JEREMIAH 27:5 - Cho Bible Common Language 2016

⁵ “Dämduh ciah ka huham la ka thamah nak awn kei naw khomdek khan, changpakhui gui la khomdek khan ah om ciah khisa avan cu ka tüi pyang ci; cun cu kei naw ka ghü ah chang tumat mat am ka pek ci.

JEREMIAH 27:5 Referans Kwoze

JEREMIAH 51:15

Bawipa naw a huham awn khomdek cu pyang ci; A cüivai nak awn khomdek khan cu tüi pyang ne, Khankho cu ng’phiah sak ci.

JEREMIAH 32:17

“Uk ciah Bawipa, nang naw khomdek la khankhomik cu dämduh ciah na huham la na m’gäi nak awn na tüipiang ci; nang ah phäh ah a i phi kä khak ci.

DANIEL 4:17

Shin cu cimgang ne tengkhen ciah khanchang ah m’hnüt bäi ah kyak ci. Cun ah kyasei khaw päng ung chang nü am hmat sak vä, hlüngtai ciah Khanpughi cu hnicim chang ah uknak khaw avan ah khan ah a huham om ci nei. Ani naw ak yawpi ah chang pang phi ghü ne a cun ah huham cu pe hning ci nei.’

ISAIAH 45:12

Kei cu khomdek tüi pyang ciah ka kyak ci, a cun ung om ciah hmun ung chang phi ka tuisho ci. Ka huham awn khankho cu k’phiäh ne, hni, cha, aisi gui cu ka kut shum ci.

KOLOSE 1:16

Ani awn Khanpughi naw, khankho la khomdek ung om ciah ang tüi avan, hmuh thei la kä hmuh thei, mümcha hlüngtai nak gui, bawi gui, uknak gui la huhamah gui cu, tüisho ci. Khanpughi naw, khophlüt avan cu ani awn, ani ah hmawk ah tüisho ci.

ISAIAH 42:5

Khanpughi naw khankhaw cu tüipiang neta ng’phiat sak ci; Ani naw khomdek la a cun ung om ci avan cu pyang m’tham ci; Ani naw ghin nak la ng’ghi ghawk nak cu chang gui avan am pe gui ci. Tuhbäi Bawipa khanpughi naw a changshäm a pyen nak cu,

THU PHLAAN 4:11

“Kami Bawipa, Khanpughi, Nang naw ang tüi avan cu na tüisho ciah kyasei, Nang ah ng’yak hlü ah ang tüi cu ghing om ciah kya ci. Cun ah kyasei bühmang nak, küikyang nak, hlüngtai nak gui cu Nang awn khinkhaa ci nei” ci ne pyein ci gui.

HEBRU 1:2

Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.

LAMKTU 17:24

Khomdek la khomdek khan ah om ci nüng tüi pyang ciah Khanpughi cu, khomdek la khankho uk ciah Khanpughi ah kya ne, chang naw kut awn a pyan ah pum im ung kä om ci.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

ISAIAH 51:13

Nangmi ning pyang gui ci, khan khaw k’phiäh ci, khomdek ah angnei pyang ciah Bawipa cu nami m’hnih ne ma? Na’ng yawshe na gui ciah m’lungshe nak la ning m’di ge vai ci gui cu, a i ah kyasei ang däih ah nami kyih gui ang? Ngami ah m’lungshe nak naw kä ning tawn ba gui hlawt khai nei.

ISAIAH 48:13

Ka kut awn khomdek ah angnei gui cu pyan ne, khan kho cu ka ng’phiah sak ci. Kei naw khomdek la khan kho cu ka k’thäh ung ngami ang ghit ah law ne, ami mät naw ami mät m’dang lawk ci gui nei.

ISAIAH 44:24

“Kei cu Bawipa, nami Hunbawi nei; kei naw nangmi ka ning tüisho gui ci nei. Kei cu bawipa, apäng avan Tüisho ciah ka kyak ci nei. Kei ka mät bäng naw khan khaw cu ka k’phiaat ci nei; kei naw khomdek ka pyan yak ung a u naw kä na bawm ci nei.

EZRA 1:2

Shin cu Persia uktubawi Sairus ah thumkhän nei. Bawipa, Khankho ah Khanpughi naw m’dek ah khan avan ka uk vai ah na pyang ci nei. Judah khaw Jerusalem ung ani ah phäh ah Taigüim cawh vai ah bi vai na pek ci nei.

THULÄÄN NAK 2:7

“Nami bi nak päng ung Bawipa nami Khanpughi naw a i hlawk ah hriham a ning pek gui cu nami shüm ba vai. Shin ah ng’shawng ciah bung ung nami ng’vah yah ung ani naw ning m’htei gui ci. Shin ah khawkum phlikip ung ani naw ning om püi gui ci, nangmi naw nami ng’yak hlü päng nami gah ci.

SAM 102:25

Cau pui pui nang naw khomdek cu na tüisho ci, na mät ah kut awn khankho cu na pyang ci.

THULÄÄN NAK 32:8

A hlüngtai säih ah Khanpughi, ami khaw pe gui ä, ani naw chang gui ami omnak vai m’hnütbäi pe gui ci. Ani naw pakhui päng ung khan khaw chang tumat ci m’düih pe gui ci.

THULÄÄN NAK 9:29

Cun kawn ah mä shin gui cu na mät ah hmawk vai ah na ghü gui ah kyak ci nei. Dämduh ciah na huham la nam gäi nak awn Egypt khaw ah ka na law püi ba gui ah kyak ci nei.

