JEREMIAH 28:16 - Cho Bible Common Language 2016

¹⁶ Cun ah kyasei ani naw nang cu ning k’täm khai ah Bawipa amät naw pyen ci nei. Shin ah khokum kä angpyi pha ung nang cu na sik khai, a i ah kyasei ci ung nang naw chang gui am Khanpughi hnungtuk püi u ne ami ng’tuk püi vai ah na pyen ci.”

JEREMIAH 28:16 Referans Kwoze

ATÜNNAK 7:4

A hnüüp chih hnüüp ung tün ne, hnüüp phli kip la mü phli kip ung khaw k’aa nu ka yuk chah lawk khai nei. Ka tüisho ah akghing avan cu ka m’di yawp khai nei” cine yuk m’thein ci.

JEREMIAH 20:6

Nang Pashhur la na kyong chang avan cu ning pha gui ne Babilonia ah ning hteh püi gui khai gui. Acu ah nang cu sik ci sei ning phuh khai gui, akda vei hleei ne na m’thein gui man ah na teihpüi gui avan awn atäng ah ning phuh gui khai gui.”

1 GHANGPUGHANG GUI 13:34

Shin ah katnak naw ani dishum sak ne a mangshon avan dishum nak ung gawk sak ci.

THULÄÄN NAK 6:15

Ahei khanpughi gui nami khawihnah ah a kyak ung Bawipa ah m’lungshe nak cu mei ah mäih ah law ne ning hnungtuk püi gui ne, ning m’di gui yawp khai. A i ah kyasei ci ung nangmi ning om püi gui ciah Bawipa nami Khanpughi cu a u awn phi kä täng tuk ci

PHYAWN NAK 32:12

Na chang gui cu Egypt khaw ah ka k’plawk ba gui ne, k’pawng ne khomhtung ah na ngawn gui, pyi khai ah na m’di gui ciah, a i ah kyasei Egypt chang gui naw ami pyen vai ang? Na m’lungshe cu ng’düm sak ä. Na m’lung thawng sak ä, na chang gui ah khan ah shin ah leigai cu kä chah en ä.

AMOS 9:8

Kei, Uktu Bawipa naw, shin ah cheishoh ciah Israel Uktu khaw cu ka ngäng cinei. M’dek ah khan ung kei naw ka maih sak khai nei. Cun ung phi Jakob ah hta ng’shon avan cu kä ka m’di gui khai nei.

JEREMIAH 28:3

Khokum goi ah akyong ung Ghangpughang Nebukhadnezzar naw Babilonia ah a hteh püi ah Taigüim m’küm khawh gui avan cu shin ah hmun ung kei naw ka law püi ba khai nei.

KHEI NAK 29:32

A hnüüp chih nak ung douthak vai cu, vantang nong chih, htome hnih, kum ät ci lüng ciah htome m’ca gha lei phli, cun gui avan cu api ah phi kä kheihlik khai.

JEREMIAH 28:17

Hananiah cu a cun ah ak cha chih ung sik ci.

AMOS 7:17

Cun ah kyasei Amaziah naw, Bawipa naw ng’thu ning pyen nak ci nei, ‘Na chu cu mang gaw ung chang plet ah kyak khai. Na hta gui cu ng’tuk nak ung ngawn gui khai gui. Na khaw k’bou ne chang hei gui am pe gui khai gui. Nang na mät cu khaw she khaw ah na sik khai. Israel chang gui cu ami khaw ungka, akcang ah k’täm gui u ne, omtu khaw ah gawt gui khai gui.’ ”