JEREMIAH 29:11 - Cho Bible Common Language 2016

¹¹ Nangmi ah phäh ah ka m’hnüt bäi cu ka mät bäng naw ka hmat ci, Cun ah m’hnüt bäi cu nami bühmang nak vai ah kyak ci, leigai ah kä kyak ci, ngawi ah nami ngaih u rai law püi ciah m’hnüt bäi ah kyak ci.

JEREMIAH 29:11 Referans Kwoze

SAM 33:11

Cun ung phi ani ah pawng püi cu kho ung ng’län ne ang bü nak cu angtäi ah om ci.

MIKHAH 4:12

Cun ung phi changpakhui gui naw Bawipa ah m’lung kyong cu kä hmat ci gui. Htang cu le m’ship vai ah bum ah mäih ah m’kyuk gui vah atäng ah ami bum gui cu ngami naw kä hmat ci gui.

SAM 40:5

O Bawipa, kami Khanpughi, Nang naw keimi ah khan ah akda na bi ci nei; Nang ah mäih a u kä om ci nei; Kei naw khei ne kä ka pyen hlawk yawp vai ah, cun gui cu da aih ci nei.

JOB 23:13

Ani cu kä ng’thawng phung ci. A u naw kä hnungtuk püi hlawt ci. Ani naw ang yak hlü a bi cu a u naw kä ng’düm sak hing ci.

NG’ÄI KYAH 3:26

Cun ah kyasei m’lung sau nak awn k’äih cu mikmi ah phäh ah akni pi ah kyak ci — ani naw ana hun gui vai ah mi k’äih ci.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

ZEKHARIAH 1:6

Kei naw ka chang gui prophet gui ung nami pupa gui am thumkhän la m’cäi nak cu ka pe gui ci. Cun ung phi ngami naw a i ah kä ngai u ne, acun ah amawng ma ung yaica ci gui. Cun kawn ah ngami cu ng’yu ba u neta, kei M’gäi ciah Bawipa naw ka pyen ah mäih ah ka m’kyuk gui ciah pyen ci gui.’ ”

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

JEREMIAH 23:6

Ani ghangpughang ah a kyak law ung Judah chang gui cu phyawng khai gui, Israel chang gui cu dimdeeih nak ung om khai gui. Ani cu “Ani cu Bawipa mi hun bawi” ah khü khai gui.”

JEREMIAH 30:9

Cunnak vaisü ung ngami naw Bawipa ami Khanpughi la David ah htangshon, kei naw ghangpughang ah ka hmoh law vai ah abii cu loik khai gui.

JEREMIAH 30:10

“Ka Chang gui aw, kä nami kyih vai nei; Israel chang gui aw, Kä nami cäi cat vai nei. Kei naw nangmi cu cun ah shounu ciah khaw, thawng kyum ciah nami kyak nak ah khaw ungka ka ning gung gui khai. Nangmi cu nami im ah law ba ne ding gei sei nami om khai, Nangmi cu khan sei nami om khai, a u naw kä ning m’kyihkyawk gui khai.

EZEKIEL 11:16

“Tuhbäi kei nae pyen gui cu name paw gui omktu gui am m’thein tu gui vä. Kei cu ngami ashou nak ah khaw ah om khai gui ah tüi gui ne khopäng ahei yung ah püi sak gui ciah ka kyak ci nei. Cun ung phi, akhin a gawk law ung, ngami ami gawk nak ah khaw ung kei naw atäng ah ka om püi gui khai nei.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

SAM 85:9

Ani m’taam khah ci phung cu akcang ah hun ge ci nei, Ani ah hun phyawn nak cu mi kho ng’lei ung puipa khai nei.

ISAIAH 27:4

Kei cu sapyit lo ah phäh ah kä ka m’lungshe ba ci nei. Hnu ng’tuk püi vai ah hling ghing, hling shun gui bäng om ci nei, kei naw cun gui cu ka m’khih gui yawp khai nei.

JEREMIAH 24:5

“Kei Bawipa, Israel khanpughi naw ka hmuh cu, Babilonia ah ami hteh püi gui cu shin ah thei akni ah mäih ah kyak ci gui, kei naw akni ah ka om püi gui khai.

JEREMIAH 33:6

Cun ung phi shin ah mang gaw la lun chang gui cu kei naw m’tui m’seih gui khai, ami gai vai ah ka m’tho ba gui khai. Kei ah bä aik ciah deeih nak la ngain gep nak ka m’dang gui khai.