JEREMIAH 25:5 - Cho Bible Common Language 2016

⁵ Akshe ah nami ghin nak la akshe gui nami bi nak ungka nami ng’hlah law ba vai ah ngami naw ning m’thein gui ci gui, cun ah kyasei Bawipa naw nangmi la nami pupa gui am ngawi yä nami kaa nak vai ah aning pek gui ah kho ung nami om khai nei.

JEREMIAH 25:5 Referans Kwoze

JEREMIAH 7:7

Nangmi nami ng’thawng ah a kyak ung, kei naw shin ah khi ung ka ning om sak gui khai. Shin cu nami pupa gui am khongläu ung ami kaa nak vai ah ka pek gui ah kyak ci.

JEREMIAH 17:25

Cun kawn ah ami ghangpughang gui la ami manghta gui cu Jerusalem m’kawt gui un glut lang khai gui, ngami cu Judah la Jerusalem chang gui awn atäng ah yatha gui la ng’se gui awn be khai. Jerusalem mang gaw cu angtäi sei chang gui awn be khai.

ATÜNNAK 17:8

Tuhbäi khin ah kya ne na om nak ah shin ah khaw cu nang la na htangshon am ka ning ap khai. Kanaan khaw avan cu na htangshon naw angtäi sei khäm khai gui, kei cu ngami ah Khanpughi ah ka kyak khai.

EZEKIEL 18:30

“Tuhbäi, kei, uktu Bawipa naw ka ning m’thein gui ci, Israel gui, nangmi a chang sing cu, kei naw amät ah bi phäh phäh awn ka ning m’kyuk gui khai. Nami bilawk ah akshe avan ungka ng’hlat law ba vä, name katnak naw kä ning m’di en gui sä.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 18:11

Tuhbäi Judah la Jerusalem chang gui cu m’thein gui vä, kei naw ngami hnung tuk püi ne ka pawng m’htein ci, ngami ka m’kyuk gui khai ah ka om ge ci. M’thein gui vä, shekha ne ami ghin om nak ami ng’düm vai nei-ami law ami m’thawng vai, ami bi bi lawh ami m’thawng vai.

LAMKTU 26:20

Damaskas ung tün ne, Jerusalem, Judea kho avan ung la chang pakhui hei gui am, “Ami katnak ung ng’yu ba ne, Khanpughi ah ami ng’hlah law ba vai la ng’yu pyi ciah chang ah mäih ah ami om ih gui vai cu, m’thein gui ne, ng’thu ka pyein ci nei.

EZEKIEL 33:11

M’thein gui vä, akcang ah kei, uktu Bawipa, Ghing ciah Khanpughi cu, katnak bik ciah chang a sih ka hmuh ung kä ka yei ci nei. Katnak nawng ne ghing ci va kei naw ka hmu hlük ci nei. Israel gui, akshe gui nami bi cu m’düm vä. A i ah kyasei nami sih hlü ang?

SAM 37:27

Akshe nawng ne, akni bi vä, nami hta ng’shon cu angtäi sei ng’dü khaw ung om khai gui nei;

SAM 139:24

Kei ung akshe a pi hta a om ung phi na hmuh peä, angtäi ghin nak ah lam cu na m’shüm ä!

ISAIAH 1:16

Nami mät naw nami mät htaih khai ah m’si vä kei naw ka ning hmuh gui ah nami bi ah akshe avan cu düm sak vä. Ä, akshe bi cu ng’düm sak ne.

JEREMIAH 4:1

Bawipa naw pyen ci, “Israel chang gui, nami ng’hlah law ba hlü ah a kyak ung, kei ah ng’hlat law ba vä. Nangmi cu kei ung bekhüt ne, kei naw ka thüi nak ah a gup gui nami plon ah a kyak ung,

HOSEA 1:7

Cun ung phi Judah chang gui ah khan ah kei naw ka m’hni nak ka m’dang khai. Kei, Bawipa ami na Khanpughi naw, ka hun gui khai, cun ung phi ng’tuk nak — Khim, li, m’la la ng’se ng’cum ciah chang gui awn kä ka bik khai.”