JEREMIAH 25:3 - Cho Bible Common Language 2016

³ “Amon ah hta Josiah Judah ghangpughang ah a kyak nak akum gha lei thum ungka naw kum m’ku lei thum ung, atuh ngawi ung khüt sei, Bawipa naw na ng’thu püi ci, ani naw a pyen phung cu kä hnam ne ka ning m’thein gui ci, cun ung phi nangmi naw a i ah kä nami ngai ci.

JEREMIAH 25:3 Referans Kwoze

JEREMIAH 26:5

Kei naw nangmi am ka ning tüih law gui ah ka changshäm prophet gui ah ng’thu cu nami ngaih nak vai. Ngami ah pyen cu nangmi naw kä nami ngai phung ci.

JEREMIAH 11:7

Kei naw Egypt ah ka ami pupa gui ka law püi ba gui sangung kei naw ami na ngaih vai ah akni ah m’cäi gui ne, kei naw acun ah hnüüp güt ung chang gui m’cäi gui ne ka k’paang gui ci.

JEREMIAH 1:2

Amon ah hta Josiah, Judah ghangpughang ah a kyak nak, akum gha lei thum nak ung Bawipa naw Jeremiah am ng’thu pyen ci.

JEREMIAH 7:13

Nangmi naw shin ah katnak gui avan nami bik ci, kei naw leng ba ba ne ning thu püi gui ngä sei phi ma ne kä nami ngai ci. Kei naw ka ning khü gui ung nangmi naw kä nami m’shang ci.

JEREMIAH 29:19

Shin gui cu ngami ah khan ah kya lawk khai a i ah kyasei ci ung ka Changshäm prophet gui ung kei naw k’pang ne ka pek hui ah ng’thu cu ngami naw kä läk ci gui. Ngami naw ami ngaih vai ah mak ci gui.

2 SHONTÄP NAK 34:8

A uknak a kum gha lei cheit nak ung, ani naw khogam khawihnah nak ng’pyi sak ne, kho avan la Taigüim cu theingthap sak awn ah, ghangpughang Josiah naw Bawipa Khanpughi ah Taigüim pyang ba khai ah chang thum tüi gui ci: cun gui cu Azaliah ah hta Shaphan, Maaseiah, Jerusalem uktu la Joahaz ah hta Joah, bawi angvai ah kyak ci.

2 SHONTÄP NAK 34:3

Josiah cu a khokum kum cheit ung ghangpughang ah kya lawk ci kya ne hmaw sang ci, ani naw apughi David Ghangpughang ah Khanpughi cu tün ne khawihnah ci. Kum phli a lüng kawn ah ani naw tün ne, khogam khawihnah nak ah hmun gui, Khanpughinu Asherah ah a gup gui, la a hei a gup gui avan cu m’di yawp ci.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

JOHAN 8:47

Khanpughi ungka lawk ci naw Khanpughi ah thu ngai ci, nangmi cu Khanpughi ungka kä nami lawk ciah kya ne, ani ah ng’thu cu kä nami ngai ci” ci na gui ci.

JOHAN 8:2

Cun ung phi Bawipa Jesuh läi cu Olive m’htung ah kai ci. A ngawi ung kho ngawi hta ah Taigüim ah hteit ba ne chang gui akda law u sei, ngo netah m’theithang gui ci.

MAKUH 1:35

A ngawi ung khongawi kho thai ghi ghi sei, Bawipa Jesuh cu tho ne lut law ne, a ding gei nak ah hteit ne taigü ci.

JEREMIAH 44:4

Kei naw ka changshäm gui prophet gui cu ka ning tüih lawk ci, ngami naw shnah kyihkyawk vai kyak cikei naw ka thüi nak gui cu kä nami bi vai ah ning m’thein gui ci.

JEREMIAH 35:15

Kei naw k’täi ne ka changshäm prophet gui avan ka ning tüih law gui ci, ngami naw akshe ah nami htet nak nawng ne ng’düng ci nami loi vae ah ning m’thein gui ci gui. Ngami naw ahei khanpughi gui kä sei nangmi cu nangmi la nami pupa gui am ka pek ah khaw ung hteit ne nami om.” Cun ung phi nangmi naw kä nami na ngai ci, ai ah kä na nami sui ci.

JEREMIAH 25:4

Bawipa naw a changshäm prophet gui k’täi ne ning tüih law gui sei phi nangmi naw kä nami ngai ci, a i ah kä nami sui ci.

ISAIAH 55:2

Phü m’ghüm vai ah kä kyak ci ung, a i ah kyasei ngui na mang ang? Na ng’cheng chuh cu mang neta, a i ah kyasei, ei na cawi lä ang? Kei cu na ngai ä, kei ah pyen ah bilo ä, cun ung ei ak ni pi ei ne na yeikyai khai nei.

SAM 81:13

Ka chang gui naw ami na ngaih vai ka m’hni aih ci; ami na läk vai phi ka m’hni aih ci nei!

