JEREMIAH 27:6 - Cho Bible Common Language 2016

⁶ Babilonia ghangpughang ka changshäm, ghangpughang Nebukhadnezzar ah huham ka ah shin ah changpakhui gui avan tha cicu kei ah kyak ci, khisa gui naw phi ani ah bii ami vai ah kei naw ka bik ci.

JEREMIAH 27:6 Referans Kwoze

JEREMIAH 28:14

M’gäi ciah Bawipa, Israel khanpughi avan ah khan ah taih khai, Cun ung ngami naw Babilonia Ghangpughang Nebukhadnezzar ah bii bik khai gui. Bawipa naw pyen ci, khisa gui naw phi Nebukhadnezzar ah bii bik khai gui.”

JEREMIAH 25:9

‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 43:10

Na m’thein gui vai, Kei, M’gäi ciah Bawipa, Israel khanpughi ka changshäm Babilonia ghangpughang Nebukhadnezzar cu shin ah hmuh ung ka law pui khai, ani naw nang naw na k’phuh ah shin ah lung ah khan ah amang kiang tha ne, acun ah khan ah mang phung nu cu küm khai.

ISAIAH 44:28

Kei naw Sairus cu ka pyen nak ci, ‘Nang naw kei ah phäh ah na uk khai nei; Kei naw ka ning bi sak hlü cu nang naw na bik khai nei. Jerusalem cawh ba vai la Taigüim ah angnei k’süm vai ah, nang naw ng’thu nak’bäi vai nei.’”

JEREMIAH 24:1

Taigüim ah ma ah ami tha ah thei vawh goi cu Bawipa naw na m’hnuh ci. (Shin cu Babilonia ghangpughang Nebukhadnezzar naw Judah ghangpughang Jehoiakim ah hta Jehoiachin cu pha ne Jerusalem ah ka Babilonia ah, Judah ng’vai gui, shep pyang ci gui la bii k’bi gui mah ah a hteh püi gui kawn ah kyak ci.)

JEREMIAH 21:7

Cun ung phi nang, na bawi gui la ng’tuk nak, camisha la natnak ung ka k’pawih ba ci gui-nangmi nami van cu ghangpughang Nebukhadnezzar la ning ngawn hlü gui ciah nami ga gui am ka ning hnim sak gui khai. Nebukhadnezzar naw sih nak ning pe gui khai. Ani naw nangmi a u phi kä k’pawih nak khai, chimgein nak, chihna nak a u am phi kä m’dang khai, kei, Bawipa naw ka pyen ci.”

JEREMIAH 22:25

nang naw na kyih gui ah chang la nang ning ngawn hlük ci gui ah chang gui am ka ning pek khai. Kei naw nang cu Babilonia ghangpughang Nebukhadnezzar la a gakap gui am ka ning ap khai.

JEREMIAH 49:30

“Hazor chang gui, kei Bawipa naw ka ning m’cäi gui ci, ahei ah dawng ne ng’thup vä. Babilonia ghangpughang Nebukhadnezzar naw ning hnungtuk püi gui neta a pyen cu shin ah kyak ci:

EZEKIEL 29:12

Kei naw Egypt cu khomdek khan ung ak shiu pikbäih ah ka pyang khai. Khokum phlikip ung Egypt mang gaw gui cu di ne ng’zän khai gui, a hei mang gaw gui ah ta sheka pi khai gui. Kei naw Egypt chang gui cu geinvai chang ah ka pyang gui khai. Ngami cu akhopäng päng ung püipiang u ne, chang ah hei gui ah ng’lung ah om tuk khai gui.”

DANIEL 4:12

A hnah gui cu kyom ci, am theih gui cu a ghing ung be ci — khomdek khan avan ungka naw a ei vai ah ng’büh ci. A cun ah ang hnin ung khisa gui ng’yii ci gui, ang ban gui ung kha gui ng’bu tuk ci gui, ak ghing nici naw a cun ah m’theih cu ei ci gui.

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.

2 GHANGPUGHANG GUI 25:28

Evilmerodak naw ani cu akni ah om püi ci, ani naw Babilonia ung a om püi gui ah a hei omptu ghangpughang gui ah ta, däm pi ciah m’tamkhah nak cu pek ci.

2 SHONTÄP NAK 36:23

“Shin cu Persia uktubawi Sairus ah Thumkhän ah kyak ci. Bawipa Khankho ah Khanpughi naw khomdek khan avan uktu ah na pyang ci, ani naw, ani ah hmawk ah Jerusalem Judah khaw ung Taigüim cawh vai ah na täk ci nei. Tuhbäi, Khanpughi ah chang gui avan a cu ah hteit vä, Bawipa nami Khanpughi naw ning om püi gui khai nei.”

EZEKIEL 30:24

Cun kawn ah kei naw Babilonia ghangpughang ah kut gui cu khüighat sak ne, ani ah kut ung ka khimsem cu ka tha pek khai. Cun ung phi kei naw Egypt ghangpughang ah kut gui cu ka cheiuh hnget khai, ani cu a ga gui ah ma ah ng’hlo ei ne sik khai.