JEREMIAH 25:4 - Cho Bible Common Language 2016

⁴ Bawipa naw a changshäm prophet gui k’täi ne ning tüih law gui sei phi nangmi naw kä nami ngai ci, a i ah kä nami sui ci.

JEREMIAH 25:4 Referans Kwoze

JEREMIAH 25:3

“Amon ah hta Josiah Judah ghangpughang ah a kyak nak akum gha lei thum ungka naw kum m’ku lei thum ung, atuh ngawi ung khüt sei, Bawipa naw na ng’thu püi ci, ani naw a pyen phung cu kä hnam ne ka ning m’thein gui ci, cun ung phi nangmi naw a i ah kä nami ngai ci.

JEREMIAH 26:5

Kei naw nangmi am ka ning tüih law gui ah ka changshäm prophet gui ah ng’thu cu nami ngaih nak vai. Ngami ah pyen cu nangmi naw kä nami ngai phung ci.

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

JEREMIAH 36:31

Kei naw nang, na htangshon gui la na bawi gui cu ka m’kyuk gui khai, a i ah kyasei ci ung cun cu nami van ch katnak ah phäh ah kyak ci. Nang la Jerusalem la Judah ung chang gui naw kei ah thukbäi cu a i ah kä nami sui ci gui. Cun ah kyasei nangmi ka ning m’kyin nak gui ah leigai cu nami van ah khan ah ka law püi khai.”

JEREMIAH 32:33

Ngami naw kei na hnu nak ci gui; Cunung phi kei naw ka m’theithang gui ci, ngami naw kä ngai ci gui, kä ng’thei ci gui.

JEREMIAH 29:19

Shin gui cu ngami ah khan ah kya lawk khai a i ah kyasei ci ung ka Changshäm prophet gui ung kei naw k’pang ne ka pek hui ah ng’thu cu ngami naw kä läk ci gui. Ngami naw ami ngaih vai ah mak ci gui.

JEREMIAH 22:21

Nami bühmang yah ung Bawipa naw ning thu püi gui ci, cun ung phi nangmi naw ma ne kä nami ngai ci. Nangmi cu nami ghin ah chuih acun ah nami kyak ci; Bawipa cu kä nami läk phung ci.

JEREMIAH 19:15

m’gäi ciah Bawipa, Israel khanpughi naw ana pyen sak cu chang avan am ka m’thein gui ci. Kei naw ka pyen cu, “kei naw shin ah mang gaw la a pei yung ah gaw nu nü ah khan ah kei naw ka bi vai ah ka pyen ah m’kyuk nak avan cu ka law püi khai, a i ah kyasei ci ung nangmi cu nami m’lung liing sei kei ah ng’thu kä nami ngaih ah phäh ah kyak ci.

JEREMIAH 18:12

Ngami naw pyen tuba u ne, “Ka nei, a i ah kyasei kami ng’thawng vai? Keimi cu kami kyak hlü ah m’lung liing ne, akshe bi ne kami om khai nei.”

JEREMIAH 17:23

Ami pupa gui naw kei ah ng’thu kä ngai ci gui, kei a i ah kä na ngai ci gui. Cun nak vaisü ung ngami cu ami m’lung liing ci; ngami naw kei ah ng’thu kä ngai ci gui, kei ah kä ng’thei thang lawk ci gui.

JEREMIAH 16:12

Cun ung phi nangmi naw nami pupa gui ah ta kapi khai ah nami bik ci nei. Nangmi nami van cu nami m’lung ling ne nami shekhak ci, kei kä na mi na ngai ci.

JEREMIAH 25:7

Cun ung phi ani nami ngaih vai ah nami maa ah pyen ne ani amät naw pyen ci, cun nak vaisü ung agup gui awn ani cu m’lungshe sak u ne, nami khan ah ani ah m’kyuk nak cu nami mät naw nami law püi ci.

2 SHONTÄP NAK 33:10

Bawipa naw Manasseh la a chang gui cu thukbäi gui sei phi ngami naw ma u ne, kä ngai ci gui.

JEREMIAH 6:17

Phyung heng tum ngäng ne ngai khai ah chang tumat cu Bawipa naw m’düih ci. Cun ung phi ngami naw, “kä kami ngai khai nei” cik ci gui.

2 SHONTÄP NAK 24:19

Bawipa naw prophet gui tüi ne ani ah ami law ba vai ah m’cäi gui ci, cun ung phi chang gui naw ami ngaih vai ah mak ci gui.

ZEKHARIAH 1:4

Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.