JEREMIAH 28:15 - Cho Bible Common Language 2016

¹⁵ Kei naw shin cu Hananiah am m’thein neta ka k’be ba cu, “Ngai ä, Hananiah! Nang cu Bawipa naw kä ning tüi ci, nang naw shin ah chang gui naw hleei ami yum vai ah na bik ci.

JEREMIAH 28:15 Referans Kwoze

JEREMIAH 27:15

Bawipa amät naw pyen ci, ngami cu ani naw kä tüi law gui ci, ngami naw ani ah ming awn nangmi cu ning m’hleei gui ci gui. Cun ah kyasei nangmi cu ning k’täm gui khai gui, nangmi la shinahhleei ne ning m’thein gui ciah prophet gui cu ning ngawn gui ci gui.

JEREMIAH 23:21

Bawipa naw pyen ci, “Shin ah prophet gui cu ami hteh pang ung phi kei naw ka tüih gui ah kä kyak ci. Kei ah min gung thu ami pyen pang ung phi kei naw ng’thu api phi kä ka pe gui ci.

EZEKIEL 22:28

Chang naw k’paang cu thungbawk awn a hluk ah mäih ah prophet gui naw shin ah katnak gui cu thup ci gui. Ngami naw kä hman ciah muimang hmu u ne, kä hman ciah ng’cängbang ci gui. Ngami naw uktu Bawipa ah ng’thu pyen ci gui ah pyen ci gui, cun ung phi kei, Bawipa naw kä ka ng’thu püi gui ci.

NG’ÄI KYAH 2:14

Na prophet gui naw a i ami ning m’thein vai kä om ci. Cun ung phi hleei hlak ci gui. Nami katnak kä hnungtuk en phung ne, ami ng’thu pyen naw ning hleei hlak sak gui ci. Ng’yu ba vai kä hlü ci, ciah nami ngaih vai ah acun gui naw ning ci gui ci.

JEREMIAH 29:23

Ngami ah ma nak vai cu awn ah kyak khai, ai ah kyasei ci ung ngami naw kyih vai ah kaatnak cu bik ci gui-ngami naw chang ah chuhta kat püi u ne Bawipa ah min gung ami hleei pyen ci gui. A cun ah Bawipa ah angyak hlü cu hnungtuk püi ci; ani naw ngami naw a i ami bi cu hmat ci ani cu ngami hnungtuk nak ung saksi ah kyak ci. Bawipa naw pyen ci.”

EZEKIEL 13:22

Kei naw kä ka ng’zom sak hlü ah Chang ni gui cu nangmi naw name hleei pyen ne k’tha name ken sak ci. Nangmi naw Chang shekha gui cu ak shekha kä ami nawng vai la ami ghin nak ami hun vai ah name Shungvong gui ci.

1 GHANGPUGHANG GUI 22:23

Makaiah naw a hnu ah, “A kyak ah mawng cu shikcha nei. Shin ah na prophet gui naw ami ning m’hleei vai ah Bawipa naw abi nei. Cun ung phi nang naw na awt vai ah leigai cu amät naw abi nei.

JEREMIAH 20:6

Nang Pashhur la na kyong chang avan cu ning pha gui ne Babilonia ah ning hteh püi gui khai gui. Acu ah nang cu sik ci sei ning phuh khai gui, akda vei hleei ne na m’thein gui man ah na teihpüi gui avan awn atäng ah ning phuh gui khai gui.”

ZEKHARIAH 13:3

Chang tumat cu angcäbang ba ah a kyak ung ani cu sih nak pek vai ah amät ah nu la pa naw ani m’thein vai, a i ah kyasei ci ung ani naw Bawipa ah ng’thu pyen nak vaisü ung a hleei a pyen ah phäh ah kyak ci. Ani angcäbang yah ung amät ah nu la pa naw shun ne ngawn khai goi nei.

JEREMIAH 28:11

Cun kawn ah chang gui avan ah ma ah a pyen cu, “Bawipa naw pyen ci, Changpakhui avan ah hnü ung ghangpughang Nebukhadnezzar naw atha ah phuih htung gui ai hawkcha ah ani naw ci hnget khai; ani naw shin gui cu kum goi ah kyong ung bik khai, ciah kyak ci,” Cun kawn ah kei cu ka hteit ci.

JEREMIAH 7:8

“Teng vä! Hleeihlak ciah thu ung nami ngaih gep ci nei.

JEREMIAH 29:8

Kei, Bawipa Israel Khanpughi naw ng’thu ka ning k’bäi gui ci, nami ng’lung ah om ciah prophet gui naw kä ning m’hleei en gui sä, ngawi ah ka vai ng’cängbang thei ciah pyen ci naw phi kä ning m’hleei en gui sä. Ngami ah ng’mang guiphi kä nami yum men vai nei.

EZEKIEL 13:6

Ami müimang gui cu ami pyan ah kya ne, ami cängbang gui cu hleei ah kyak ci, Ngami naw kei ah ng’thu pyen ci gui ah pyen ci gui, cun ung phi kei naw kä ka tüi pe gui ci. Cun ung phi ami ng’thu cu bä khai ah ngaih u ci gui!

EZEKIEL 13:9

Muimang pyan ne, kä bä ciah ng’cängbang ciah prophet gui nangmi cu kei naw ka ning m’kyuk gui khai nei. Ka chang gui naw m’hnüt bäi vai ah ami ng’bum nak ung nangmi kä name om tuk khai nei; Israel pahta chang gui ah ming guk nak ung nangmi ah ming kä k’boih tu vai nei; nangmi cu name khaw ung kä name law bap hung khai nei. Cun kawn ah nangmi naw kei cu Uktu Bawipa ah name nah mat khai nei.

THULÄÄN NAK 13:6

“Na phäi nau, na hta pami, na hta hnumi, na m’hni ah nak chu, kä cung na teihpü ni naw nang la nami pupa gui naw phi kä ami khawihnah man ah a hei khanpughi cu nami khawihnah tu vai ah ning tüihtok gui hngaw khai.

THULÄÄN NAK 18:20

Prophet tumat mat naw abi vai kä ka thumkhän ah kei ah ming ung thu pyen khai ah a ling ah a kyak ung, acun ah phäh ah ani cu sik khai. A hei khanpughi gui ah ming awn thu pyen ciah prophet gui phi acun ah kyak khai.

JEREMIAH 23:31

Ami mät ah ng’thu ei am kei ungka lawk ciah ng’thu ah pyen ci gui ah prophet gui phi kei naw ka hnungtuk gui ci nei.