JEREMIAH 28:4 - Cho Bible Common Language 2016

⁴ Kei naw Judah ghangpughang, Jehoiakim ah hta Jehoiachin phi, Babilonia ah omktu ah ami hteh püi gui ah chang gui awn atäng ah ka law püi ba gui khai nei. Ä ya, kei naw Babilonia ghangpughang ah huham cu ka cheiuh khai nei. Kei, Bawipa naw ka pyen nei.”

JEREMIAH 28:4 Referans Kwoze

JEREMIAH 22:24

Bawipa naw ghangpughang Jehoiachin Judah ghangpughang cu pyen nak ci, “Kei cu ghing ciah khanpughi akcang ah ka kyak ah mäih ah nang ka k’pat täng ung ka naak ah m’hnüt ah kut cüp ah na kyak ung phi, kei naw ka nang cu ning suut ne

JEREMIAH 28:2

m’gäi ciah Bawipa, Israel Khanpughi naw pyen ci,” kei naw Babilonia ghangpughang ah huham cu ka cheiuk pyi ci nei.

JEREMIAH 24:1

Taigüim ah ma ah ami tha ah thei vawh goi cu Bawipa naw na m’hnuh ci. (Shin cu Babilonia ghangpughang Nebukhadnezzar naw Judah ghangpughang Jehoiakim ah hta Jehoiachin cu pha ne Jerusalem ah ka Babilonia ah, Judah ng’vai gui, shep pyang ci gui la bii k’bi gui mah ah a hteh püi gui kawn ah kyak ci.)

NAHUM 1:13

Nangmi ah khan ah Assirian gui ah huham mah Nak cu, tuhbäi ka ng’pyi sak khai, Ning khit gui ciah gui phi ka pit sak khai.”

JEREMIAH 30:8

M’gäi ciah Bawipa naw pyen ci; “Cun ah hnüüp a gawk law ung ami hnü ung ami phuih nak ah sing cu cheiuh ne, gui gui cu ka heen pe gui khai, ngami cu Khohei Chang gui ah Khlei htein ah kä kya ba khai gui.

JEREMIAH 28:10

Cun kawn ah Hananiah naw ka hnü ungka phuih htung cu la neta am ton ton ah ci hnget ci,

JEREMIAH 24:5

“Kei Bawipa, Israel khanpughi naw ka hmuh cu, Babilonia ah ami hteh püi gui cu shin ah thei akni ah mäih ah kyak ci gui, kei naw akni ah ka om püi gui khai.

JEREMIAH 22:10

Judah chang gui, ghangpughang Josiah ah phäh ah kä kyap vä; ani asih ah phäh ah kä thüi vä. Cun ung phi a htapa Joahaz ah phäh ah aktung ah kyap vä, Ani cu asho nak ah hteh püi ci gui nei. Kä law ba khai nei, ami hta nak ah kho cu ani naw kä hmu tuba khai nei.

JEREMIAH 2:20

Uk ciah Bawipa naw pyen ci, “Israel, cau pui nang naw kei ah huham cu na hnungtuk ci; kei na ngai ne na khawihnah vai cu nang naw nah mak ci, Hlüng ciah m’htung khan päng ung m’kim ciah sing ghing kaa päng ung nangmi naw khonglei khanpughi gui cu nami khawihah ci.

ISAIAH 9:4

A I ah kyasei ci ung ngami ung gih ciah kawh nak la Ngami ami k’phleing ung thah nak ah htung cu, Nang naw na cheiuh pyi ah kyakci. Nang naw cau pui Midian gakap gui na hnim gui ah mäih ah, Na Chang gui shedam na ne lei ei gai awk ciah pakhui cu, nang naw na hnim ci nei.

ATÜNNAK 27:40

Khim awn na hnun na m’ghin khai, Na nau ah changshäm ah na kyak khai, Na ng’küknet püi ung phi ani ah k’pan nak ungka a hei ah na gawk khai” cine pyen nak ci.

JEREMIAH 27:8

“Pakhui tumat mat, käcung uk nak khaw tumat mat naw ani ah uk nak cu kä a dou ah a kyak ung, Nebukhadnezzar am kä ka m’di sak yawp pha ung cun ah pakhui cu kei naw ng’tuk nak, ei cawi nak la natnak gui awn ka m’kyuk khai.

TAIGÜTHUM 26:13

Kei, Bawipa nami Khanpughi naw, Egypt khaw ungka ka ning law püi ba gui ci, cun ah kyasei nangmi cu changshäm ah kä nami kya ba khai. Kei naw ning yung kyak sak ciah huham cu ka cheiuh pyi ci, kei naw nami lu häng khai ah ka ning hteh sak gui khai.

2 GHANGPUGHANG GUI 24:14

Nebukhadnezzar naw Jerusalem chang gui, mang hta gui avan tängpang chang gui avan, avan ah ng’dawn ah phia phia gha cu pha ne hteh püi gui ci. Ani naw bii bi hning ciah chang gui avan m’shishep gui, mah mah ah hteh püi gui ne pyam aih ciah chang gui bäng Judah ung nawng shüt gui ci.

JEREMIAH 13:19

Judah khaw a htum täng gaw nu gui cu ami khaai pyi nei; ngami ah a u kä hteit hlawt ci nei. Judah chang gui ami van cu omk’tu ah ami hteh püi gui nei.”

JEREMIAH 29:1

Taigü gui, prophet gui la ahei gui avan Nebukhadnezzar naw Jerusalem ah kaa pha ne Babilonia ah a hteh püi gui am ca ka ning guk law gui ci nei.

JEREMIAH 29:2

Kei naw shin ah ca cu Ghangpughang Jehoiachin, anu, mang im bawigui, Judah la Jerusalem angvai gui, Shep pyaing ci gui, la bii bi thei ci gui, omktu ah ami hteh püi guikawn ah ka guic nei.