JEREMIAH 28:3 - Cho Bible Common Language 2016

³ Khokum goi ah akyong ung Ghangpughang Nebukhadnezzar naw Babilonia ah a hteh püi ah Taigüim m’küm khawh gui avan cu shin ah hmun ung kei naw ka law püi ba khai nei.

JEREMIAH 28:3 Referans Kwoze

2 GHANGPUGHANG GUI 24:13

Ani naw Taigüim ungka la mang im ungka khawchaam avan Babilon ah hteh püi ci. Bawipa naw angcä ah mäih ah, Nebukhadnezzar naw, Solomon ghangpughang naw Taigüim ung mang vai ah ghui awn a pyan ah khawh chaam gui cu avan m’shet yawp ci.

DANIEL 1:2

Bawipa naw ghangpughang Jehoiakim cu ani am pha sak ne, Taigüim ung m’kümcu ani am khäm sak ci. Ani naw thawng kyum amshah gui cu, Babilon ah amät ah khanpughi gui ah pum im ah hteh pui ne ami khäm ah m’küm gui cu pum im ah khawh gim nak ung tha gui ci.

2 SHONTÄP NAK 36:10

Kho hting law khäta Ghangpughang Nebukhadnezzar naw Jehoiachin cu pha ne Babilonia ah hteh püi ci, Taigüim ungka khawhcham gui phi hteh püi ci. Nebukhadnezzar naw Jehoiachin ah pukhaw Zedekiah cu Judah la Jerusalem ung ghangpughang ah tha ba ci.

SAM 90:10

Mi van ah kho kum cu kum chih kip ah kyak ci — mi gai ung kum cheit kip ah kyak ci; cun ung phi cun gui nü cu geinvai nak la azä nak ah kyak ci; ghin nak cu ang ghit ah ng’pyi sei mikmi cu mi ng’kawn ci.

ATÜNNAK 47:28

Jakob cu Egypt khaw ah kum gha lei chih om ci. Khawkum phia la phli kip lei chih a law güt ghing ci.

ATÜNNAK 47:9

Jakob naw, “Khin ah kya ne ka om nak khawkum phia la thuimkip lawk ci. Cun ah khawkum gui cu ken sei phi cümbawng nak ah kyak ci, pupa gui ah ghin sho ah mäih ah kä kyak ci.

2 SHONTÄP NAK 36:7

Nebukhadnezzar naw Taigüim kyong ah ka khawhcham amshah cu la ne hteh püi ne Babilon ah a mang im ung tha ci.