JEREMIAH 25:6 - Cho Bible Common Language 2016

⁶ Nangmi naw ahei khanpughi gui kä nami khawihnah vai la aloii kä nami bi vai, nami mät ah pyan ah a gup gui khawihnah nak awn Bawipa kä nami m’lungshe sak vai ah ning m’thein gui ci gui, cun ung ani naw kä ning m’kyuk gui khai.

JEREMIAH 25:6 Referans Kwoze

THULÄÄN NAK 8:19

Bawipa nami Khanpughi cu kä nami m’hnih vai, ahei khanpughi gui täng ah ng’hlat ne kä nami khawihnah tu vai, acun ah bii phi kä nami bi tu vai. Cun ah nami bi ah a kyak ung kei naw tuhngawi ka ning m’cäi gui cu, nangmi cu akcang ah nami di khai.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 7:6

Chang hei gui, hmei hta gui, hmei ne gui ah khan ah kä nami ei hlü mang k’phya vai. A hei khanpughi gui khawihnah nak cu nami m’düm vai, a i ah kyasei ci ung acun naw nung m’di gui khai.

2 GHANGPUGHANG GUI 17:35

Bawipa naw ngami awn thukhän bi ne, ng’thukbäi gui ci: “A hei Khanpughi gui kä nami khawihnah vai; ngami ah ma ah kä nami kawp vai, ngami ah bii kä nami bi vai, khawihnah nak phi kä nami douthak vai.

THULÄÄN NAK 6:14

Ahei khanpughi kä nami khawihnah vai. Nami peileng ah om c iah chang gui ah khanpughi kä nami khawihnah tu vai.

JEREMIAH 7:9

Nami m’guk cu, chang nami nawn ci, hleei ne nami ng’gun hta ci, chang ah chu hta nami kat püi ci, Baala am nami khawihnah douthak ci, yän ä kä nami hmat ah khanpughi gui nami khawihnah ci.

1 GHANGPUGHANG GUI 14:22

Judah chang gui cu Bawipa hnungtuk püi ne hmakak ci gui, ngami naw ami pupa gui ah bi avan ah ta kaa pi ne Bawipa m’lungshe sak ne hnungtuk püi gui khai ah bik ci gui.

JOSHUA 24:20

nangmi naw a khaw hei khanpughi gui khawihnah vai a, ani nami hteh tak ah a kyak ung, ani naw ng’hlat ne ning hnungtuk püi gui khai, ning m’kyuk gui khai. Ani cu yanä nangmi ung ani man pang ung phi, ani naw ning m’di gui khai.”

THULÄÄN NAK 28:14

Cun ung phi nangmi naw a i ung phi, ang thu kä läk ne kä nami om vai. A hei khanpughi gui kä nami khawihnah vai, abi kä nami bi vai.

THULÄÄN NAK 13:2

Kä nami khawihnah man ah khanpughi gui khawihnah ne a bii bi vai ah acun naw lam ning m’shüm gui khai nei. A pyen ah ng’thu gui cu a bä ah a kyak ung phi,

PHYAWN NAK 20:23

Kei awn m’cawih ne khawihnah vai ah nami mät ah phäh ah ghui, ngui awn khanpughi kä nami pyan vai.

PHYAWN NAK 20:3

Kei ah kawn ah a hei khanpughi kä nami khawihnah vai.

JEREMIAH 44:8

Nangmi naw law ne nami om nak ah shin ah Egypt khaw ung agup gui khawihnah ne, ahei khanpughi gui am khawihniah na douthkne nami kyak nak awn a i ah kyasei kei nami na m’lungshe sak ang? Nangmi naw shin nami bi nak awn nami mät naw nami mät nami m’di ne ang, cun ah kyasei m’dek khan ah om ciah pakhui päng naw ning gaih tu gui ne nami ming cu plah taam nak ah mang khai gui nei?

HOSEA 1:7

Cun ung phi Judah chang gui ah khan ah kei naw ka m’hni nak ka m’dang khai. Kei, Bawipa ami na Khanpughi naw, ka hun gui khai, cun ung phi ng’tuk nak — Khim, li, m’la la ng’se ng’cum ciah chang gui awn kä ka bik khai.”

JEREMIAH 32:30

Israel chang gui la Judah chang gui ah ami shonlam ava tüi nak ge ung tün ne ngami naw kü na yei na u ne, ami bilawh gui awn kei cu nam lungshe sak ci gui.

JEREMIAH 44:7

“Cun ah kyasei kei, Bawipa, Israel khanpughi naw tuhbäi ka ning shi gui ci, a i ah kyasei nangmi naw shin ah akshe gui cu nami mät naw nami bi ang. Hnumi gui, pami gui, ak hmaw gui la naesen guiah Khan ah dishum nad nami law püi hlü ne ma, cun ung nami chang gui a u kä pawih ba khai nei?