JEREMIAH 25:9 - Cho Bible Common Language 2016

⁹ ‘Kei naw a siiptäng ah chang gui avan la ka changshäm Babilonia ghangpughang Nebukhadnezzar cu ka tüi lawk khai. Judah gui la khaw mah gui cu hnungtuk ne tu u ne, ami pei leng ah khochang pakhui avan hnungtuk khai gui cu kei naw ka law püi khai. Kei naw shin ah pakhui la a pei leng ung ka gui cu ka m’di lawk khai, khonglän ung dii khai ah ka nawng khai, hmuk ciah chang cu cäicat ne ng’hlet khai. Kei, Bawipa naw ka pyen nei.”

JEREMIAH 25:9 Referans Kwoze

JEREMIAH 18:16

Ngami naw shin ah khaw cu kyihkyawk vai kyak ci, angtäi sei päipih vai kyak khai ah pyang ci gui. Acun sun pah ciah chang avan cu cun ami hmuh ung vat yawp u ne; cäi ne ami lu tum khai gui.

JEREMIAH 1:15

a i ah kya seici ung a siiptäng ah ka changpakhui avan cu kei naw ka khü gui ci. Ami ghangpughang gui naw ami mang-kiang gui cu Jerusalem m’kawt gui la angveing paang gui, la a cun ah mäh ah ahei Judah mang gaw gui angveing gui ung cokyang ci gui.

ISAIAH 13:3

Bawipa naw m’tam ne ang ngaih gep ah gakap gui cu khü gui ci, theingciim ciah ng’tuk bi vai la am lungshe nak ah chang gui m’kyuk gui vai ah kyak ci.

JEREMIAH 43:10

Na m’thein gui vai, Kei, M’gäi ciah Bawipa, Israel khanpughi ka changshäm Babilonia ghangpughang Nebukhadnezzar cu shin ah hmuh ung ka law pui khai, ani naw nang naw na k’phuh ah shin ah lung ah khan ah amang kiang tha ne, acun ah khan ah mang phung nu cu küm khai.

JEREMIAH 24:9

Khomdek khan ah changpakhui avan naw ami kyihkyawk vai ah leigai cu ngami ah khan ah kei naw ka law püi khai. Chang gui naw züi sha gui khai gui, k’she na gui khai gui, gaih m’gin gui khai gui, kei naw ka püi pyang sak nak gui päng ah ami ming cu plah taam nak ah mang khai gui.

ISAIAH 44:28

Kei naw Sairus cu ka pyen nak ci, ‘Nang naw kei ah phäh ah na uk khai nei; Kei naw ka ning bi sak hlü cu nang naw na bik khai nei. Jerusalem cawh ba vai la Taigüim ah angnei k’süm vai ah, nang naw ng’thu nak’bäi vai nei.’”

ISAIAH 39:7

Namät ah htangshon ang lüng gui cun phi hteh püi u ne, Babilonia ghangpughang ah mang im ung hnumi shäw ah ng’bi sak khai gui.”

EZEKIEL 26:7

Uktu Bawipa naw pyen cu, “Kei naw avan ung ak dämduh pikbäih ah ghangpughang ka law püi khai — cun cu Babilonia ghangpughang Nebukhadnezzar — ani naw Tire cu tuk khai. Ani cu a siiptäng ah ka gakap akdäm awn lawk khai, ng’se gui, yatha gui la ng’se cuum ci gui.

JEREMIAH 40:2

Gabawi naw kei cu na khii hnga neta a pyen cu, “Bawipa na khanpughi naw shin ah khaw cu m’dikhai ah m’kyihkyawk ci,

JEREMIAH 8:16

Mi ga gui cu Dan mang gaw ung gawk law pyi cu gui; mikmi ngaw ami se gui ah ami gin cu mi ng’yak ci. Ami ng’se gui a viik law ung khi avan cu ng’thüng ci. Mi ga gui aw law u ne, mi khaw la cun ung om ciah ang nü, mi mang gaw gui la chang gui avan cu m’du cu gui.”

