JEREMIAH 27:9 - Cho Bible Common Language 2016

⁹ Nami prophet gui, käcung malam ah amawng ng’cäbang thei ciah pyen ciah chang tumat mat cu kä nami ngai vai, ngami cu ami mang awn baw, aksi ah mümcha khü ne baw, cerai ne baw kya thei ci gui. Ngami ami van naw Babilon ghangpughang ung känami ng’kiaa vai al ning pyan nga gui khai gui.

JEREMIAH 27:9 Referans Kwoze

JEREMIAH 14:14

Cun ung phi Bawipa naw na m’shang ne, “Prophet gui naw kei ah min gung ami hleei pyen ci gui nei, kei naw ngami kä ka tüi gui ci, kei naw a i ng’thu kä ka k’bäi gui ci, ng’thu m’kha ät phi kä ka pyen na gui ci. Ngami naw ami pyen ah muimang cu kei ung ka lawk ciah kä kyak ci; ngami ah cängbang nak gui cu ami ngaih düt akholä ah kyak ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

JEREMIAH 29:8

Kei, Bawipa Israel Khanpughi naw ng’thu ka ning k’bäi gui ci, nami ng’lung ah om ciah prophet gui naw kä ning m’hleei en gui sä, ngawi ah ka vai ng’cängbang thei ciah pyen ci naw phi kä ning m’hleei en gui sä. Ngami ah ng’mang guiphi kä nami yum men vai nei.

ISAIAH 8:19

Cun ung phi chang gui naw viik ne, sawbek ciah ng’cäbang ci la k’ce gui ah ng’thu nami k’thäh vaiah ning m’thein gui khai gui. Ngami naw, “Cun kawn ah chang gui naw mumcha gui ah ng’thu k’thäh hning ci gui, akghing nak vai sü aksi cu ng’shica hning ci gui” cik khai gui.

THU PHLAAN 22:15

Cun ung phi chang shekha gui, ng’plukheih ci gui, pletbeng ci gui, chang ngawn ci gui, a gup khawihnah ci gui, hleeihlak cheishoh ci gui cu ami van Manggaw ah ak’pung ah om khai gui.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

THU PHLAAN 18:23

Ngawi ah phi nang ung mei im ah dei cu kä hmuh ba vai nei. Ng’puui ng’khap khai ah ng’piangmi, ng’laami ah k’aw phi kä ng’yak ba vai nei. Nang ah sumlei chang gui cu khomdek ah khan ung hlüngtai pi ci gui nei. Nang naw chang ah hta avan cu ng’yo hleip nak awn na cheishoh sak pyi yawp ci nei,” cine pyein ci.

THU PHLAAN 9:21

Chang ami ngawn nak, ami ng’pluhkheih nak, ami m’guuk nak, ami plet nak ah phäh ah phi kä ng’yu ba ci gui.

LAMKTU 8:11

Ngami cu Simon ah ce ah mawng ung ami cäicat nak she law pyi ci kiah sei cun nah m’hteih ne ngai ci gui ah kyak ci.

MIKHAH 3:7

Ma lam ah mawng ng’cä ba cicu a pyen kä bä sei thüi khai. Khanpughi naw kä m’shang sei ami van yung kyak khai gui.

JEREMIAH 23:32

Kei Bawipa naw ka pyen cu ngai vä! Hleei phaang ah kyak ciah ami mang chang am m’thein ci gui ah prophet gui cu kei naw ka hnungtuk gui ci nei. Ngami naw shin ah mang gui cu pyen u ne, ami hleei nak la khäghah nak awn ka chang gui cu lam hma sak ci gui nei. Kei naw kä ka tüi gui ci, ami hteh vai ah kä ka k’bäi gui ci. Ngami cu chang ah phäh ah a i ah phi kä bä ci gui. Kei, Bawipa naw ka pyen nei.”

JEREMIAH 23:25

Cun ah prophet gui ah pyen cu kei naw ka hmat gui ci nei, ngami naw kei ah ming awn ami hleei pyen u ne, ami man gung kei naw ka ng’thu ka pe gui ciah pyen ci gui.

JEREMIAH 23:16

M’gäi ciah Bawipa naw Jerusalem chang gui pyen ah gui ci, “prophet gui ah pyen cu kä nami ngaih vai; ngami naw akholä ning ngaih u sak gui ci gui. Ngami naw ami mät ah ngaih ning m’thein gui ci gui, cun cu kei ah pyen ah kä kyak ci.

JOSHUA 13:22

Cun gui ah ng’lung ah Israel chang gui naw, ami ngawn ah chang tumat cu ng’cängbang ciah Balaam, Beor ah hta ah kyak ci.

THULÄÄN NAK 18:14

Cun kawn ah Moses naw, “Nangmi naw nami khäm law vai ah khaw ung chang gui naw cäbang nak la cecai nak bik ciah chang gui ah pyen gui cu läk ci gui. Cun ung phi Bawipa nami Khanpughi naw shin ah mäih bi cu kä ä ya ci.

PHYAWN NAK 7:11

Ghangpughang naw akchang cüivai gui la k’cee gui cu khü gui sei, ngami naw a cun ah mäih ah ami cee nak awn bik ci gui.

ZEKHARIAH 10:2

Chang gui naw agup gui la k’ce gui cu yum ne ng’shik ci gui, cun ung phi ami gah cu hleeihlak la akholä gui ah kyak ci. Amshah naw ng’mang k’phlan ci, cun naw lam ning hma sak gui ci; ngami naw m’lung üpnak ami ning pek gui cu akholä ah kyak ci. Cun ah kyasei chang gui cu maih ciah htome ah mäih ah ng’vaak shüi ci gui. Ngami cu ami ng’vaihta kä om sei yaica ci gui.

EPHESIAN 5:6

Kä ng’laang ciah ng’thu awn a u naw nang mi cu kä ning k’phiui hnawk-en gui sä, cun ah mäih gui ah hmawk ah, thu kä läk ci gui ah khan ah Khanpughi ah m’lungshe nak om khai nei.

PHYAWN NAK 22:18

“Cuun ciah hnumi cu ngawn vai.

NG'THU K'THUUK~ 19:27

Ka hta aw, ng’theithang nak na nawng ah a kyak ung, na hmat pyi gui cu na nawng ciah kyak khai.

EZEKIEL 21:29

Nami hmuh ah muimang cu kä hman ci, nami bi ah ng’cängbang cu hleei ah kyak ci. Nangmi cu cheishoh ci, nangmi ah hnüüp, nangmi ning m’kyuk nak gui vai ah hnüüp cu gawk lawk ci nei. Khimsem cu nami gawn ah khan ah kya law vai ci nei.

DANIEL 4:7

Cängbang ci gui, cee gui, tukaih ci gui, kho m’khin thei ci gui, ami van law püi gui u sei, kei naw ka mang cu ka m’thein gui ci. Cun ung phi cun ah mawng cu ngami naw kä na m’thein hning ci gui.

THULÄÄN NAK 13:2

Kä nami khawihnah man ah khanpughi gui khawihnah ne a bii bi vai ah acun naw lam ning m’shüm gui khai nei. A pyen ah ng’thu gui cu a bä ah a kyak ung phi,