JEREMIAH 26:3 - Cho Bible Common Language 2016

³ Chang gui naw na ngai u ne akshe ami bi cu ami nawng ah a kyak läi ung, cun ah mi bi ah a kyak ung, ngami naw akshe ami om ih gui ah phäh ah ngami ah khan ah ka law püi vai ah ka pawng püi ah m’di nak gui vai ah mawng ung kei naw ka m’lung ka m’thawng khai nei.”

JEREMIAH 26:3 Referans Kwoze

JEREMIAH 36:3

Ngami ah khan ah kei naw ka law püi vai ah ka pawng püi ah m’dishum nak gui avan cu Judah chang gui naw ami ng’yak ung, ami shetkat nak ungka ng’hlat tei law ba hman khai gui aw. Cun ung ami cheishoh nak la ami katnak gui cu kei naw ka m’geinsei gui khai.”

JONAH 4:2

Cun ah kei sei a taigü cu, “Bawipa, shin ah mawng cu im kä ka hteh taak pha ung ka pyen ciah kä kya ne ang? Shin cu nang ah bi vai ah kyak ci nei! Cun ah kyasei kei naw akni pi bi ne, Spain khaw ah ka dawng ci nei. Nang cu m’hni ci la m’gein ciah Khanpughi ah na kyak cu ka hmat ci. Ang täi sei m’lung gei ne, chimgein ne, angtäi sei na m’lung m’thawng ge ne, a u kä na m’kyuk ci nei.

JEREMIAH 36:7

Ngami cu Bawipa ah k’taigü u ne akshe ami bi nak ungka naw ng’hlat tei law hman khai gui, ciah kyasei ci ung Bawipa naw a chang gui cu kyih vai kyak ciah amlungshe nak la a nget nak awn om püi gui ci.”

1 GHANGPUGHANG GUI 21:29

“Ahab naw kei ah ma ah a i hlawk ah amlung ang neim sak cu nang naw na hmu ne ang? Ani cu cun ah kyak ci kyasei, ani a ghin yah ung ani ah khan ah kei naw leigai kä ka law püi khai nei; Ani ah a hta gui ah ghin yah ung Ahab ah kyongkhui ah khan ah kei naw leigai ka law püi khai nei.”

1 GHANGPUGHANG GUI 21:27

Elijah naw ng’thu a pyen yawp ung, Ahab naw a sui gui k’teek ne, suut ne, suishe gui sui ci. Ani cu ei kä ei ne, suishe awn ip ne, thüi nei ng’üüp ne hteit hton ci.

JEREMIAH 26:13

Nangmi naw nami om ih la nami bilawh gui cu nami m’thawng vai nei, Bawipa nami khanpughi cu nami ngaih vai nei. A cun ah nami bi ah a kyak ung nangmi ah khan ah alaw püi vai a pyen ah m’dii m’shum nak ah mawng ung ani naw am’lung m’thawng khai nei.

EZEKIEL 12:3

“Tuhbäi hnicim Chang, khüi kha Chang ah mäih ah htun kpi ä. Khaw kä amü pha ung tün ne hteitä. Nang naw shin nawng shüt ne a hmun hei ah na hteh cu chang nü naw ning hmu sä. Cun ah ng’küknet ci gui naw ning hmat u sä.

HOSEA 11:9

Kei naw ka m’lungshe nak awn kä ka ning m’kyuk gui khai. Kei naw Israel gui cu kä ka m’di ba gui khai. Kei cu Khanpughi ah ka kyak ci, chang ah kä ka kyak ci. Kei, theingcim ci naw ka ning om püi gui ci. Kei naw m’lungshe nak awn nangmi ah kä ka law ba khai.

JOEL 2:14

Bawipa nami Khanpughi naw amlung thawng ei hman khai bämang ciah geit kaw awn hriham ning pe gui khai nei. Cun ung nangmi naw htang la sapyit tui nami douthak hning khai.

JEREMIAH 26:19

Ghangpughang Hezekiah la Judah chang gui naw mikah cu sih nak kä pek ci gui. Cun nak vaisü ung Hezekiah naw Bawipa m’tamkhah ne, a hmawi ak kyang vai ah k’tha na ne bik ci. Cun kawn ah Bawipa naw ami khan ah leigai a law püi vai ah a pyen te cu ani naw amlung m’thawng ci. Tuhbäi mikmi naw mi mät ah khan ah kyih vai ah leigai cu mi law püi ci nei.”

EZEKIEL 18:21

“Avaisü ah changshe naw a katnak gui nawng ne, ka thukhän gui ak pan ung, düng ci la n ik ci abi ah a kyak ung ani cu kä sik khai; ani cu akcang ah ghing khai.