JEREMIAH 26:10 - Cho Bible Common Language 2016

¹⁰ Cun ah a kyak gui cu Judah ami ng’vai gui naw ng’ya u neta, ang ghit ah bawi mang ah im ungka Taigüim ah law u ne, m’kawt Thai Hmun ung ng’bum ci gui.

JEREMIAH 26:10 Referans Kwoze

JEREMIAH 36:10

Chang gui ami van naw ami ngaih sang ung, Baruk naw ca k’chaw ung om ci nü kei naw ka pyen nak phung cu phat ci. Ani naw cun cu Taigüim kyong, Shaphan ah hta Kemariah, yung secretary ah a khan ung abi ah kyak ci. Ani ah khan cu ak khan khan kyong Taigüim, m’kawt thai luh nak ah pei ung om ci.

EZEKIEL 22:27

Azozah bawi gui cu ami lawk ah khisa phyit ne k’teek ciah hnei ah mäih ah kyak ci gui. Ngami naw ami ng’mang nak vai ah chang ngawn ci gui.

EZEKIEL 22:6

Israel angvai gui ami van naw ami mät ah thagui ngaih u u ne ngawn sik ci gui.

JEREMIAH 36:25

Cun ung phi Elnathan, Delaiah la Kemariah ni naw ghangpughang naw ca k’chaw mei awn kä am khih vai ah ng’paa nak ci gui, cun ung phi ani naw a i ah kä sui gui ci.

JEREMIAH 26:24

Cun ung phi kei cu Shapham ah hta Ahikam ah ng’düih püi nak ka gah ci kya neta kei cu chang gui naw ami na ngawn vai ah kä na ap ci gui.

2 GHANGPUGHANG GUI 15:35

Cun ung phi khongyo khawihnah nak ah hmun gui cu kä phyek ci, chang gui naw khawihnah nak la tui ng’ui m’khih cu douthak lä ci gui. Taigüim ah a siiptäng m’kawt co cicu Jotham ah kyak ci.

JEREMIAH 26:21

Ghangpughang Jehoiakim, agakap gui la a bawi gui naw Uriah ah ng’thu pyen cu ng’ya u neta, ghangpughang naw ani ngawn vai ah k’tha nak ci. Cun ung phi Uriah naw cun cu ng’ya neta, kyi ne Egypt ah dawng ci.

JEREMIAH 34:10

Chang gui ami van la ami ng’vai gui naw ami khlei htein gui k’phiawn gui vai la khlei htan ah kä ci ba gui vai ah yum ci gui Ngami naw m’hlawt gui ci gui,

2 SHONTÄP NAK 27:3

Jotham naw Taigüim ah a siiptäng m’kawt cu co ne, Jerusalem area Ophela ah ami pyan nak ung ani naw mang pang ah khan ah m’shawng ne bik ci.

JEREMIAH 20:2

kei cu na that u neta, Taigüim akhan täng Benjamin m’kawt ung gui awn khit ne ami na k’pawn vai ah k’bäi ci.