JEREMIAH 3:10 - Cho Bible Common Language 2016

¹⁰ Shing gui avan ah kawn ah Israel ah kä bekhüt ciah anau Jodah cu ng’she ne kei ah law ba ci, ani cu amlung kä theing ci, kei Bawipa naw ka pyen nei.”

JEREMIAH 3:10 Referans Kwoze

HOSEA 7:14

Ngami naw m’lung üp nak awn kei ah taigü ci gui, cun ung phi ami mät kyu u ne kä yum ci gui ah mäih ah m’lau ng’pyang ci gui. Ngami naw htang la sapyit tui ah phäh ah ami taigü ung kä yum ci gui ah mäih ah ami mät naw am mät nat sak ci gui. Ngami cu a i hlawk ah ng’küknet ci gui ang?

JEREMIAH 12:2

Nang naw geit gui ci sei, ngami ng’yung pya ci gui; ngami cu däm law ne m’theih tak lawk ci gui. Ngami naw nang ah mawng cu akni ah pyen ci gui, cun ung phi akcang ah a i ah kä ning ngai ci gui.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

SAM 66:3

Khanpughi-am, “Na bilawh gui cu cäicat vai ah kyak ci nei! Na huham cu däm ciah ci nei, Na gaa gui naw ning kyih u ne na ma ah kawp ci gui nei.

SAM 18:44

Kho hei chang gui ka ma ah kawp ci gui; Ka mawng ami ng’yak ung na ngai ci gui.

2 SHONTÄP NAK 34:33

Ghangpughang Josiah naw Israel chang gui ah khopäng gui ung om ciah shemshai ciah a gup gui avan cu m’di yawp ci. Ani a ghin yah a chuih, chang gui naw ami pupa gui ah Khanpughi Bawipa ah bii bi sak gui ci.

ISAIAH 31:6

Bawipa naw pyen ci, “Israel chang gui, nangmi katnak bi ne, nami na hnung’tuk püi ci. Nami na hna nak ci cung ung phi tuh bäi, kei ah law ba vä!

JEREMIAH 11:10

Ngami cu kei naw ka pyen maa nak ciah ami pupa gui ah katnak ung hteit ba ci gui; ngami naw ahei khanpughi gui cu khawihnah ci gui. Israel la Judah ami van naw ami pupa gui am kei naw ka peit ah thukhän cu m’shet ci gui nei.

AMOS 4:9

“Kei naw nami geit chawng sak khai ah ng’hüüt ciah khokhi cu ka tüi lawk ci. Khanpeh gui naw nami loma avan, nami geit a vuipai avan, nami thei ghing gui, olive sing gui ei yawp ci gui. Cun güt ung nangmi kei ah kä nami law ba ci.

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

JEREMIAH 9:1

Kalu cu tui shawk tui ah mäih, kamik gui cu tui hta lawng ah mäih ah a kyak vai ka ng’ya hlük ci, Cun ung kei cu ami ngawn gui ah ka chang gui ah phäh ah amü a hnüüp ka kyap hning khai nei.

MALAKHI 2:11

Judah chang gui cu Khanpughi awn ami shaitak m’shet u neta, Jerusalem la khaw avan ung akshekha cu bik ci gui nei. Bawipa naw am hni ah Taigüim cu lelawi sak ci gui nei. Pami gui naw a khaw hei khanpughi gui khawihnah ci gui cu chu nak ci gui.