JEREMIAH 26:4 - Cho Bible Common Language 2016

⁴ Bawipa naw chang gui ka pyen nak vai ah na m’thein ci, “Kei, Bawipa naw ka pyen cu, kei naw ka ning pek gui ah m’thei thang nak cu läk u ne, kei cu nami na ngaih vai,

JEREMIAH 26:4 Referans Kwoze

1 GHANGPUGHANG GUI 9:6

Cun ung phi nang, käcung na hta ng’shon gui naw kei kä na läk ba u ne, kei naw ka ning pek gui ah thukhän gui la thumkhän gui cu kä läk ba u ne, a hei khanpughi gui ami khawihnah ah a kyak ung,

JEREMIAH 44:10

cun ung phi tuh ngawi güt nami m’lung kä nami ng’neim sak ci nei. Nangmi naw kei kä na na mi na m’taam khah ci, kei naw nangmi la nami pupa gui am ka pek ah thu khan avan ah mäih ah kä nami om ci.

ISAIAH 1:20

Cun ung phi kei nami na lan ah akyak ung, nami khawmü sei nami sik khai. Kei, Bawipa naw ka pyen nei.”

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.

THULÄÄN NAK 31:20

Ami pupa gui ung shai ka tak ah mäih ah kei naw ngami cu ng’büh mang ne ang lei nik ciah khaw ung ka hteh püi gui khai. A cu ah ngami naw ami ng’zak hlü ah ei avan gah khai gui, ngami cu kyäp nep sei om khai gui. Cun ung phi ngami cu a hei ah ng’hlat ne a hei khanpughi gui khawihnah khai gui. Ngami naw kei cu na hnu ng’tuk püi u ne, ka thumkhän cu m’shet khai gui.

THULÄÄN NAK 11:32

tuhngawi kei naw ka ning pek gui ah thukhän gui avan nami läk vai ah nami cimgang vai.

THULÄÄN NAK 4:44

Moses naw Khanpughi ah thukhän gui cu Israel chang gui am pe gui ne m’theithang gui ci.

THULÄÄN NAK 4:8

A u ni pakhui, a i hlawk ah dämduh ci ung phi, tuhngawi kei naw ka ning m’thein gui ah mäih ah taga ciah thukhän gui cu kä om ci.

JEREMIAH 17:27

Cun ung phi ngami naw ka ng’thu ngai u ne, kyin hnüüp cu theingthap ciah hnüüp ah ami k’bäi vai. Ngami naw cun ah hnüüp ung Jerusalem m’kawt gui kan ne a i phuih phi kä ami phuih en vai, ami phuih ah a kyak ung Jerusalem m’kawt gui cu kei naw mei awn ka m’khih khai. Jerusalem mang im gui cu mei naw ui khai, cun ah mei cu a u naw kä m’sih hlawt khai.

JEREMIAH 22:5

Cun ung phi nangmi naw ka thumkhän cu kä nami läk ah a kyak ung, kei ka ng’taam ci nei, shin ah mang im cu ng’kia ne di khai nei. Kei Bawipa naw ka pyen nei.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.

JEREMIAH 44:23

Atuhbäi leigai cu nangmi ah khan ah lawk ci a i ah kyasei ci ung nangmi naw ahei khanpughi gui khawihnah u ne, ani ah thumkhän avan kä ngaih nak awn hnungtuk püi ne katnak nami bik ci” cik ci.

JEREMIAH 7:14

Cun ah kyasei Shilon ung ka bi amäih ah nangmi naw nami ngaih gep ah shin ah kamät ah Taigüim ung phi ka bik khai nei. Nami pupa gui la nangmi am ka ning pek gui ah shin ah hmun ung Shilon ung ka bi ah mäih ah ka bik khai.