JEREMIAH 26:24 - Cho Bible Common Language 2016

²⁴ Cun ung phi kei cu Shapham ah hta Ahikam ah ng’düih püi nak ka gah ci kya neta kei cu chang gui naw ami na ngawn vai ah kä na ap ci gui.

JEREMIAH 26:24 Referans Kwoze

JEREMIAH 39:14

mang im kyong ung ah na hteh püi ci gui. Ngami naw Kedaliah, Ahikam ah hta, Shaphan ah tu naw na m’htei ne phyawng ne im ah ka gawk ba vai ah m’htei sak ci gui. Cun ah kyasei kei cu chang gui ah ng’lung ah ka om tuk ci.

1 GHANGPUGHANG GUI 18:4

Jezebela naw Bawipa ah prophet gui a ngawn gui yah ung Obadiah naw prophet phia cu la gui neta, hma kip ciah hnih ah k’pai gui ne, khui ung thup gui ci, tui ei phi pe gui ci.)

THU PHLAAN 12:16

Cun ung phi khomdek naw am gawng m’aan ne, shawk ah m’gawng ung lut lawk ciah tui avan cu m’yaw yawp netah hnuminu cu phiawn sak ci.

LAMKTU 27:43

Cun ung phi gaakap bawi naw Paul cu k’phiawn hlü netah, gaakap gui naw ami k’bäi ah mäih ah kä ami bi vai ah maa na gui netah, tui ng’väk thei ci gui cu, htinpaw ungka ng’phäi sak gui ne, kawng ah vah kai sak gui maa ci.

LAMKTU 23:10

Ami ng’cuhcan nak cu däm law pi k’täi khätah, gakap ng’vaipi naw Paul cu ami ngawnsheh law vai ah ng’ä netah, gaakap gui am Paul cu m’htei ne yung im kyong ah ami hteh püi ba vai ah pyein ci.

2 SHONTÄP NAK 34:20

shin ah thukbäi gui cu Hilkiah ni, Shaphan ah hta Ahikam ni, Mikaiah ah hta Abdon ni, yung ca guk ciah Shaphan ni la ghangpughang ngäng ciah Asaiah ni am pe gui ci.

2 GHANGPUGHANG GUI 25:22

Babilonia ghangpughang Nebukhadnezzar naw, Shaphan ah tu, Ahikam ah hta Kedaliah cu Judah khaw uktu ah tha ne, Babilonia ah kä ami hteh püi avan cu uk sak ci.

JEREMIAH 29:3

Kei naw ca cu Shapan ah hta Elasah la Hikiah ah hta Kemariah am ka pek goi nei, ngani cu Judah ghangpughang Zedekiah naw Babilonia ghangpughang Nebukhadnezzar ah atüih goi ah kyak ci. Awn naw a pyen cu:

JEREMIAH 36:10

Chang gui ami van naw ami ngaih sang ung, Baruk naw ca k’chaw ung om ci nü kei naw ka pyen nak phung cu phat ci. Ani naw cun cu Taigüim kyong, Shaphan ah hta Kemariah, yung secretary ah a khan ung abi ah kyak ci. Ani ah khan cu ak khan khan kyong Taigüim, m’kawt thai luh nak ah pei ung om ci.

JEREMIAH 36:11

Mikaiah, Kemariah hta, Shaphan ah tu naw la k’chaw ung Bawipa ah pyen gui Baruk naw a phat cu ng’yak ci.

JEREMIAH 36:12

Cun kawn ah ani cu Bawimang im ah kyong, yung secretary ah a khan, bawi gui ami van ah ng’bum nak ah hteit ci. Elishama yungbawi Shemaiah ah hta Delaiah, Achbor ah hta Elnathan, Shaphan ah hta Kemariah, Hananiah ah hta Zedekiah la bawi gui ami van cu a cu ah om ci gui.

JEREMIAH 36:19

Ngami naw ani pyen ah u ne, “Nang la Jeremiah cu hteit ne na ni ng’thuh vai. Nangni a hawi nani om cu a u naw kä a hmat en vai nei.”

JEREMIAH 36:26

Cun kawn ah ani naw ng’thukbäi ne, manghta Jerahmeela cu Azriel ah hta Seraiah la Abdeel ah hta Shelemiah awn atäng ah kei la ka secretary Baruk cu na pha gui khai ah tüi gui ci. Cun ung phi Bawipa naw keimi cu na thup gui ci.

EZEKIEL 8:11

A cun ung Israel gui ah ami ng’vai gui Chih kip om ci gui, Shaphan ah hta Jaazaniah mah ah kyak ci. A Chang sing naw tui ng’ui m’khih nak ah khawk cu kawt ci gui, tui ng’ui cu mei ah khu ci.