JEREMIAH 27:13 - Cho Bible Common Language 2016

¹³ Ai ah kyasei nang la na chang gui cu ng’tuk nak, ei cawi nak la gawpyan nak awn nami sih ang. Cun cu Babilonia Ghangpughang ung kä ng’kiaa ciah pakhui ah khan ah kya lawk khai ah Bawipa naw a pyen ah kyak ci nei.

JEREMIAH 27:13 Referans Kwoze

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?

JEREMIAH 27:8

“Pakhui tumat mat, käcung uk nak khaw tumat mat naw ani ah uk nak cu kä a dou ah a kyak ung, Nebukhadnezzar am kä ka m’di sak yawp pha ung cun ah pakhui cu kei naw ng’tuk nak, ei cawi nak la natnak gui awn ka m’kyuk khai.

NG'THU K'THUUK~ 8:36

Kei kä na hmuk ciah chang cu a mät plah taam ciah kyak ci. Kei na thüi nak ciah chang cu sih nak m’hni ciah kyak ci.”

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

EZEKIEL 18:24

“Cun ung phi düng ciah chang naw akni abi nawng ne, Chang she gui ah bi ah akshe gui la shemshai ci gui cu abi ah a kyak ung ani cu ghing lä khai ang? Ka nei, ani akni abi phung kä shüm pet vai nei. Kä abekhüt nak la akat nak ah phäh ah ani cu sik khai nei.

EZEKIEL 14:21

Shin cu Uktu Bawipa ah a pyen ah kyak ci nei: “kei naw Jerusalem ah khan ah ak kaa pikbäih m’kyuk nak phli cu ka tüi lawk khai-cun gui cu ng’tuk nak, lei gai, khisa nget la gawp yam nak ah kyak ci-cun gui naw Chang gui la seime gui cu m’di khai gui.

JEREMIAH 38:20

Kei naw pyen ne, “Nang cu ngami am kä ning ap khai gui nei. Bawipa ah ng’thu na ngaih vai ah ka ning m’cäi ci nei; cun ung avan cu bä khai, nang ah ghin nak phi phyawng khai nei.

JEREMIAH 38:2

Kei naw ka m’then gui ah Bawipa naw a pyen ah ng’thu cu,” mang gawpyam nak ung sik khai. Cun ung phi akpung ah hteit ne Babilonian gui ah ma ah a kut chah ci phung cu kä ngawn khai gui; ngami cu ani hnun ghin nak läi cu phyawng khai gui”

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

JEREMIAH 17:4

Kei naw ka ning pek gui ah khaw cu nangmi naw nami m’lung si khai. Cun kawn ah kä nami hmat ah khaw ung nami ga gui ah bii nami bik khai ah kei naw ka ning bi gui khai, a i kyasei ci ung kei ah m’lungshe nak cu mei ah mäih ah kyak ci, cun naw khongtän ung ui khai nei.

JEREMIAH 38:23

Cun kawn ah kei naw m’khah ba ne, “Na hnumi gui la na htanau gui cu Babilonian gui naw hteh püi guikhai gui, na mät phi ngami ah kut ung kä na phyawng khai. Nang cu Babilonia ghangpughang naw pha ne ning hteh püi khai, shin ah mang gaw cu m’dek ung gawk khai ah m’khih khai gui.”