JEREMIAH 29:12 - Cho Bible Common Language 2016

¹² Cun Kawn ah nangmi naw kei nami na khü khai, Kei ah law ne nami taigü khai, kei naw ka ning m’shan gui khai.

JEREMIAH 29:12 Referans Kwoze

JEREMIAH 33:3

“Na khü vä, ka ning m’shang gui khai; nangmi naw kä nami hmat ah cäicat vai ah chüula ciah amawng cu ka ning m’thein gui khai.

SAM 50:15

Khüikha nak a gawk law ung na khü vä; kei naw ka ning hun gui khai, nangmi naw nami na m’taam khai.”

SAM 145:19

Ani m’tamkhah ci gui ah ami ng’yak hlü cu petak gui ci; Ani naw ami kyah cu ng’ya ne hun gui ci.

SAM 10:17

O Bawipa, ng’neim ci gui ah taigü cu na ngai khai nei; Nang naw thamah nak na pe gui khai.

ISAIAH 65:24

Kei ah ami taigü law kä ang pha ung, ngami ah taigü cu kei naw ka m’shang khai.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

JEREMIAH 31:9

Kei ah ka Chang gui cu kyap u ne, taigü u ne, kei naw lam ka m’shüm gui nak awn law ba khai gui. Kei naw tuihta gui ah om nak ung khah püi gui ne, kä ami kiuk ng’täät vai ah lam k’ni ung ka khah püi gui khai.” Kei cu Israel ah pa ah mäih ah ka kyak ci, Epharaim cu ka hta ng’vaipi ah kyak ci.

ISAIAH 30:19

Nangmi Jerusalem ung om ciah chang gui kä nami kyap ba khai. Bawipa naw ning geng khen gui ci, aning m’htei gui vai ah nami kyah ung ning m’shang gui khai nei.

EZEKIEL 36:37

Uktu Bawipa naw pyen ci, “Kei naw Israel gui cu ka m’htei htang gui vai ah ka k’thäh ba sak gui mä khai, kei naw ngami cu htome bum ah mäih ah ka dämda sak gui khai.

2 SHONTÄP NAK 6:38

Cun ah khaw ung ngami cu akcang akni ah ng’yuu ba u ne, kami pupa gui am na pek ah shin ah khaw, nang naw na ghü ah shin ah mang gaw, nang ah phäh ah kei naw ka cawh ah shin ah Taigüim shin gui täng ah mang ne nang ah ami taigü law ah a kyak ung,

2 SHONTÄP NAK 33:13

Khanpughi naw Manasseh ah taigü cu dou pe ne, m’shang ne, Jerusalem ah hteh ba sak ne, uk ba sak ci. A cun naw Manasseh am, Bawipa Khanpughi ah a kyak cu hmat sak ci.

JOB 22:27

Na k’taigü ung ani naw ning m’shang khai, Nang naw na ng’khäntam cu nak pang khai.

ISAIAH 26:16

Nang naw na chang gui cu na m’kyuk ci nei, BAWIPA, ngami cu cümbawng ne, nang ah taigü ci gui nei.

JEREMIAH 50:4

Bawipa naw pyen ci,” Cun ah khin a gawk law ung Israel la Judah gui ami van kyap u ne, kei, ami na khanpughi cu na shui khai gui.

JEREMIAH 51:50

Babilonia ah om ciah a chang gui a pyen nak gui cu; “Nangmi cu sih nak ung nami phyawng pyi ci! Tubäi hteit vä, kä ging en vä! Cun ung phi nangmi im awn ami ng’shawng law ung, nami Bawipa, kei cu na khaih na vä, Jerusalem cu shüm vä.

HOSEA 14:9

Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.