THULÄÄN NAK 5:16

“Na nu la na pa na chang m’sui vai. Kei, Bawipa na Khanpughi naw ka ning thumkhän ci. Cun ung nang ung avan bä nak om khai. Kei naw ka ning pek ah khaw ung ghing shou ne na om khai.

THULÄÄN NAK 4:35

Bawipa naw shin cu ning hmuh sak gui ci, nami hmat vai cu, ani bäng Khanpughi om ci.

THULÄÄN NAK 4:32

“Ng’pyi pyi ciah a khin, kä nami ng’tüi nak pha ah akhin, khomdek khan ung Khanpughi naw chang a tüisho yah ah a khin gui cu shuiyap ba vä. A shin ah mäih ah dämduh ciah a mawng cu kya tu man ne ang? Shin ah mäih ah a mawng ng’ya tu man ciah chang om man ne ang?

THULÄÄN NAK 4:25

“Nangmi cu cun khaw ung akshou nu nami om law ung phi, nami hta nau, nami tu gui ada law ung phi, a i ah mäih ah phi nami mät ah phäh ah a gup pyang ne katnak kä nami bi en vai. Bawipa täng ah ka naw teng ung cun cu akshe ah kyak ci. Acun naw ani m’lungshe sak ci.

THULÄÄN NAK 4:17

khisa, käcung kha,

THULÄÄN NAK 2:21

Ngami cun phi Anakim gui hlawk ah dämsau ci gui. Ngami cu da ci gui, chün ciah pakhui ah kyak ci gui. Cun ung phi Bawipa naw m’di gui ci, Cun ah kyasei Ammonit gui naw ami khaw lak pe gui u ne om nak ci gui.

THULÄÄN NAK 2:19

Nangmi cu Lot ah htangshon gui Ammonit chang gui ah khaw awn nami ng’et khai. Kä nami yaica sak gui vai, ma ne kä nami ng’tuk püi gui vai, A i ah kyasei ci ung ngami am ka pek gui pyi ah khaw api phi nangmi am kä ka ning pe gui khai.”

THULÄÄN NAK 2:9

Bawipa naw ana pyen nak cu Lot ah htangshon gui, Moab chang gui kä nami yaica sak gui vai. Ma ne kä nami tuk en gui vai. Kei naw Ara mang gaw ka pe gui ci. Ngami ah khaw api phi kei naw nangmi am kä ka ning pe gui khai.”

PHYAWN NAK 20:11

Khaw hnüüp chuk ung kei Bawipa naw khomdek, khankho, tuinu la a päng avan ka tüisho ci, cun ung phi a hnüüp chih hnüüp ung ka ng’düm ci. Cun cu a i ah kyasei ci ung Kei, Bawipa naw kyiin hnüüp cu hrilham pe ne ka theingciim sak ci.

ATÜNNAK 9:6

Chang cu Khanpughi ah mäih ah a tüisho ah kyak ci. Cun ah kyasei chang awn cicu amät chang naw ngawn tuba khai.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

ATÜNNAK 1:25

Cun ah Khanpughi naw akghing avan cu tüisho neta, cun gui cu teng ne, yei ci.

SAM 96:5

Chang khuihei gui ah khanpughi gui cu, a gup gui ah kyak ci, cun ung phi Bawipa naw khankho cu tüisho ci.

JEREMIAH 27:4

M’gäi ciah Bawipa, Israel khanpughi naw, Bawipa ah pyen ah ng’thu cu ami ghangpughang gui am ami m’thein vai ah ng’thu ka m’khän vai ah na pyen nak ci;

DANIEL 4:25

Nang cu hnicim chang ungka ning täm khai gui, khisa gui awn ata’ng ah nami om khai. Nang cu khokum chih ung seipat ah mäih ah khumghaw na ei khai. Kho häu ung na ip khai, khüi naw ning book shi khai. Cun kawn ah hlüngtai ciah Khanpughi naw hnicim chang ah uknak khaw avan k’pang ne, a ghü ah chang am pe hning ci, cicu nang naw na ng’kyaa khai.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

PHYAWN NAK 6:6

Israel gui am ka pyen nak gui ah ng’thu cu m’thein gui vä, “Kei cu Bawipa nei, kei naw ka ning gung gui khai, Egypt gui ah changshäm ah nami kyak nak ungka, ka ning m’hlawt gui khai. Kei naw m’gäi ciah ka ban shäng ne, ngami ah khan ah kyih vai ah m’kyuk nak cu ka law püi khai, nangmi cu ka ning hun gui khai.

NEHEMIAH 9:22

“Nang naw na näng sak gui ci, ami pakhui khaw gui, uknak khaw gui, cun ah kho gui cu ami mät ah kho ung khogii ci gui. Sihon ah uk Heshbon khaw, Og ghangpughang ah uk ah Bashan khaw gui cu ngami naw khäm ci gui.

DANIEL 2:38

Ani naw nang cu m’dek khan avan uktu la khisa gui la kha gui uktu ah ning pyang ci, nang cu ghui lupum ah na kyak ci.

DANIEL 4:14

Ani naw ak aw m’caan ne a sha’u cu, ‘Sing ghing cu chu pit ne, ang ban gui chawm ne, a hnah gui ghu ne, am theih gui phiang yawp vä. A cun ah ka ung khisa gui la ang ban gui ung kha gui cu k’täm gui vä.

DANIEL 4:22

Ghangpughang aw, nang cu ng’shäi ne m’htungkhong ciah sing ghing ah na kyak ci. Nang dämduh ng’ghawtai ne khankho mik na han pha ci, nang ah huham naw khomdek khan avan küm ci nei.