui cu omktu ah kyak khai gui ah Assiria ah ami hteh püi gui ah kyak ci, acu ah tu ä güt om tuk ci gui.

THULÄÄN NAK 30:2

Nangmi la nami htangshon gui cuBawipa ah ng’hlat ba u ne, tuhngawi kei naw ka ning pek gui ah ang thumkhän gui cu nami m’lung kyong avan awn nami läk ah a kyak ung,

HOSEA 6:1

Chang gui naw pyen ci gui, “Bawipa ah mi ng’hlat ba khai nei. Ani naw na nat sak gui ci, cun ung phi ani naw akcang ah na gei ba sak gui khai nei. Ani naw na leim sak gui ci, cun ung phi mi leim cu na hlawp pe gui khai nei. Ani naw cun ah kä bik khai ang?

EZEKIEL 39:25

Uktu Bawipa naw pyen ci, “Cun ung phi tuhbäi, Jakob ah htangshon Israel gui cu kei naw ka chimgein gui khai, ka ng’bühmang ba sak gui khai. Kei naw ka ming theing cu ka shungvong khai.

JEREMIAH 31:8

Kei naw ngami cu a siiptäng ah ka ka law püi ba gui khai, khomdek ah akcawi ah kaa ka k’bum ba gui khai. Amik m’dauh gui la akshum gui phi ngami awn atäng ah law ba khai gui, käumah ciah hnumi gui phi ngami awn a täng ah law ba khai gui, Ngami cu dämduh ciah pakhui ah kya ne law ba khai gui.

JEREMIAH 3:14

“Kä bekhüt ciah chang gui, law ba vä, kei cu nami na ka nak ci nei. Kei naw gawnun päng ungka, tumat ci, pahta päng ung ka hnih ci ning la gui neta kei naw Zion m’htung ah ka ning hteit püi ba gui khai nei.

JEREMIAH 3:7

Ani naw shin gui avan abi kawn ah ani cu akang ah kei ah law ba khai nei. Cung ung phi ani kä ng’hlat law ba ci, ani ah kä bekhüt ciah abe Judah naw avan cu hmuk ci nei,

JEREMIAH 3:1

Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

SAM 103:17

Cun ung phi Bawipa m’taam ciah chang ah hmawk ah, ani ah m’hni nak cu kä ng’pyi hlawt ci, Ani ah ni nak cu hta ng’shon avan ung khäng lä ci.

SAM 103:8

Bawipa cu chimgein nak la m’hni nak awn be ci, a yäi ah kä m’lungshe ci, ng’täi ciah m’hni nak awn be ci.

SAM 79:5

Bawipa, keimi ah khan ah na m’lungshe lä khai ma? Na m’lungshe nak naw mei ah mäih ah na ui gui lä khai ma?

2 SHONTÄP NAK 30:9

Nangmi Bawipa ah nami law ba ah a kyak ung, nami mätyah gui pha ne hteh püi ci gui naw ngami cu yeikyai naba gui u ne, ami im ah law ba sak gui khai gui. Bawipa nami Khanpughi cu chihna ne chimgein thei ci, ani ah nami law ba ah a kyak ung ani naw ning dou gui khai nei.”

2 GHANGPUGHANG GUI 17:6

Hoshea ah uknak a kum kaw nak ung Assiria uktubawi naw Samaria cu khäm ne Israel gui cu pha gui ne Assiria ah hteh püi gui ci. Amshah Halah mang gaw ung, amshah cu Habor Tuinu pei, Kozan khopäng ung, la m’shah cu Media mang gaw gui ung tha gui ci.

2 GHANGPUGHANG GUI 15:29

Pekah ghangpughang ah a kyak yah ung Tiklath Pileser, Assirian uktu naw, Ijon, Abel Beth Maakah, Janoah, Kadesh la Hazor la Kilead, Kalile, la Naphtali khopäng gui cu khäm ne, chang gui phi Assiria ah hteh pui gui ne thawng kyum ah tha gui ci.

ATÜNNAK 4:7

Ng’düng ciah bii na bi vaisü ung na hmai kiang khai süte; cung phi akshe na bik ci kyasei, katnak cu na m’kawt ung ng’boop ci nei. A cun naw ning uk vai ci nei, cun ung phi nang naw na m’khüt vai nei” cik ci.

TAIGÜTHUM 26:40

“Cun ung nami htangshon gui naw ami katnak la ami pupa gui ah katnak cu ng’yu ba khai gui, cun ah pupa gui cu kei na lüm u ne, na hnungtuk püi ci gui ah kyak ci gui.

SAM 103:9

Ani naw a phlüit ta a u kä m’kat ci, ani angtäi sei kä m’lungshe ci.

JEREMIAH 11:6

Bawipa naw na pyen nak ci, “Judah mang gaw gui la Jerusalem lam gui ung hteit vä. Ka ng’thu cu shä vä, thukhän ah mawng gui ami ngaih vai la ami läk vai ah m’thein gui vä.

JEREMIAH 12:15

Cun ung phi kei naw ngami ahei ah ka lak gui kawn ah, ngami cu ka chimgein ba gui khai; kei naw a pakhui päng cu ami mät ah khaw, ami khopäng phäh ung ka law püi ba gui khai.

NG’ÄI KYAH 3:22

Bawipa ah kä yung kyak ciah am hni nak la a chimgein nak cu ng’täi lä ci nei.

EZEKIEL 11:17

“Cun ah kyasei kei, uktu Bawipa naw ka pyen cu m’thein tu gui vä. Kei naw Ngami cu ka püi pyang nak sak gui ah khaw ah ak pung ah ng’cut sak gui ne, Israel khaw cu ngami am ka pe ba gui khai.

2 SHONTÄP NAK 29:10

“Tuhbäi kei naw Israel Khanpughi Bawipa awn ng’thukhän bi vai ah ka k’bäi ci nei, cun ah kyasei ani cu mikmi ah khan ah kä m’lungshe ba khai nei.

ISAIAH 31:6

Bawipa naw pyen ci, “Israel chang gui, nangmi katnak bi ne, nami na hnung’tuk püi ci. Nami na hna nak ci cung ung phi tuh bäi, kei ah law ba vä!

JEREMIAH 31:21

M’hnüt nak ng’ling ne lam cu m’hnüt ä; na hteh nak te ah lam cu shui teng ba ä. Law ba vä, Israel chang gui, nami hteh tak ah gawnu Im ah law ba vä.

ZEKHARIAH 1:4

Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.