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

ISAIAH 10:5

Bawipa naw, “Assiria gui! Kei naw Assiria gui cu, kei naw ka m’lungshe nak gui m’kyuk nak gui vai ah thah htung ah ka mang gui ci nei.

NG'THU K'THUUK~ 21:1

Bawipa naw ghangpughang ah m’lung cu k’pang ci. Tui hta lawng alon sak ah mäih ah ani naw ayäi ah m’shum thein ci.

THULÄÄN NAK 28:37

Bawipa naw anik püi nak gui ah khaw ung nangmi ah khan ah gawk lawk ci gui ah phäh ah chang gui shemshai khai gui. Ngami naw ning gaih tu gui khai gui. Ning m’lepse khai gui.

2 SHONTÄP NAK 29:8

A shin ah phäh ah Bawipa cu Judah la Jerusalem ah khan ah m’lungshe neta, ngami ah khan ah abi gui naw chang nü cu kyihkyawk sak ne, ng’thüng sak ci. Cun cu nangmi naw nami hmat aih ci.

JEREMIAH 4:7

Ang thuh nak ah hmun ung ka lut lawk ciah phong kawng ah mäih ah, pakhui gui m’di khai cu lut lawk ci nei. Judah mang gaw gui cu dishum sei nawng vai nei, acun ung a u phi kä om ba khai nei.

JEREMIAH 10:22

Ngai vä! Ng’thu gawk lawk ci nei! A siip täng pakhui ung dämduh ciah ng’küknet nak ah kyak ci nei; Ani ah gakap gui naw Judah mang gaw gui cu sa-ui gui ah om nak ah hmun khaw ng’gau ah kyak sak khai gui nei.”

JEREMIAH 20:4

Bawipa a mät naw a pyen cu, “Kei naw nang cu na mät la na teih püi gui ung m’ghämce ciah ka ning pyan khai, ngami cu ami ga gui naw ami khimsem awn ngawn gui u sei nami hmu gui khai. Kei naw Judah chang gui avan cu Babilonia ghangpughang ah huham ka ung ka tha law gui khai; ani naw amshah cu pha ne akhaw ah hteh püi gui ne, amshah cu sih nak pe gui ci.

JEREMIAH 25:8

“Cun ah kya sei, nangmi naw kä nami ngaih ah phäh ah m’gäi ciah Bawipa naw pyen ci,

JEREMIAH 29:18

Kei naw ng’tuk nak, ei cawi nak la gaw pyam nak cu ami khan ah ka gawk sak khai. Khomdek khim ung changpakhui aran naw cun cu hmu neta kyikyawk khai gui. Kei naw ka püipiang sak nak gui päing ah, ngami ah khan ah kya lawk ci gui ah phäh ah chang gui cat a ne kyi aih khai gui. Chang gui naw Shedam na gui u ne ami ming cu plah taam nak ung mang khai gui.

JEREMIAH 36:2

Ca k’chaw cu la neta Israel la Judah ni, pakhui avan ah mawng kei naw ka ning m’thein gui cu na guk vai. Josiah ghangpughang ah a kyak law yah ung ak htük ah kei naw ka ning thu püi ah a khin ung tün ne tuk bäi ung khüt ciah kei naw ka ning m’thein gui nü nü cu na guk vai.

JEREMIAH 36:29

Bawipa naw ghangpughang ka pyen nak vai ah ana m’thein cu “Nang naw ca k’chaw na m’khih ci, a i ah kyasei Babilonia ghangpughang naw law ne, shin ah khaw cu m’di ne, cun ung chang gui la khisa gui cu ngawn gui khai, cine a guk ah Jeremiah cu na ng’shik ci.

EZEKIEL 12:20

Tuhbäi Chang gui naw be ne ami om nak ah mang gaw gui cu di khai gui, khopäng cu ng’kiang de ah kyak khai. Cun ung ngami naw kei cu Bawipa ah nah mat khai gui.”

