JEREMIAH 26:19 - Cho Bible Common Language 2016

¹⁹ Ghangpughang Hezekiah la Judah chang gui naw mikah cu sih nak kä pek ci gui. Cun nak vaisü ung Hezekiah naw Bawipa m’tamkhah ne, a hmawi ak kyang vai ah k’tha na ne bik ci. Cun kawn ah Bawipa naw ami khan ah leigai a law püi vai ah a pyen te cu ani naw amlung m’thawng ci. Tuhbäi mikmi naw mi mät ah khan ah kyih vai ah leigai cu mi law püi ci nei.”

JEREMIAH 26:19 Referans Kwoze

2 SAMUEL 24:16

Bawipa ah khanchang naw Jerusalem m’di khai ah pawng khäta, chang gui m’di nak vai ah mawng ung Bawipa naw am lung m’thawng neta, chang gui ngawn ciah khanchang am, “Ng’düm ä! Bä khai nei!” cik ci. Cun yah ung khanchang cu Jebusit chang Araunah htang khlang ung om ci.

PHYAWN NAK 32:14

Cun ah kyasei Bawipa naw am lung cu m’thawng ba ne, a chang gui khan ah a law püi vai ang ngaih ah kyih vai ah leigai cu kä law püi ci.

LAMKTU 5:39

Ngami ah ngaih-tüh bilawh gui cu, chang ah pawng püi ah a kyak ung maih ne ng’kawn khai nei, cung phi cun gui cu Khanpughi ah ngaih tüh bilawh gui ah a kyak ung, nangmi naw kä nami m’dimdap gui hlawt khai, nangmi cu Khanpughi nami hnung’tuk püi ciah kyak lawk khai nei” cine pyein ci gui.

ISAIAH 37:4

Assirian ghangpughang naw abawi ng’vaipu cu ghing ciah khanpughi gheettaap khai ah tüi ci. Bawipa nami khanpughi naw shin ah gheet nak su ng’ya neta, cun ah ng’thu ci gui cu m’kyuk sä. Cun ah kya sei, cun ah k’pawih ba ciah mi chang gui ah phäh ah khanpughi ah k’taigü vä.”

ISAIAH 37:1

Ghangpughang Hezekiah cu cun ah ng’thu ang yak vai am, thüi ne a sui gui k’teek ne, thüisui sui neta, Bawipa ah Taigüim ah hteit ci.

THU PHLAAN 16:6

Ngami naw Khanpughi ah chang gui la purofet gui ah si cu huk sak ci gui nei, cun ah kyasei ami awk vai ah si cu na peit gui ah kyak ci nei. Ngami cu ami bi ah mäih ah gah ba ci gui ah kyak ci nei” cine a pyein cu ka ng’yak ci.

MATTHE 23:35

Cun ah kyasei katnak kä bik ci gui ah Abel ung tün na, pum im la mamgkiang ah ng’lak ung nami ngawn ah Berachiah ah hta Zachariah ung khüt khai ah, nami ngawn gui ah hmawk ah shetkat nak nami gah khai.

HABAKKUK 2:10

Cun ung phi nami katnak naw nami kyong ning thui ng’aa sak gui ci. Chang ah pakhui akda nami m’di nak awn nami mät ah khan ah shetkat nak nami law püi ci.

JEREMIAH 44:7

“Cun ah kyasei kei, Bawipa, Israel khanpughi naw tuhbäi ka ning shi gui ci, a i ah kyasei nangmi naw shin ah akshe gui cu nami mät naw nami bi ang. Hnumi gui, pami gui, ak hmaw gui la naesen guiah Khan ah dishum nad nami law püi hlü ne ma, cun ung nami chang gui a u kä pawih ba khai nei?

JEREMIAH 26:15

Cun ung phi nami hmat vai cu, kei nami na ngawn ah a kyak ung, nangmi la shin ah mang gaw ung chang gui cu changni ngawn na phäh ah katnak gah khai gui, a i ah kyasei ci ung, shin ah thukhän ka ning pe gui khai ah kei cu Bawipa naw ana tüih law ah kyak ci.”

JEREMIAH 26:3

Chang gui naw na ngai u ne akshe ami bi cu ami nawng ah a kyak läi ung, cun ah mi bi ah a kyak ung, ngami naw akshe ami om ih gui ah phäh ah ngami ah khan ah ka law püi vai ah ka pawng püi ah m’di nak gui vai ah mawng ung kei naw ka m’lung ka m’thawng khai nei.”

ISAIAH 26:21

Bawipa cu khankho a om nak ung ka, khomdek chang gui ami kmakat ah phäh ah m’kat gui khai ah kyum lawk ci nei. Khomdek khan ung m’zih ne chang ngawn nak phung cu ng’dang ling khai nei, ami ngawn ah chang cu khomdek naw kä m’zih ba khai nei.

2 SHONTÄP NAK 34:21

“Nang mi hteit ne kei la Israel la Judah ung om ba ciah chang gui ah phäh ah Bawipa cu ng’shi thäh vä. Shin ah ca-uk ung mi ng’theithang ah mawng cu nami shui vai. Bawipa naw na m’lungshe na gui ci, a i ah kyasei ci ung mi pupa gui naw Bawipa ah ng’thu kä ngai ci gui, shin ah ca-uk naw bi vai a pyen cu kä bik ci gui.”

2 SHONTÄP NAK 32:20

Ghangpughang Hezekiah la Amoz ah hta prophet Isaiah cu Khanpughi naw am htei gui vai ah kyap ne taigü ci goi.

KHEI NAK 16:38

Cun gui cu Bawipa ah sonkiang ung pek ah kya ne, theingcim lawk ci gui. Cun ah kyasei ami katnak ah phäh ah sik ci gui ah ami mei khawk gui cu nami lak vai. Sonkiang küm nak vai ah khawk a läm hta gui ah sheh ne nami pyan vai. Cun ung Israel chang gui ah phäh ah ng’thu m’shi sho ah kyak ci.”

AMOS 7:3

Bawipa naw am lung m’thawng neta, “Na hmuh ah mäih ah kä kia hnga khai nei” cik ci.

ZEKHARIAH 7:2

Bethela chang gui naw Sharezer la Regemmelek la ami chang gui cu M’gäi ciah Bawipa ah Taigüim ah tüi goi ne Bawipa ah hriham ah hmawk ah taigü sak goi ci gui;