JEREMIAH 28:9 - Cho Bible Common Language 2016

⁹ Cun ung phi dimdeeih nak ah mawng ng’ cäbang ciah prophet läi cu prophet ah ng’cäbang abä law ah a kyak awn ung va, Bawipa naw akcang ah atüih law ah prophet ah k’bäi ci gui.”

JEREMIAH 28:9 Referans Kwoze

THULÄÄN NAK 18:22

Prophet tumat naw Bawipa ah ming ung ng’thu pyen khai, cun ah ani ah ng’thu pyen cu kä abä law ah a kyak ung, cun cu Bawipa ah thu pyen ah kä kyak ci. Cun ah prophet naw amät ah huham awn a pyen ah kyak ci. Nangmi naw kä nami kyih vai.

JEREMIAH 6:14

Ngami naw ami khei khan ng’khawk düt khai ah bo; p ci gui. Ngami naw “Avan bä ci nei” ci u sei avan kä bä ci!

JEREMIAH 14:13

Cun kawn ah kei naw, “Uk ciah Bawipa, nang naw na hmat ah mäih ah prophet gui naw chang gui ami m’thein gui cu, ei cawi nak la ng’tuk nak kä om khai, a i ah kyasei ci ung nang naw shai na tak pyi ah kyak ci, mi khaw dimdeeih nak bäng om khai, cik ci gui.”

JEREMIAH 8:11

Ngami naw ka chang gui ah leim cu a i baw düt ah ngai ci gui. Ngami naw, avan kä khan pha mui sei, “Avan khan ci nei” cik ci gui.

JEREMIAH 4:10

Cun kawn ah kei naw ka pyen cu, “Uk ciah Bawipa, nang naw Jerusalem chang gui cu akbe ah na m’hleei gui ci nei! Nang naw dimdeeih nak om khai ah na pyen ci, cun ung phi ngami ah gawn ung khim ng’kyäng ci nei.”

EZEKIEL 33:33

Cun ung phi na ng’thu gui avan bä law ne — cun gui abä law ung — cun kawn ah ngami naw ami ng’lung ah prophet om ciah hmat khai gui.”

THULÄÄN NAK 18:21

Na mät na cäi khai. Prophet ah ng’thu pyen cuBawipa ungka lawk ciah kä a kyak ung a i hawkcha na pyen thei khai aw?

ISAIAH 44:26

Cun ung phi kei ah ka chang shäm naw cängbang nak abi ah a kyak ung, kei ah ka pawng püi gui m’than khai ah ng’shächang ka tüih ah a kyak ung. Cun ah pawng püi nak gui la cängbang nak gui cu akcang ah kyak khai ah kei naw ka bik ci. Kei naw ka m’thein gui ci. Jerusalem ung chang gui om ba khai gui, Judah mang gaw gui co ba khai gui. Cun ah mang gaw gui cu didam nak ung ka, Tho law ba khai gui.