EZEKIEL 36:5

“Kei, uktu Bawipa naw, angveing ung pakhui gui la aktung pi ah Edom cu hnungtuk püi ne, ka m’lungshe nak ak hlüngpi awn ng’thu ka pyen ci nei. Ngami naw yeikyai nak la khokätä nak awn kei ah khaw cu tu ne khäm u ne, ka khaw la khulim khaw gui phi kaa nak ci gui nei.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

2 GHANGPUGHANG GUI 24:2

Bawipa naw abi law vai ah a changshäm prophet gui ung a pyen ah mäih ah, Babilonian, Sirian, Moabit la Ammonit gakap gui cu Judah m’di khai gui ah tüi gui ci.

2 SHONTÄP NAK 36:21

Cun ah kyasei cun cu Bawipa naw prophet Jeremiah ung ng’cängbang nak a pyen ah kümbe nak ah kyak ci: “Kho ng’lei cu khokum chih kip ung shiü khai nei, cun cu kyiin hnüüp ung düm vaisü te, kä bi ah phäh ah kyak khai nei.

JEREMIAH 1:14

Ani naw na pyen ma ne, “A siip täng ah ka dishum nak cu shin ah khaw ung om ciah avan ah khan ah gawk lawk khai nei,

JEREMIAH 2:15

Ngami naw phongkawng ah mäh ah m’ngaw shi ci gui; ani ah kho cu khong gau ah kyak khai ah cikci gui, ani ah gaw nu gui cu di ne ng’zän ci, nawng lüng vai ah kyak ci.

JEREMIAH 12:14

Bawipa naw pyen ci, “ka chang Israel gui am ka pek gui ah khaw m’di ci gui ah Israel gui ah pei leng ah ka gui am kei naw ka pyen nak gui vai amawng om ci. Sing ghing ang yung ah mawih ah mäih ah cun ah changshe gui cu kei naw ami khaw ungka ka la gui khai, kei naw Judah gui cu ngami ungka ka gung gui khai.

JEREMIAH 35:11

Cun ung phi Ghangpughang Nebuchadnezzar naw mi khawpäng a tuk law yah ung, Babilonian la Sirian gakap gui phiawn nak ah Jerusalem ah hteh vai ah kami k’bäi ci. Cun ah kyasei keimi Jerusalem ung kami om ah kyak ci.”

JEREMIAH 46:20

Egypt cu plan ciah seipat ah mäih ah kyak ci, a siiptäng ah ka k’pi gui naw tu lawk ci gui nei.

JEREMIAH 49:19

Jordan lawng yung bungpuk sing hmu, khu m’kim ung ka lut lawk ciah phong kawng ah mäih ah kei cu law neta, Edomit gui ami khaw ungka ang ghit ah dawng khai gui ah ka ci gui khai. Cun kawn ah kei naw ka ghü ah ang vai gui naw pakhui cu uk khai gui. Kei awn m’täng vai a u om khai ang? Kei na ng’küknet püi khai a u om khai ang? A u uktu naw kei na hnungtuk püi hning khai ang?

EZEKIEL 16:40

“Ngami naw Chang bum cu m’tholet u sei, lung awn ning vawi u ne, ami khimsem awn ning tu pit pit khai gui.

EZEKIEL 21:11

Khimsem cu m’tui pyi nei, mang ge vai ah m’hnüt pyi nei. Cun cu k’tah pyi ne, m’tui pyi neta ngawn sheh ci gui ah kut ung tha vai nei.

HABAKKUK 1:12

Bawipa, nang cu a htük ge ung Khanpughi ah na kyak ci. Nang cu ka Khanpughi, ng’ciim ne angtäi ah na ghing ci, Bawipa, ka Khanpughi la ka ng’yii nak, nang naw Babilonian gui cu ghü gui ne, na k’thamah sak gui ci. Cun ah kia nei keimi na m’kyuk gui ci gui.

HABAKKUK 1:17

Ngami naw ami khim kawt lä ne, chang ah hta avan cu kä m’gein ne m’di lä khai gui ma?