JEREMIAH 26:2 - Cho Bible Common Language 2016

² Bawipa naw na pyen nak ci, “Taigü Im k’caw ung, ng’tüi neta, khawihnah khai gui ah Judah gaw nu gui ungka lawk ciah chang gui ah ma ah chang gui am na m’thein vai ah kei naw ka ning thumkhän avan cu na ng’shäu vai nei. Api phi kä na k’pawih nak vai nei.

JEREMIAH 26:2 Referans Kwoze

THULÄÄN NAK 4:2

Kei naw ka ning pek gui ah thukhän cu api phi kä nami khap vai, api phi kä nami khui vai. Kei naw ka ning pek gui ah Bawipa nami Khanpughi ah thumkhän cu nami läk vai.

LAMKTU 20:27

A i ah kyasei ci ung kei naw nangmi am Khanpughi ah ang yaak hlü cu ka ning m’thein gui pyi ah hmawk ah kya ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

JEREMIAH 19:14

Bawipa naw angthu ng’shäu nak vai ah ana tüih nak ah Topheth cu kei naw ka hteh tak ci. Kei naw Taigüim tung akyong täng ah hteit ne ng’düi neta,

JEREMIAH 1:17

Jeremiah, pawng ge ne omä; kei naw na pyen vai ah ka ning thumkhän avan cu hteit ne m’theun gui ä. Tuhbäi ngami kä kyih en gui ä, na kyih gui ah a kyak ung, ngami awn na om sang ang na kyi law pi khai ah kä ning pyang khai.

LAMKTU 20:20

Chang khli ah ng’lung ah phi bäi, nami im gui ah phi kyai, ka pyeinsak m’theithang ung, nangmi ah hmawk ah nik khai phung cu kä ka k’pawih na man ci.

LAMKTU 5:42

Ak hnüüp tä sei Taigüim gui lah chang gui ah im gui ung, Bawipa Jesuh cu Messiah ah a kyak ah mawng ng’thu ni cu pyän u ne, m’thei thang ba gäk gäk ci gui.

JOHAN 18:20

Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.

EZEKIEL 3:10

Khanpughi naw k’täi ne, “Hnicim Chang, kei naw ka ning m’thein gui phung cu geing na ne ngai ne na shüm ba vai nei.

JEREMIAH 36:10

Chang gui ami van naw ami ngaih sang ung, Baruk naw ca k’chaw ung om ci nü kei naw ka pyen nak phung cu phat ci. Ani naw cun cu Taigüim kyong, Shaphan ah hta Kemariah, yung secretary ah a khan ung abi ah kyak ci. Ani ah khan cu ak khan khan kyong Taigüim, m’kawt thai luh nak ah pei ung om ci.

JEREMIAH 23:28

Amang shek ciah prophet tumat naw mang cu mang nei cik khai, cun ung phi kei ah ng’thu ng’yak ciah prophet läi naw cun ah thu cu bekhüt ne ng’shäu khai nei. Htang awn m’tumtäng ung htang gong cu a i a ni nak om khai aw?

THULÄÄN NAK 12:32

“Ka ning thumkhän gui phung cu nami bi vai. Api awn phi kä nami m’khah vai, api phi kä nami lak vai.

THU PHLAAN 22:19

A u chang phi shin ah ca-uk ungka caciim heikpai tuk ciah chang cu, Khanpughi naw shin ah caciim ung guk ah ghin nak sing ah am theih ei nak hning la theingciim ciah mang gaw ung luh nak hning cu k’phleeng pek khai nei.

LAMKTU 5:25

Cun yak ung chang tumat gawk law netah,” Thawng ung nami chum gui ah chang gui cu Taigüim kyawng ah om ne, chang gui m’thei thang gui ci gui nei” cine m’thein law gui ci.

JOHAN 8:2

Cun ung phi Bawipa Jesuh läi cu Olive m’htung ah kai ci. A ngawi ung kho ngawi hta ah Taigüim ah hteit ba ne chang gui akda law u sei, ngo netah m’theithang gui ci.

LUKA 19:47

Bawipa Jesuh naw ak hnüüp tä Taigüim ah m’theithang gui ci. Cun ung phi taigü ng’vai gui, Thukhän saya gui la, Jew chang ng’vai gui naw Bawipa Jesuh cu, ami ngawn vai ah k’tha nak ci gui.

JEREMIAH 42:4

Kei naw m’shang gui ne, “Bä khai, Bawipa, mi khanpughi ah nami k’thäh ah mäih ah ka ning taigü pe gui khai, ani naw a pyen phung cu ka ning m’thein gui khai. A i phi nangmi am kä ka ning m’zih gui khai.” Ka cik ci.

THULÄÄN NAK 12:5

Nami pakhui gui avan ah khopäng ah akpung ahBawipa naw hmun tumat cu ghü khai, acun ung chang gui naw ama ah law ne khawihnah lawk khai gui.

JEREMIAH 7:27

“Cun ah kya sei, Jeremiah, nang naw shin ah ng’thu gui avan cu ka chang gui am na pyen nah gui khai, Cun ung phi nang cu kä ning ngai khai gui; nang naw na khü gui khai, cun un phi ngami naw kä ning m’shang khai gui.

EZEKIEL 33:7

“Tuhbäi hnicim chang, kei naw nang cu Israel pakhui ah gawkngäng ah ka ning pyang ci nei. Kei naw ka ning pek ah thukbäi gui cu nang naw na pek tuba gui vai.

EZEKIEL 40:4

Ani naw na pyen nak ci, “Hnicim chang, teng ä, kei naw ka ning m’hnuh phung geing na ne ngai ne, na m’htei kheng vai nei, a i ah kyasei ci ung acun vai ah phäh ah nangmi hmuh nü nü cu Israel chang gui am nami m’thein gui vai nei.

JOSHUA 8:35

Moses ah thumkhän gui nü cu Joshua naw chang bum van ah ma ah phat ci. Acun ung hnumi gui la a hmaw gui ni, ami ng’lung ah om tuk ciah khuihei chang gui mah ah om ci gui.

JEREMIAH 1:7

Cun ung phi Bawipa naw kei cu na pyen nak ci, “Nang na hmaw aih ciah kä pyen ä, kei naw ka ning tüih nak ah chang gui ah hteit ne, nang naw na pyen vai ah kei naw ka ning thum khän cu m’thein gui ä.

JEREMIAH 25:2

Kei naw Jerusalem la Judah chang avan cu ka pyen ah gui ci,

JEREMIAH 28:5

Taigüim ah ma ah ng’düi ciak chang gui avan ah ma ah kei naw Hananiah cu ka pyen nei.”