1 GHANGPUGHANG GUI 22:3

Ahab naw a bawi gui ng’shi gui ci, “A i ah kyasei Kilead khaw Ramoth gawnu cu Siria ghangpughang ah kut ungka kä mi gah ba ang? Cän cu mikmi ah ka nei!”

PHYAWN NAK 8:20

Bawipa naw Moses am, “Ngawi ung khaw ngawi hta, ghangpughang tui ah a hteh nak lam ah hteit ne, hmu neta, Bawipa ah ng’thu na m’thein vai cu, ‘Ka chang gui na hteh sak gui vai, cun ung ngami naw na khawihnah hning khai gui.

ATÜNNAK 22:3

A ngawi ung khawngawi hta ah Abraham cu, m’khih nak vai sing pawngpüi ne, ng’se pawng püi neta, Isaak la changshäm hnih khü ne, Khanpughi naw a pyen ah khaw ah hteit ci gui.

2 SHONTÄP NAK 34:1

Josiah cu Judah ghangpughang ah a kyak law yah ung a kho kum, kum cheit lawk ci, acun naw Jerusalem ung om ne kum thum kip lei ät ung uk ci.

2 SHONTÄP NAK 36:15

Ami pupa gui ah Khanpughi Bawipa naw a chang gui m’hting gui khai ah prophet gui cu tüi law gäk ci, a i ah kyasei ci ung ani naw ngami la Taigüim cu gun gui vai ah ng’ya hlük ci.

JEREMIAH 7:25

Nami pupa gui Egypt kho ungka ami law ba ungka naw tuhbäi ung khüt ciah, kei ne ka changshäm gui, prophet gui nangmi am ka tüih law nak cu ka pang lä ci.

JEREMIAH 32:33

Ngami naw kei na hnu nak ci gui; Cunung phi kei naw ka m’theithang gui ci, ngami naw kä ngai ci gui, kä ng’thei ci gui.

JEREMIAH 35:14

Jonadab htangshon gui naw, sapyit tui kä awk vai ah ani ah thumkhän cu ngai ci gui, tuh ngawi güt ung a u naw phi kä awk ci gui. Cun ung phi kei naw k’pang ne ning thu püi gui ngä sei phi, nang mi naw kä nami ngai ci.

JEREMIAH 36:1

Josiah ah hta Jehoiakim Judah Ghangpughang ah a kyak nak akum phli nak ung, Bawipa naw na pyen nak ci,

JEREMIAH 36:2

Ca k’chaw cu la neta Israel la Judah ni, pakhui avan ah mawng kei naw ka ning m’thein gui cu na guk vai. Josiah ghangpughang ah a kyak law yah ung ak htük ah kei naw ka ning thu püi ah a khin ung tün ne tuk bäi ung khüt ciah kei naw ka ning m’thein gui nü nü cu na guk vai.

2 GHANGPUGHANG GUI 17:13

Bawipa naw a changshäm gui la prophet cu kä ngai ci gui. Judah ung m’cäi gui khai ah tüi law ne; “Nami shetkat nak gui cu nawng ne kei ah ka ng’thu cu ngai vä, cun gui cu kei naw nami pupa gui am ka pek ah thukhän ung om ci nei, cun gui cu kei naw ka changshäm prophet gui ung ka ning pek gui nei.”

2 SHONTÄP NAK 24:19

Bawipa naw prophet gui tüi ne ani ah ami law ba vai ah m’cäi gui ci, cun ung phi chang gui naw ami ngaih vai ah mak ci gui.

JEREMIAH 19:15

m’gäi ciah Bawipa, Israel khanpughi naw ana pyen sak cu chang avan am ka m’thein gui ci. Kei naw ka pyen cu, “kei naw shin ah mang gaw la a pei yung ah gaw nu nü ah khan ah kei naw ka bi vai ah ka pyen ah m’kyuk nak avan cu ka law püi khai, a i ah kyasei ci ung nangmi cu nami m’lung liing sei kei ah ng’thu kä nami ngaih ah phäh ah kyak ci.

JEREMIAH 22:21

Nami bühmang yah ung Bawipa naw ning thu püi gui ci, cun ung phi nangmi naw ma ne kä nami ngai ci. Nangmi cu nami ghin ah chuih acun ah nami kyak ci; Bawipa cu kä nami läk phung ci.

EZEKIEL 33:4

Chang tumat naw acun cu ng’ya lang ne, a i ah kä ngai khäta, ga gui cu law ne, ami ngawn ah a kyak ung, amät ah sih cu amät ah om ah kyak ci.

ZEKHARIAH 1:4

Nami pupa gui ah mäih ah kä nami kyak vai, cau pui prophet gui naw ak she ah kä ami om ba vai, kä ami cheishoh ba vai ah kei ah ng’thu cu m’thein gui ci gui. Cun ung phi ngami naw kä ngai u ne kä na läk ci gui.