JEREMIAH 27:7 - Cho Bible Common Language 2016

⁷ Chang pakhui avan naw ani ah bii bik khai gui, ani ah pakhui angkiak nak vai kä a gawk law pha ah chuih, ani ah hta la atu gui ah bii cu ngami naw bik khai gui. Cun kawn ah ani ah pakhui naw huham mah ciah pakhui la dämduh ciah ghangpughang ah bii cu bik khai gui.

JEREMIAH 27:7 Referans Kwoze

JEREMIAH 52:31

Evilmerodak, Babilonia ghangpughang ah a kyak law kum, ani naw Judah ghangpughang Jehoiachin cu m’gein neta apha nak ungka hlawt ba ci. Cun ah a kyak cu Jehoirehin pha ne ami hteh püi kawn ah akum thumkip lei chih nak, a cha gha lei goi nak ah a hnüüp m’ku lei hma nak hnüüp ah kyak ci.

THU PHLAAN 16:19

Mang gawnu cu thum ah ng’pai ci. Khomdek ah khan ah mang gaw avan phi di yawp ci. Khanpughi naw Bibilon mang gaw cu shüm ba netah, a khap ung kaa, am lungshe nak ah sapyit tui cu awk sak ci.

THU PHLAAN 14:8

Akhnih nak ah khankho chang naw a hnu ah läk law netah, “Babilon gawnu di pyi ci nei! Di pyi ci nei! Ani naw ng’yaw ng’pawm nak ah kyak ciah yu cu chang ah hta avan-am tu pyi ci nei!” cine pyen ci.

HABAKKUK 2:7

Kä cun pha ung nangmi naw nami hmat ci, näng ciah chang gui nami mät nami pu om ci, Cun cu ang’ceet ah ning shang ba gui khai gui, alawn phi nami pek khai. Nami ga gui naw law ne ning ga gui khai gui, ning guttep gui khai gui.

ISAIAH 21:9

Ang ghit ah shin ung lawk ci gui nei! Se cun ciah chang gui, hnih ci hnih ci ah. Ngäng ci naw pyen lawkci, “Babilon cu zu ng’kia pyi ci nei! Ami khawihnah ah a gup gui avan cu hnget ne ng’kiam ne m’dek ung ng’zän ci gui nei.”

ISAIAH 13:1

Shin cu Babilon ah amawng thu ah kyak ci, Cun cu Amoz ah hta Isaiah naw khanpughi ung ka a gah ah kyak ci.

SAM 37:13

Cun ung phi Bawipa naw changshe cu gaih tuk ci. A i ah kyasei ci ung, ngami cu kä sho pha sei di khai gui ah ani naw hmat ci.

JEREMIAH 27:22

Cun gui cu Babilon ah hteh püi gui khai gui, cun gui cu kei naw ka m’htei güt ung acu ah om khai gui. Cun kawn ah ashi ah law püi ba gui ne, ashin ah hmun ung ka gim ba gui khai, kei, Bawipa naw ka pyen nei.”

JEREMIAH 34:1

Bawipa naw kei na ng’thu püi ci, cun cu Babilonia ghangpughang la agakap gui, changpakhui avan la pakhui gui ah gakap gui naw ng’düih püi u sei Jerusalem la a pei yung ah gawnu gui ami tuk law sanung ah kyak ci.

JEREMIAH 44:30

Kei naw Judah ghangpughang Zedekiah cu a ni ah ga, ani ngawn hlük ciah aga gui am ka apkhai.”

JEREMIAH 46:13

Egypt tuk khai ah Babilonia ghangpughang Nebukhadnezzar a law sangung Bawipa naw thu na pyen nak ci. Ani naw pyen ci,

DANIEL 2:37

Ka ghangpughang, nang cu ghangpughang gui avan ung na dämduh pikbäih ci nei. Khanpughi naw nang cu Uktubawi ah nin pyang ci, huham, m’gäi nak la m’tamkhah nak ning pek ci.

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.

HABAKKUK 2:8

Nangmi naw changpakhui akda nami guttep ci, tuhbäi om ba ci gui naw ning guttep tuba gui khai gui. Chang nami ngawn ah phäh la m’dek chang gui hnungtuk püi ne ami mang gaw gui nami m’shet ah phäh ah ning ci tuba gui khai gui.

EZEKIEL 30:24

Cun kawn ah kei naw Babilonia ghangpughang ah kut gui cu khüighat sak ne, ani ah kut ung ka khimsem cu ka tha pek khai. Cun ung phi kei naw Egypt ghangpughang ah kut gui cu ka cheiuh hnget khai, ani cu a ga gui ah ma ah ng’hlo ei ne sik khai.