JEREMIAH 29:3 - Cho Bible Common Language 2016

³ Kei naw ca cu Shapan ah hta Elasah la Hikiah ah hta Kemariah am ka pek goi nei, ngani cu Judah ghangpughang Zedekiah naw Babilonia ghangpughang Nebukhadnezzar ah atüih goi ah kyak ci. Awn naw a pyen cu:

JEREMIAH 29:3 Referans Kwoze

EZEKIEL 8:11

A cun ung Israel gui ah ami ng’vai gui Chih kip om ci gui, Shaphan ah hta Jaazaniah mah ah kyak ci. A Chang sing naw tui ng’ui m’khih nak ah khawk cu kawt ci gui, tui ng’ui cu mei ah khu ci.

JEREMIAH 39:14

mang im kyong ung ah na hteh püi ci gui. Ngami naw Kedaliah, Ahikam ah hta, Shaphan ah tu naw na m’htei ne phyawng ne im ah ka gawk ba vai ah m’htei sak ci gui. Cun ah kyasei kei cu chang gui ah ng’lung ah ka om tuk ci.

JEREMIAH 36:25

Cun ung phi Elnathan, Delaiah la Kemariah ni naw ghangpughang naw ca k’chaw mei awn kä am khih vai ah ng’paa nak ci gui, cun ung phi ani naw a i ah kä sui gui ci.

JEREMIAH 26:24

Cun ung phi kei cu Shapham ah hta Ahikam ah ng’düih püi nak ka gah ci kya neta kei cu chang gui naw ami na ngawn vai ah kä na ap ci gui.

2 SHONTÄP NAK 34:20

shin ah thukbäi gui cu Hilkiah ni, Shaphan ah hta Ahikam ni, Mikaiah ah hta Abdon ni, yung ca guk ciah Shaphan ni la ghangpughang ngäng ciah Asaiah ni am pe gui ci.

1 SHONTÄP NAK 6:13

Hilkiah, Azariah,

2 GHANGPUGHANG GUI 22:12

Shin ah ng’thukbäi cu taigü Hilkiah, Shaphan ah hta Ahikam, Mikaiah ah hta Akbor, yungbawi Shaphan la ghangpughang ah achang täk Asaiah ni gui ah kyak ci:

2 GHANGPUGHANG GUI 22:8

Shaphan naw ghangpughang ah ng’thu k’bäi cu Hilkiah ah hteh püi ci, Taigüim kyong ah thukhän ca uk om sei a hmuh ah mawng Hilkiah naw m’thein ci. Hilkiah naw ca uk cu pe sei Shaphan naw phat ci.

2 GHANGPUGHANG GUI 18:18

Ngami naw Hezekiah ah chang tüi lawk ci gui, cun ah kyasei ngami awn ng’hmuk khai gui ah ami bawi gui thum hteit ci gui: Hilkiah ah hta Eliakim, mang im uktu; Shebna mangyung bawi; Asaph ah hta Joah ca guk ci angvaipi gui ah kyak ci.

1 SHONTÄP NAK 2:39

Helez, Eleasah,

JEREMIAH 26:22

Ghangpughang Jehoiakim naw Achbor ah hta Elnathan la ahei chang gui Egypt ah tüi gui ne Uriah cu lak sak gui ci.