JEREMIAH 3:1 - Cho Bible Common Language 2016

¹ Bawipa naw pyen ci, “pami naw a chu angtha püi ah a kyak ung, cun ah hnumi naw ani htet ta neta, ahei pami a cei nak ba ah a kyak ung, ani naw cun ah hnumi cukä cu na ba hning ci. Acun ah khan avan lelawi sak khai nei. Cung ung phi Israel, nang ung na m’hni da aih ci, nang tuhbäi kei ah na law ba hlük ci!

JEREMIAH 3:1 Referans Kwoze

EZEKIEL 16:26

Nang naw htukhtik ciah a pei ng’leng ah ka gui, Egypt gui cu khü gui ne, atäng ah mi ip khai, cine na paumza nak cu mang ne kei cu na na m’lungshe sak ci.

JEREMIAH 4:1

Bawipa naw pyen ci, “Israel chang gui, nami ng’hlah law ba hlü ah a kyak ung, kei ah ng’hlat law ba vä. Nangmi cu kei ung bekhüt ne, kei naw ka thüi nak ah a gup gui nami plon ah a kyak ung,

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

ZEKHARIAH 1:3

cun ung phi tuhbäi ka pyen cu, ‘Kei ah law ba vä, kei phi nangmi ah ka law ba khai.

HOSEA 1:2

Bawipa naw Hosea ungka naw Israel gui ang thu püi gui yah ung ani naw Hosea am, “Nang cu hteit ne chu mah ä, na chu cu kä bekhüt khai nei, na hta gui phi kä bekhüt khai gui nei. A cun ah mäih ah ka chang gui naw na hteh ta u ne, kä bekhüt lawk khai gui nei.”

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

JEREMIAH 3:9

ani cu kä ng’aa oang ci. Ani naw khongleo lelawi sak ne, lung gui sing gui khawihnah ne, shemshai shetkat nak bik ci.

JEREMIAH 2:23

Na mät naw na mät kä na lelawi sak ciah, Baal kä na khawihnah phung ciah a i hawkcha ah na pyen hlawt ang. Khongnawi ung a i hlawk ah na hmakat cu teng ba ä; na bi gui pyi cu dan ba ä. Nang cu k’cih ciah kalauk ah mäih ah na kyak ci, dawng ne maih ci.

SUKI GUI 19:2

Cun ung phi cun ah hnunmi naw ani cu m’lungshe na neta, Bethlehem apa ah im ah hteit ba ne, cha phli om tu ba ci.

MIKHAH 2:10

Tho ne hteit vä, shin ung phyawn nak vai kä om ba ci nei. Shin ah hmun cu nak katnak naw ng’yiin sak ne di sak ci nei.

JEREMIAH 3:22

Bawipa ng’hlah tak ciah chang gui avan ng’hlat law ba vä; ani naw ning gai sak gui ne ning bekhüt sak gui khai. Nangmi naw nami pyen ci, “ä, kei mi Bawipa ah kami law ba ci nei, a i ah kyasei ci ung ani cu kami Khanpughi ah kyak ci.

JEREMIAH 2:7

Kei naw anglei ni ah kho ung ka law püi gui ci, Acun ung geit ko gui la ahei nik ci gui awn ami yeikyai vai ah kyak ci. Cun ung phi ngami naw ka khaw m’di u ne, kei naw ka pek gui ah khopäng cu Shesham sak ci gui.

ISAIAH 24:5

Chang gui naw khanpughi ah thukhän gui m’shet nak la ng’täi khai ah a pyan ah angthukhän m’kat nak awn khomdek cu lelawi sak ci gui.

THULÄÄN NAK 22:21

Ngami naw cun ah hnumi cu apa ah im valuh nak ung law püi u neta, acun ah mang gaw chang gui naw ani cu lung awn vawi ne ngawn khai gui. Ani cu apa ah im ung a om yah ung kä a cei mah pha ung ng’yawpawm tu ne, mi chang gui ah ng’lung ah lü ng’a nak bik ciah kyak ci. A cuk cha ah nangmi naw akshe cu nami nawt heng vai.

MATTHE 5:31

‘Akchu ng’chaa püi hlük ciah chang naw ng’chaa nak ah ca gu ne a peit vai’ ciah thukhän om ci.

SAM 106:38

Ngami naw cun ah akat nak kä om ciah ak hmaw gui cu ngawn u khäta, kho avan cu chang ngawn ah si awn be ci.

JEREMIAH 22:20

Jerusalem chang gui, Lebanon ah hteit ne m’lau vä, Bashan khaw ah hteit ne kyap vä; Moab m’htung ung ka naw ng’khü vä, a i ah kyasei ci ung nami khawt püi gui avan cu hnim gui ci gui nei.

NG’ÄI KYAH 1:2

Ayanä a teihpüi mang gui ami van naw tumat naw phi kä shungvong ci gui. Amü pum ani cu kyap sei, ang phlitui gui ang being ung yu ling vük ci gui nei. Ang khawt püi mang gui ami van naw kä bekhüt u ne, tuhbäi ami van naw hnungtuk püi ci gui nei.

HOSEA 2:2

Ka hta nau gui, nami nu cu pyen ah vä — ani cu kei ah chu ah kä kya ba ci, kei cu ani ah cei ah kä ka kya ba ci. Pletbeng nak la pawmyau nak cu kä a bi ba vai ah pyen ah vä.

JEREMIAH 31:22

Nangmi a i güt nami awng aa khai ang, yum nak kä om ciah chang gui? Hnumi naw pami a shung vong cu a küikaa ah mäih ah, kei naw küikaa ci la akthai cu ka tüipiang ci nei.

EZEKIEL 16:30

Shin cu uktu Bawipa ah pyen ah kyak ci: “Nang naw shin gui avan cu kä ng’aca ciah pletbeng Chang ah mäih ah na bik ci.

EZEKIEL 16:35

Tuhbäi, Jerusalem, nang Chang plet!