JEREMIAH 26:6 - Cho Bible Common Language 2016

⁶ Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

JEREMIAH 26:6 Referans Kwoze

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

2 GHANGPUGHANG GUI 22:19

Nang cu ng’yuu ba ne, kei ah ma ah na m’lung na ng’neim sak ci, kei naw Jerusalem la a chang gui, ka m’kyuk gui khai, cicu ng’ya neta na sui k’teek ne, na kyap ci. Kei naw cun cu kyihkyawk vai ah ka bik khai, shin ah hmun ah aming cu chang gui naw plah tam nak ah mang khai gui. Cun ung phi nangmi ah taigü cu kei naw ka ng’yak ci,

JEREMIAH 25:18

Jerusalem la Judah gawnu gui avan, ami ghangpughang gui la ami ng’vai gi awn atäng ah shin ungka awk sak gui vai, cun ung ngami cu teng ci gui naw ami kyihkyawk cäicat vai ah khonggau ah kyak khai gui. Cun ah kyasei chang gui naw ngami ah ming cu plah taam ah pyen ci gui — cun gui cu atuta phi kya tu lä ci.

ISAIAH 65:15

Kei naw ka ghü ah chang gui naw nang ah ming cu plah taam nak ah mang khai. Kei, Uktu Bawipa naw sih nak ka ning pe gui khai. Cun ung phi kei na ngai ciah chang am ming ak thai ka pek khai.

MALAKHI 4:6

Kei naw law ne nami khaw kä ka m’di vai ah, ani naw pa gui la ami hta gui cu kawng ät ba sak gui khai” cik ci.

DANIEL 9:11

Israel gui ami van naw na thukhän m’shet u ne, nang ah thu pyen ngaih vai ah mak ci gui nei. Keimi naw hmaka u ne kami ning hnungtuk püi ci, cun ah kyasei nang naw na chang shäm Mosesah thukhän ung guk ah mäih ah phyun tam nak cu keimi ah khan ah na law püi ci.

JEREMIAH 44:22

Atuh ngawi ung nami khaw cu di ne ng’zän sei, a cun ung a u kä om ci. Cun cu tengshe khai ah kya lawk ci, chang gui naw aming cu plah taam nak ah mang ci gui, a i ah kyasei ci ung nami cheishoh nak la akshe nami bi nak gui cu Bawipa na kä khan ba hning ci nei.

JEREMIAH 42:18

Bawipa, Israel khanpughi naw pyen ci, “Kei ah ka m’lungshe nak la ka nget ngawn nak naw Jerusalem chang gui a shawi gui ah mäih, Egypt ah nami hteh ung läi nami khan ah ka nget ngawng nak naw ning shawi gui khai nei. Nangmi ui a teng she ah nami kyak khai; Chang gui naw ning giah m’gin gui ne, nami ming cu plah taam nak ah mang khai gui. Nangmi naw shin ah hmun cu kä nami hmu tu ba khai.”

JEREMIAH 29:22

Babilonia ah ka Jerusalem ah pha ne ami hteh püi gui ah chang gui naw chang tumat mat ami plah tam hlüung, ngami naw, Babilon ghangpughang naw Zedekiah la Ahab cu ak ghing ah mei awn am khin goi ah mäih ah Bawipa naw ning ci sä!’ Cik khai gui!

ISAIAH 43:28

Ning uk ci gui naw ka theingcim hmun lelawi sak ci gui. Cun ah kiasei Israel gui m’di nak gui vai ka law püi ci; kei naw ka chang gui ami päipih vai ah ka kyak sak gui ci.”

JOSHUA 18:1

Ngami naw khaw tu ne ami khäm kawn ah Israel chang bum avan cu Shilon ung bum u neta, Bawipa ah om nak ah Phung co gi gui.

ZEKHARIAH 5:3

Cun kawn ah ani naw kei am, “Ca k’tom ung ng’phyun ca ami guk nei, cun cu khaw avan ung gawk ci. Vangtäng ung m’guk ei phung cu shin ah khaw ungka k’täm vai nei, ciah ng’gu ne, ahei vangtäng ung a hleei pyen ne ng’phyun ciah chang phung cu k’täm vai nei ciah ng’guk ci.

JEREMIAH 29:18

Kei naw ng’tuk nak, ei cawi nak la gaw pyam nak cu ami khan ah ka gawk sak khai. Khomdek khim ung changpakhui aran naw cun cu hmu neta kyikyawk khai gui. Kei naw ka püipiang sak nak gui päing ah, ngami ah khan ah kya lawk ci gui ah phäh ah chang gui cat a ne kyi aih khai gui. Chang gui naw Shedam na gui u ne ami ming cu plah taam nak ung mang khai gui.

NG’ÄI KYAH 2:15

Chang gui naw mang gaw ami kan yah ung, nangmi cu päipih ne ning teng gui ci gui, ngami cu ami lu tum ne, dishum ciah Jerusalem cu ngai tuk ci gui. Shin cu m’hni vai ah mang gaw ang? Shin cu khomdek khan ah yei nak vai ah kya ne ang?

NG’ÄI KYAH 2:16

Nami ga gui ami van naw ami ning thüi nak gui awn, ning päipih gui ne, ning kyim sak gui ci gui, ngami naw ami m’nei htui ne, ami hna htun neta, “Keimi naw kami m’di khai nei” cik ci gui. Shin cu kei naw kami k’äih nak ah kho hnüüp nei!”