JEREMIAH 26:20 - Cho Bible Common Language 2016

²⁰ (Cun kawn ah ahei chang tumat om ba ci, ani cu she maiah hta Uriah kiriah Jearim ah ka ah kyak ci, ani naw Jeremiah ah mäih ah shin ah mang gaw la changpakhui cu hnungtuk ne Bawipa ah min gung thu pyen ci.

JEREMIAH 26:20 Referans Kwoze

1 SAMUEL 7:2

Thukhän M’küm cu Kiriah Jearim ung akshou om ci, kum ku om ci. Cun ah ah khui ung Israel chang gui ami van cu Bawipa naw am htei gui vai ah kyap ne taigü ci gui.

JOSHUA 9:17

Cun ah kyasei Israel chang gui naw tün ne hteit u ne, a hnüüp thum ung shin ah chang gui ah om nak ah mang gaw gui ah gawk ci gui. Cun gui cu Kibeon, Chephirah, Beeroth, la Kiriah Jearim ah kyak ci.

1 SAMUEL 6:21

Ngami naw Kiriah Jearim chang gui am ng’shä tüih ne ami pyen sak gui ci, “Philistin gui naw Bawipa ah Thukhän M’küm law püi ba ci gui nei, law ne la law vä” cik ci gui.

JOSHUA 18:14

Khogii cu vangtäng ung phi, shin ah khomhtung ah akhei täng ungka naw ahtum täng ah ng’hlat ne, Kiriah Baala (Kiriah Jearim) ung hteit ci, cun cu Judah pakhui ah khäm ah kyak ci. Shin cu akhei täng khogii ah kyak ci.

JOSHUA 15:60

Cun kawn ah Kiriath Baala (Käcug Kiriath Jearim) la Rabbah mang gaw hnih lawk ci, ami pei yung ah gawnu gui mah ah kyak ci.

JEREMIAH 2:30

Kei naw ka ning m’kyuk ci, cun ung phi cun cu kä nik ci; nami ng’düng vai ah kä nami n apian sak ci. Nget ciah phongkawng ah mäih ah nang naw na prophet gui cu na ngawn ci.

JEREMIAH 36:19

Ngami naw ani pyen ah u ne, “Nang la Jeremiah cu hteit ne na ni ng’thuh vai. Nangni a hawi nani om cu a u naw kä a hmat en vai nei.”

1 GHANGPUGHANG GUI 18:10

Na Khanpughi, ghing ciah Bawipa ung kei ka ng’tam ci nei, khaw ah ka, a khawpäng päng ung nang cu ghangpughang naw ning shui sä. Khawpäng uktu naw a khaw ung nang kä na om ciah a pyen law ba ah a kyak ung acun ah uktu naw nang kä a ning hmuh ah mawng angkhäntam vai ah Ahab naw k’thäh khai nei.

2 GHANGPUGHANG GUI 23:37

Jehoiakim naw a pupa gui ah bi läk ne Bawipa hnungtuk püi ne katnak bik ci.